دردشة حوامل مصر - دردشة بنات مصر - تجمع حوامل مصر

[دودى اشرف]

يااااااااااااااااااااااااارب يا حبيبتى ان شاء الله تبقى شقة الهنا باذن الله وولى العهد ييجى ويبرطع فيها باذن الله يا حبيبتى

[dr.princess]

الخبر الوحش بقى
انى المفروض فى خلال 4 او 5 ايام بالكتير لازم انقل لان خلاص الايجار هنا هيكون خلص
وساعتها طبعا جوزى هيتصل بشركة الاتصالات علشان ينقلوا التليفون على الشقة الجديدة وبالتالى النت هيتقطع لغاية ما التليفون يتركب هناك ومش عارفة الموضوع ده هيأخد وقت اد ايه
وبالتالى هتحرم منكم ومش هعرف اكلمكم لغاية ما النت يرجع تانى مش عارفة امتى

[دودى اشرف]

انا شقتى والله الحمدلله حلوة وكبيرة وفيها حمامين وهى 3 غرف حلوين وصالة كبيرة .. بس الحتة هادية مووووووووووووووووووووت .. زى المعادى كده فى مصر لو تعرفيها ... طبعا عاجبة جوزى جدا وكمان سعرها ارخص من حتت كتير علشان مفيهش اسواق ولا حاجة جنبنا يعنى وهو مبسوط بيها جدا علشان الهدوء ... انا اللى مضايقنى منها الهدووووووووووووء هههههههههههههههههههههههه .... مش واخدة عليه ابداااااااااااااااااااا ... ولا فى سوق ولا حاجة انا من اسبوعين تقريبا زهقت لوحدى وقررت انزل لوحدى وقلت اجرب بس قلتله يعنى فى سوق جنبنا بس بركبله طبعا تاكسى فا قلتله وقالى روحى وهو عدا عليا وكنت اول مرة انزل لوحدى بس كانت حلوة حسيت انى حرررررررررررررررة بجدددددددد زى مصر كده هههههههههههههههههههههههههه .. مش واخدة على القافلة دى لانى كنت شغالة ومش واحدة على القاعدة وكنت بنزل على طوووووووول وعلى طوووووووول فى ناس حواليا لانى فى حتة شعبية وبيت عيلة كمان فا حاسة انى هنا فى منفى هههههههههههههههههههههههههههههههههههههههه دى مأساتى

[دودى اشرف]

ياااااااااا خبررررررررررر .. يعنى هنتحرم منك فترة غير معروفة ... المهم تكونى بخير.. بس مش عارفة هنطمنى عليكى ازاى ... والله الحمدلله انه الخبر ده مش حاجة تاني لانك خضتينى والله الحمدلله ان انتى والنونو وزوجك الحمدلله بخير يا حبيبتى .. معلش فترة وتعدى مع اننا والله هنفتقدك .. هتبقى انتى كده وتوته ينفع كده طيب .. ربنا يستر على باقى البنات بقى ههههههههههههههههههههههه

[dr.princess]

لالالا انا هنا فى حتة معزولة خالص عن الدنيا فعلشان كده سعرها رخيص انا هنا اوضة ومطبخ وحمام بس
المنطقة اللى هننقلها انظف كتير منه هنا وفيها خدمات كتيرة فعشان كده غالية يعنى تخيلى اوضة واحدة بس زيادة بضعف الثمن اللى بندفعه هنا افترااء والله

[dr.princess]

دودى انتوا هتوحشونى اوى والله
وعلى رأيك حافظوا على نفسكم بقى اصل كل يوم كده واحدة بتقع هههههههههههههههه

[دودى اشرف]

الله يعينكم والله .. اللى مجرب الغربة ومصاريفها والله هو اللى يقدر ... الكل فاكر مدام الواحد متغرب ومسافر الخليج يبقى ياما هنا وياما هناك والله ميعرفوش ان الواحد بيدفع تمن يعنى للغربة دى من فلوسه واعصابه ويدوب اللى جاى على اد العيشة زى مصر يمكن الفرق ان الواحد بس عايش كويس غير مصر وقرفها فى العيشة والغلا... بس بجد الاسعار كلها يا بنتى ناااااار والله .. انتى عارفة الشقة اللى انا فيها سعرها 150 دينار ... وصحبتى ساكنة فى حتة تانية تبعد عنى نص ساعة او ساعة الا ربع تقريبا واوضتين وصالة وحمامين بس الشار حيوى شوية لكن مش سوق بس الحتة معروفة انها فيها اجانب كتير وشوام ومصريين يعنى غير هنا ... ووخدنها بـ 250 دينار .. شوفتى الفرق .. لما كنت بقلها على سعر شقتى مكنتش مصدقانى لحد مجتلى وشافت ان الشقة الحمدلله كبيرة زى ما قلتله كانت فاكراها بقى بالسعر ده تبقى كل اوضة زى الحوء .. بس الحمدلله رب العالمين على كل شىء

[ايوشه]

انا رجعت بس شويه صغنونه وماشيه تانى عشان جوزى زمانه جاى عملتى الكوسه يادودى شكلك غشيشينى بقه وقولى عملتيها ازاى وانتى يالولو طلعتى مش لوحدك اللى بتاخدى اللبوس انا كمان عندى التهابات ودى تالت مره اخده وكل مره 6 مش 3 بس يارب يجى بفايده لانى لسه هعمل تحليل واشوف راحت ولا لسه لانها تقريبا معايا من اول الحمل ربنا يستر

[دودى اشرف]

سلامتك يا ايوشة ... انا كان عندى التهابات جامدة فى المهبل برضه لكن انا مخدتش لبوس .. ادتنى تشطيف بس وبعدين قالتلى راحت وموجود بس التهابات نسائية العادية دى ... الحمدلله ربنا يسترها .. ويطمك على البيبى يا قمر
انا جهزتها بس لكن مستنية شوية واقوم احطها فى الصينية واحطها فى الفرن علشان متبردش لحد ما جوزى ييجى ... انتى جوزك بيشتغل ايه يا ايوشه ؟؟ محاسب ودوام واحد .؟؟

[ايوشه]

المشاركة الأصلية كتبت بواسطة دودى اشرف

الله يعينكم والله .. اللى مجرب الغربة ومصاريفها والله هو اللى يقدر ... الكل فاكر مدام الواحد متغرب ومسافر الخليج يبقى ياما هنا وياما هناك والله ميعرفوش ان الواحد بيدفع تمن يعنى للغربة دى من فلوسه واعصابه ويدوب اللى جاى على اد العيشة زى مصر يمكن الفرق ان الواحد بس عايش كويس غير مصر وقرفها فى العيشة والغلا... بس بجد الاسعار كلها يا بنتى ناااااار والله .. انتى عارفة الشقة اللى انا فيها سعرها 150 دينار ... وصحبتى ساكنة فى حتة تانية تبعد عنى نص ساعة او ساعة الا ربع تقريبا واوضتين وصالة وحمامين بس الشار حيوى شوية لكن مش سوق بس الحتة معروفة انها فيها اجانب كتير وشوام ومصريين يعنى غير هنا ... ووخدنها بـ 250 دينار .. شوفتى الفرق .. لما كنت بقلها على سعر شقتى مكنتش مصدقانى لحد مجتلى وشافت ان الشقة الحمدلله كبيرة زى ما قلتله كانت فاكراها بقى بالسعر ده تبقى كل اوضة زى الحوء .. بس الحمدلله رب العالمين على كل شىء

شكلنا كده هنعزل ونيجى جانبكو يابنتى انا شقتى قوضه وصاله ب150وكمان فى الدور التاسع بس عشان قريبه من الشغل بتاع جوزى مش عايزين نسيبها بس طالما 3 غرف تبقه تستاهل