تجمع حوامل ليبيا

[عيون زوجي]

انا حرجاااااااااااااااااااانه

[الهندية]

انا عمرى 29 مقيمة فى طرابلس مدرسة ثانوى عندى بنت عمرها شهرين ونص علاش حرجانة اناشاءالله مش منى تعرفى راجلى مريض عنده هبوط وبرد ومخلطة عليه ليه ثلاث ايام قتله بكرة لازم يعاين وقاعدة نديره فى شربة خضرة وبنتى متبيش تقعمز لوطا بوكل بهدلتنى

[حبل الوصل]

السلام عليكم انا النت متعى ريفي وكان خارب ليه 3 ايام شكله مفيش حد فقدنى زعلانة انى
أم أسيل وينك كيف صار ان شاءالله حمل ياااارب

[الهندية]

حبل الوصل كيف حالك على حسب معلوماتى النت مقطوع فى درنة ...
اناشاء الله يجن اليوم

[عيون زوجي]

هنديه الله لا يجيب زعل بينا والف سلامة لزوجك ولاباس اعليه ولازم يعاين
حبل الوصل هلا بيك انتي شن اخباركي واخبار عويلتك
ميرنا وام اسيل طلعوا اجازة صيف لجزر هاواي وتوا تلاقيهم لابسين البكيني عالشط

[ام اسيل]

طبعا الي قاعدة في قطر والي قاعدة في المانيا مش حاسة بالمشكلة النتية الي نحنا قاعدين فيها النت ها اليومين جوه مشتشت بكل .

حبل الوصل حبيبتي والله انا فقتدك بس نفس مشكلة النت الي عندك . واليوم جتني الدورة اه اه اه اه اه اه اه (هذي بكية) واليوم ماشية للدكتورة حكمت عشان تشوفني قالت نديرلك صورة ويمكن تعطيني ابر بدل الكلوميد . بس يابنات والله نفسيتي عادي جدا مع اني توقعت روحي ننهار لكن لقيت روحي عادي وقلت كل توخيرة فيها خيرة حتى راجلي لما قتله نبي نعدي لدكتور فتحي طوير وهو مشهور بكل في علاج العقم قالي بلا هبال انتي عندك عيلين ومالكش ثلاث شهور رامية عيل كنك هبلة خليها على الله (لكن بيني وبينكن كان جتني الدورة الشهر الجاي توا نعدي للدكتور هضا حتى من وراه محد قاله يديرلي سيارة)هههههه وتوا نعد نوتي روحي بيش نعدي للدكتورة وبعد نروح تو نقوللكم شن صار باااااااااااااااايييي

[حبل الوصل]

ربي يعوضك خير ياوخيتى والله زعلت واجد لكن زى ماقالك رااجلك انتى مفيكى شي اصبري للشهر الجاي لكن قوليلي وين الصبر ربي يعطيك ياخيتى والله مستاحشتك وااااااااااااااجد وطمنينا عنك شن قالت الدكتورة

[hatoo]

اهلين بنااااااااااااااات

[حبل الوصل]

اهلين هاتو شن اخبارك ان شاءالله تمام وشن دايرة مع الحمل

[hatoo]

الحمدلله تمام وانتي شنو اخبارك؟