هنا تجمع حوامل الشهر (السابع والثامن والتاسع)

[كدوشه]

مرحبا يا بنات والله اني ارتاح يوم اكلمكم لأن امي مو موجوده مسافره انتو خففتوا علي

من السعه 4 الفجر فيني الم بظهري وبطني ومانمت وخايفه اروح المستشفى تحملت لين 10 ونمت

والحين فيه الم بس مره خفيف ومادري وش اسوي؟

وهلا وغلا بكل الصبايا الجدد اللي انضموا لنا بالتجمع

[اقصوصه]

هلا كدوشه : انتي بأي شهر ذكريني؟ الالام طبيعيه بهالفتره بس لو زاد الالم عليك لازم تروحين تشوفين شو السالفه ، انا بكره اول يوم لي في التاسع :)

[الحزينه 2]

اقصوصه

الدكتوره قالت استمري على الحديد وعلى الكالسيوم وتقول عشان البيبي يزيد وزنه لازم تشربي حليب الحوامل...بس انا اكرررررررره طعمه مرره وحبوب الحديد البلاستيكيه مررره كبيره ماقدر ابلعها..والكالسيوم اخذ بداله كاستين لبن ..

وفي نفسي اقول احسن يكون وزن البيبي صغير عشان اذا ولدته ماتعب..استغفر الله مدري شفيني


الدكتوره تقول حساب السونار 30 اسبوع بس بحسابي انا بالميلادي 27 اسبوع

اي فيهم الصحيح؟

[ام الغلاه]

هلاوغلا\\يا الحزينه 2

بسم الله عليج

ومتشوفين شر ان شاءالله

طيب كم قلتلج وازن البيبي

[الحزينه 2]

هلا بك مليوووووون

تقول كيلو و200 جرام

مدري طبيعي؟

هي تقول اقل من الطبيعي

[اقصوصه]

الحزينه: ممكن تكتفين بالحليب العادي لو ما قدرتي تتقبلين حليب الحوامل وبنفس الوقت حبوب الحديد ممكن تاخذين نوع ثاني من الصيدليه ترى في اشكال وانواع روحي دوري وخذي النوع اللي تشوفينه مناسب لج ، لو كان البيبي صغير ما بيقدر يبذل مجهود ويطلع في الولاده فبيكون كل التعب عليه يعني صغر حجم المولود مش شي ايجابي نهائيا لاننه متعب جدا للام سواء اثناء الولاده او حتى بعد الولاده لان الطفل صغير الحجم يربك الام واقل حركه بالغلط ممكن تأذيه، هذا غير انه يواجه صعوبه في الهضم لانه صغار الحجم تكون امعائهم جدا صغيره وهالشي اللي يزيد نسبة اصابة الطفل بالنفخه والغازات وبالتالي يتعب الام لانه من الالم ما ينام :(
حاولي تاكلين الاشياء اللي تتقبلينها تغصبين نفسج ع شي وبنفس الوقت التزمي بالادويه ع الاقل لانها بتعوضك وايد ، هذا غير الحيب او منتجات الالبان والاجبان بشكل عام مع الخضراوات والفواكه، يعني خذي اللي نفسك تتقبله :)

[الحزينه 2]

يااقلبي انتي ياقصوصه الله يسعدك دنيا واخره على هالنصائح الحلووه

والله شجعتني اهتم فيه...الله يوفقك ياارب

كنت متوقعه العكس اذا كان صغير بسرعه اقدر اولد لاني مهتمه مررره من الولاده القيصيريه اللي قرروها لي...

فقلت صغير حجمها ان شاء الله اولد طبيعي هههههههههاي


تقديري لك

[الحزينه 2]

طيب حساب السونار 30 اسبوع

وحسابي بالميلادي 27 اسبوع


ايهم الاصح ؟؟؟؟؟؟؟؟

[ام الغلاه]

هلا فيج \\الحزينه2

صح كلمها


طيب تكلين زبادي و زبدة الفول السوداني والبيض وهم الوجبات اريئسي

وان شاءالله اكون مقصرة

[اقصوصه]

لا بالعكس لانه لو كان صغير يكون ما فيه حيل وبالتاللي ما يقدر يشد نفسه ويطلع ، ان شا الله تولدين طبيعي ، انا مرت اخو زوجي قالولها بتولدين قيصري بس وقت الولاده ولدت طبيعي الحمد لله :)