دردشة بنات ليبيا , دردشة حوامل ليبيا , تجمع بنات ليبيا

[أم ورد]

أتي جبريل إلى رسول الله صلى الله عليه وسلم فقال : يا محمد عش ما شئت فإنك ميت, وأحبب من شئت فإنك مفارقه , وأعمل ما شئت فإنك مجزى به , وأعلم أن شرف المؤمن قيامه باليل وعزه إستغناؤه عن الناس .

[ام معاد]

وين ميمونة

[ام معاد]

رغودة انت توا في العمل

[ام معاد]

تعرفوا البارح نحلم بروحي عند ام روفيدة شكلها سفهتني بالثلج الليل كله واني نهتري بيه يعطيك الصحة يا ام روفيدة ،

[ام معاد]

تعرفوا اتخشوا اتهدرزوا ولا عندي وقت الي الساعة خمسة وبعدين ابنمشي عند اهلي بنبات غادي ، نهارك ابيض يا يقونة متخشيشعرفتك توتي في الغدي هههههههههههههه اه

[رغوده2006]

نبي نحكيلكم شنو مضايقني بالك نستريح شويه
ياحنا بنت الحن امس مشيت لسوق الثلاثاء زوزي يبي يرفع رغد ورهام من فتره وانا نأجل ماعنديش نيه المهم امس هداني ربي وقلت باهي البنيات فرحو عالقريب طارو نوضت الصبح بكري فطرنا وبدلتلهم حوايجهم ودرت دوره عالشقه وطلعنا طريق تامه وهم فرحانات وتسمعي غير الضحك والغناء وجوهم يهبل وكل وحده تقول فاش تبي تركب في السفينه وفي السياره ورهام تبي الحصان المهم وصلنا وركبنا في السلم الكهربائي الدور الاول وجينا بنركبوا الدور الثاني وين الملاهي لقيناااااااااااااااااااااااااااااااااااااااااااااا ااااااااااااااااه امسكر تعرفوا يابنات والله ما نقدر كيف نوصفلكم الموقف كيف تعرفوا انا نكتب ونبكي والله مانكذب عليكم بالنسبه لحالة رهام كانت تضحك ولما شافت السلوم حاطين قدامه فاصل امسكرينه بيه شافت لرغد وشافت لبوها وشافت لي انا وقالت سكر هو كيف نلعبو توه هيه ورغد انطفت مع بعضها بعض انا لما شفتهم هكي قعدت نبكي وندعي على بوشفشوفه الله لاترحمه والله يطفي شمعته واللهم احشره مع الظالمين هو وصغاره واللي قاعد يبيه ااااااااااااااااامين يارب العالمين وانا زي الدرويشه ندور وندعي عليه وزوزي يقولي والله الابتهبلي المهم قلت لزوزي خلي ناخذلهم عالاقل لبسه لبسه نفرحهم بيها دخلت لمحل الاحلام جري وطلعت جري رغد قتلي والله ماني شاريه حاجه مانبيش لبس انا نبي نلعب حرام عليكم ورهام طبعا هلي اديره رغد اديره هي مش راجلي قاللها هيا ننزلوا لوطه وناخذ كروسه واللي تبيه اشريه قالي عالاقل يغيروا جوهم شوي نزلنا لوطه وبدوا يدوروا وياخذوا من هذه ومن هذه وانا حتى اللي مش عاجبني نقول باهي ومع هذا كله رغد تسكت تسكت وتقول خساره ياماما الالعاب امسكره لما تقولها تسحق كبدي نقوللها الله غالب يابنيتي الله لاتربحه انشاءالله وسكر قدامه ابواب الجنه .كملنا قضيتنا وخطمنا عالقرقارش تغدينا رغد زاقتلها ماتبيش تأكل وروحنا لما جايين عكس لما مروحين الكساد عم عليهم واطلمصوا مع بعضهم رهام خذاها النوم رقدت وانا نزلت لمحل بيبان عالطريق يهبلو الباب الرئيسي بـ 3000 دينار ومعاهم وحاجه مش عاديه يهبلووووووووووو ووقفنا خذينا لبن وجبنة معصوره ووصلنا للحوش قبل المغرب بساعه وانا وين ماانتفكر الموقف اتسفر عندي وندعي عليه ماسده واخلاص .معقوله بلد نفطيه مهناش فيها وين الواحد ايغير جوه ولا يترفه الللللللللللله لاتربحه هو هلي قاعدين يبوه علاش يبوه مش عارفه شنو دار للبلاد امس طرابلس تغم القلب هناك غير مكبات الكناسه حشاكم واخلاص والله مافيها حاجه تنشاف وقالك معمر هذا ياودي مدمر مخرب ياليهودي هالكافر تي هي تونس هلي ماتقارن بليبيا اكيد شوفتوها كيف مخليها من لاشي ردها بلاد ونص مش زينا احنا دوله نفطيه وفلوس زي التراب راهو ماشيين غير عاولاده ودوته الفاضيه تي انا نشتغل في شركه نفطيه وعارفه ارباح النفط قداش تي حاجه لاتوصف في اليوم ملايين الملايين والله العظيم في من ارقام مانعرف نقراها وين تمش هالملايين وعددنا شويه قولولي وين المفروض عايشين احسن عيشه لا والمشكله هلي يبيه غير المريش وخوه وتلقيه عايش عيشة القهره والعازه عليه وقاعد وحتى هو مات يهتف بأسمه عليك حاله واخلاص .تعرفوا يابنات والله انا من قبل نكره وزاد ويوم عن يوم يزيد كرهي ليه ولاتباعه هالمغفلين هالكلاب زيه
وهذا شنو مضايقني

[رغوده2006]

المشاركة الأصلية كتبت بواسطة ام معاد

اهلا ام ورد حالنا باهي والحمد لله ، رغودة مازال يفشخ فيها وخلاص مدايرلها حلبة مصارعة وطبعا اني الحكم هههههههههههههه

هههههههههههههه والله الا ضحكتيني مع اني مضايقه خلي الله يفشخ ليها ههههههههههههههههههههههههههه

[رغوده2006]

ام ورد كيف حالك انا بديت مسالمه معاك احسن ماتجيني بصواريخ الجراد
توووووووووووووووووبه كان مازلت نتعدى عليك ههههههههههههههههههه

[رغوده2006]

ام عبدالرحمن تي وينك عاد شكلك عندك مباراة مصارعه تحكمي فيها ههههههههههههههههه قداش قداش

[رغوده2006]

اووووووووووووووووووه عاد شورني بنجيكم بالميم ط وامري لله وهلي بيصير يصير استعدي ام ورد واختك
طوطوطوطوطوطوطو ههههههههههههههههههههههه