دردشة حوامل أهل الكويت - دردشة بنات الكويت - تجمع حوامل الكويت

زود الغلا · 09-28-2010, 09:58 PM

اشيل الهم ........ الحمدلله على السلامة ومبروك ماجاك نفس مواليد ولدي 25_9_2007 ترا مواليد شهر تسعه برجهم الميزان وحليوين وحبوبين وطبعهم حلو بس عنيدين الله يعينك .
توام روحي ..هلا وغلا والله الحمدلله ان وضعك تعدل سجدي شكر لله وحمدي ربك والله يتمم عليك .\
ام ياسمين ....... شلونك ؟؟؟؟ وشخبارك مع الثقل . وحي الله الجدد اللي انظموا معانا .
وشكلنا احنا التوائم كثرنا اللهم زيد وبارك .
نبض الكويت ........ انا عيالي كلهم بالخاص بس حمالتي هاذي عشان توام قاعدة اراجع بالصباح بصراحة مراح اغامر بعمري وبعيالي .

توأم روحي · 09-28-2010, 11:45 PM

شيوم: حياج الله حبيبتي والله يتمم عليج
زود الغلا : انشاءالله حبيبتي و ما تقصرين الله يسلمج
نبض الكويت : مشاءالله ما انتبهت انك حامل بتوأم الله يتمم عليج و يثبتهم . بالنسبه لمراجعة الصباح على حسب منطقتج يحولج المستوصف لأن التوأم لازم الصباح عندهم تعميم قولي لهم في العياده التخصصيه الخاصة بمنطقتج و هم يحولونج هناك.

أم ياسمين · 09-29-2010, 10:24 AM

نبض الكويت :حياج الله يالحبيبه زميلتنا بصفحة الكويتيات و بصفحة التوائم.
شيوم:حياج الله ماشاء الله , الله عوض صبرج خير.

أم ياسمين · 09-29-2010, 10:26 AM

توأم روحي :تينن الصوره اللي حاطتها خخخخخ

MALAK2010 · 09-29-2010, 10:56 AM

توأم روحي · 09-29-2010, 11:54 PM

أم ياسمين: مشكوره حبيبتي باخذ رايكم بالأسامي انا بنتي اسمها فجر وانشاءالله الولد ريلي بسميه عجيل على عمي الله يرحمه بالنسبه لأسم البنت انشاءالله شرايكم عجيل و هديل وإلا عجيل و جوري لايق على فجر؟

MALAK2010 · 09-30-2010, 08:28 AM

أم ياسمين · 09-30-2010, 09:09 AM

هاي توأم روحي:جوري حلو بس عجيل و هديل حلوين مع بعض لايقين الله يقر عينج بشوفتهم.

ايسكريم · 09-30-2010, 09:53 AM

سلام عليكم :)

ممكن سؤال لوول شنو معنى اسم عجيل؟! >>الاخت حساوية داخله عرض :p

توأم روحي · 09-30-2010, 01:10 PM

ام ياسمين : مشكوره ما تقصرين
ايسكريم: حياج الله حبيبتي اخذي راحتج بالنسبه لمعنى عجيل الكويتين يكسرون حرف القاف إلى جيم مثال: قاسي يقولونها جاسي بالجيم و عجيل معناها عقيل من العاقل وانشاءالله يكون اسم على مسمى