تجمع الكروشات اللي ولادتهن في رمضان 1433ه

[مناير999]

ام يارا
حلو اسم ريان وبعد راكان يعجبني
ومبروك السياره الجديده للزوجك الحين خليه يفرفر فيك تتقضي للبيبي
الاولاد شكل حركتهم قويه ومرافس
انا بنوته واحس شي خفيف مثل النبض او فقاعات نفسي احس بشي قوي افرح ........

ام عبدالرحمن
والله الرياض طفش وزحمه والحين حر كملت تكرهين المشاوير

الرشا
فعلا مريح للبيبي وكيوت بس يمكن زي ماقلتي للبيبي تحت 4شهور مانستفيد منه على طول

ام حماده
يوووووه كل هالملابس حرام عليك بيصير ابو الشباب على الحديده هههههههههههههههه
بس المهم ان قياساتهم كبيره تكفي مده
انا امي تقول جمعنا البدل والبربتوزات عندها طلعوا اكثر من 40 قطعه انا شاريه وهي تشتري فرحانه ياعمري بتصير جده لاول مره بعد طول انتظار
قلت لها خلاص يكفي وقفي قالت بحاول بس ماوعدك <<<عرفت انها مابتوقف ههههههه

وعلى طاري احلام هذي مو صاحيه
شفتي فستانها بالحلقه الاخيره
قيمته باكثر من مليون مركب عليه قطع الماس نادره بدل عن الكريستالات العاديه طلبت الماس
وطقمها فوق 7مليون

فستان أحلام في عرب ايدول بمليون و300 ألف دولار أمريكي

2012/03/27

أثار الفستان الذي ارتدته الفنانة أحلام في الحلقة الخيرة من برنامج عرب ايدول ضجة إعلامية, في حين صرح مصمم الفستان, أن الثوب كلف مليون و 300 ألف دولار أمريكي.
وذكرت وسائل إعلامية أن الضجة التي سبّبها فستان الفنانة أحلام في برنامج عرب ايدول غطى على أخبار الرابحة في البرنامج كارمن سليمان لأن الفستان كان مزيناً بحبوب الألماس وتخطى سعره أكثر من مليون و300 ألف دولار.
وكشف المصمم طوني يعقوب, مصمم الفستان, أن ثمن الثوب قد تخطى المليون و 300 ألف دولار, وذلك لاحتوائه على باقة كبيرة من حبوب الألماس التي زينت كتفي الفستان والأكمام.
وقال يعقوب طلبت الفنانة أحلام أن أصمم لها فستانا من لون طقم الألماس ذاته الذي تملكه والذي يبلغ ثمنه حوالي 6 ملايين درهم إماراتي, وبالفعل هذا ما حدث, فقد صممت الفستان من أقمشة جاكوب شلفرت وهي أقمشة سويسرية تتطرز على الليزر, وعمدت أحلام إلى جلب الألماس وقمت بشكّها في الفستان بطريقة دقيقة.
وأوضح يعقوب أن الفستان احتوى أكثر من 40 قيراطا من الألماس الخالص والنقي, وبعض الألماس الباهظ الثمن والنادر وهو يعرف باسم غراف وكانت أشكال حبوب الألماس تشبه العقد والأقراط التي تزينت بها الفنانة, فبدا الفستان برّاقاً لدرجة مخيفة, لافتا إلى أن ثمن الفستان من دون الألماس قد بلغ نحو 35 ألف دولار.
وأشار المصمم طوني يعقوب إلى أن الفنانة احلام اشترت كل الفساتين التي ارتدتها في حلقات البرنامج, منوها إلى أنها من الفنانات التي توصف بالطبع الصعب لأنها محتشمة وتحب في ذات الوقت مواكبة الموضة العالمية, كما أنها واثقة من نفسها ثقة عمياء.

[اميره باوصافها]

تصبحون على خيـــــــــــــــــــــــــر

[نسمة دفا]

الكروشات راحوا ناموا

وانا توني فضيت وجلست

من الطفش تمددت بعد المغرب لأني ما خرجت مكان...

وعلى أذان العشا زوجي اتصل وقال العائلة جايين يتعشوا عندنا سمك ورز أبيض وتوابعه

قمت جري على المطبخ

سويت القهوة والسلطات..وحلى ..سويت كيكة بعد ما استوت افتكرت أني نسيت أحط لها باكينج باودر ههههههه زهايمر مع مرتبة الشرف

وكانت الكيكة من نصيب الدجاج

من نعم ربي علي بعد ماغسلت السمك قال زوجي هاتيه أقليه في المطعم واجيبه(الحمدلله)...


تعشوا وشربوا الشاهي وهرجة ودرجة..وراحوا وحدة ونص

والشغالة لسا ما خلصت المواعين ..باقي لها شوي ..الله يقويها

=====

أم حمادة عشان تحللي الملابس غيري لبس البيبي كل يوم 5 مرات...ولا يهمك

=====

أم رياااااااااااان مبروك عليكي ريان ..ربي يتمم لك حمله وولادته

ومبروكة عليكم السيارة ربي يعطيكم خيرها ويصرف عنكم شرها

======

مدام نسنس

أنا أفضل الزيوت الطبيعية على الكريمات مثل زيت اللوز وزيت الزيتون

======

أم عبدالرحمن ومن سمعك..نفسي بخرجة تمشية,,البحر عندنا بس زماااااااان عنه

======

رشا أنا ما ءأيدك تنزلين تقضين في الثامن

بيكون الجو حار ..والشهر الثامن دمه ثقيل

======

انا مثل أم حمادة تقريبا خلصت الأساسيات

أمس رحت لقيت طقم للبيبي فراش ومدس ومخدة وتوابعهم لونهم سكري للإستقبال

أخذته...واشتريت ثوبين استقبال نفاس لي أنا شخصياً..وطقمت لهم طرح خفيفة ..

وأخذت سوسوهات للرضاعة وكوكوهات للإستعمال الواحد اخاف بعدين ما ألاقيها..

لقيت أرواب لي قطنية ناعمة للمستشفى والبيت ..

كلهم أخذتهم من مكان واحد...وارتحت...

انتهت النشرة التفصيلية المملة

========

[نسمة دفا]

بامان الله

تصبحون على خير وسعادة

[Haif]

صباح الخير

ماشاء الله سوالفكم كثيره واصلاً نسيت من ارد عليه بحاول اتذكر اللي اقدر

ام يارا
ريان حلو ومبروك ياام ريان السياره الجديده ربي يكفيكم شرها

ام حماده
يستاهل البيبي الصغير وزي ماقالت لك نسومه غيري له باليوم اكثر من مره

مناير
والله عجبني هالسرير ياليت اللي تلاقيه بمكان تقول لنا عنه
مناير من هي التاجره اللي تبيعه هنا ؟

نسومه
كيفك لك وحشه

عليهم بالعافيه الدجاج على هالكيكه

انا اخذت لي ثلاث قمصان بيت لنفاسي وبجامه بس احس انه يبغى لي بيجامتين وقميص بعد
بس للحين مااخذت جلابيات استقبال

باقي للبيبي لفات بيضا و مقاط ماادري اذا تعرفونه اللي هو حبل المهاد انا احب امهد البيبي والفه لاربع وخمس شهور وباقي لي مدسات ماادري اخذ واحد والا اثنين

من امس مزاجي متعكر فجأه ماادري ليه ؟ هالمزاج يوم يومين يروق واسبوع يتعكر

الله يعينا
*

[نور العيوووووون]

هيووف
اما على سالفة المزاج حدث ولا حرج احس ادور بس شيء علشان ازعل تكه بضيقه بتعب الله يعين بس
والمقاط واللفات البيضاء تحصلينها بسنتر بوينت حلووه واسعارها مره رخيصه افضل من الي برا السوق احس قطنها
ام يارا حلووو اسم ريان يام ريان خلي يارا عقب ريان على طووووووول هههههههه
مناير حلو السرير ومريح خاصه للبيت الاهل احب اشتري الاسره انا الصغيره بس شكل ذا مررره حلو وسهل بالنقل بس على قولتك يمكن تلقين بسعر رخيص مررره وتنصدمين

[Haif]

هلا نور

كيفك و كيف النونو وكيف المزاج

شكلي بمر سيتي بلازا قبل واشوف بس هالشهر الميزانية اختلت شوي طلبت ملابس استقبال للبيبيات من النت و طلعت غاليه شوي بس مره يجننون ويستاهلون الصغيرات فبخلي باقي الاشياء الشهر الجاي الله يعينا ويقومنا بالسلامه ويفرحنا بشوفتهم

[نور العيوووووون]

الي سالو عن اسرة الاطفال الي على شكل شنطه سالت قالو فيه نوعين امريكي وسوري الامريكي افخم واحلى وموجودين في العيسائي بطيبه ومحلات النونو

[(( أم يارا ))]

مساء الورد والكادي 🌹🌷🌸
اخباركم ياكروشات ..؟
ام حماده جازان دايم حر توقعتها مثل ابها مايله للبروده .. ماشاء الله خلصتي كل شي الحين باقي تنتظرين الولاده بتحسي بطفش وتحسيها بعيده لانه مافيه شي يشغلك .. الله يتمم لك ع خير وتشوفي حماده بحضنك بصحه وسلامه ..
الرشا .. اوما الولاده تخوف انا احسها عاديه بس الوحده تصبر وتدعي يوم السبت بنت خالي ولدت وع طول قالت هذا اول واحد واخر واحد حرمت الحمل بعدها .. انا استغربت معقوله كل هذا الم عاد هي ماشاء الله ماطولت ولدت جاها الطلق قبل العصر وولدت بعد المغرب ..
مناير .. الله يبارك فيك اسم راكان كمان عاجبني بس عندنا راكان .. ولايهمك من بكره بخلي زوجي يوديني السوق ومره وحده يمرن السياره .. مناير وش تبين بالرفس احيانا يضايقني ريان برفسه الله يهديه عاد يقولون باقي ماشفتي شي الرفس هذا خفيف الله يعين ويفرحني بشوفته ..
نسومه وهيفا .. الله يبارك فيكم وامين يارب .. والله يتمم عليكم ..
نور .. الله يحلي ايامك تبين تذبحيني شايله فكره اني احمل بعد ريان ع طول ابي ارتاح 3 والا 4 سنوات .. ويارا ان شاء الله بعد ريان مفكره اجيب توأم << باخذ منشطات هههه ناويه ع التوأم ان شاء الله ..

[(( أم يارا ))]

كروشات احتمال انزل بكره السوق اجيب لي ملابس حمل ماشريت باقي دوبها تطلع الكروشه ..
ابي محلات في شمال الرياض تبيع ملابس حمل انا ساكنه هناك ومشتحيل زوجي يخليني اروح لجنوب الرياض والا الغرب ..
غرناطه قريب من بيتي تتوقعون راح الاقي فيه ملابس حمل وكمان سنتر بوينت والاندلس و الاسواق اللي بحي المك فهد مثل مارينا مول والرياض غاليري واللي حولها .. ابي تدلوني ع محلات فيها للحمل وباي دور .. ايوه المحلات تبيع بناطيل وتنانير حمل لاني ما احب الارواب و الارواب ماتصلح الا في الثامن والتاسع ..
يله عن اذنكم بروح اكوي ثوب زوجي وارجع لكم الاقيكم حطيتوا لي كذا سوق والا خليت ولدي ريان يصفق عيالكم << بتعلمه المضاربه من الحين ههه😄