دردشة حوامل مصر - دردشة بنات مصر - تجمع حوامل مصر

[ايوشه]

هى اخت جوزى هنا وبالنسبه لماما لسه مش عارفه عشان اختى ثانويه عامه وخايفه ده ياثرعليها

[دودى اشرف]

ربنا معاكى والله يا ايوشه ... انا جوزى كان فى الاول معترض على نزولى .. لكن الحمدلله ربنا هداه وقالى فى الاخر انى خلاص ان شاء الله هنزل .. انتى بتشتغلى هنا ولا قاعدة؟

[MALAK2010]

عارفين انا اسمع ان الناس فى الغربة بيبقوا مترابطين اوى
يعنى مرات صاحب جوزى انا عرفاها معرفة سطحية رحتلها مرة وجاتنى مرة وبنتكلم فى التليفون على فترات بس اول ما عارفت انى حامل قالتلى اولدى هنا وماتقلقيش انا معاكى هتيجى عندى تساعدنى وهتودى جوزى عند جوزها ههههههههههه فصل قوات يعنى
ذوق منها والله بس انا ان شاء الله هولد فى مصر ربنا يكملنا على خير

[دودى اشرف]

ملك اين انتى؟؟

[ايوشه]

لاء انا مش بشتغل انا اول ماجيت كنت عايزه اشتغل بس بعد الحمل قولت هيبقه تعب

[MALAK2010]

ايوشة:طالما فى حد عندك خلاص وربنا يقومك بالسلامة
بس انتى مش عاوزة تنزلى ولا جوزك هو اللى مش راضى

[دودى اشرف]

المشاركة الأصلية كتبت بواسطة malak2010

عارفين انا اسمع ان الناس فى الغربة بيبقوا مترابطين اوى
يعنى مرات صاحب جوزى انا عرفاها معرفة سطحية رحتلها مرة وجاتنى مرة وبنتكلم فى التليفون على فترات بس اول ما عارفت انى حامل قالتلى اولدى هنا وماتقلقيش انا معاكى هتيجى عندى تساعدنى وهتودى جوزى عند جوزها ههههههههههه فصل قوات يعنى
ذوق منها والله بس انا ان شاء الله هولد فى مصر ربنا يكملنا على خير

والله مش دايما يا ملك ... وبتكونى مش ضامنة الظروف... يعنى مرات صاحب جوزى برضه كانت بتقولى اولدى هنا برضه ومالكيش دعوة .. بس هى معاها تلات عيال ماشاء الله وكل اللى اعرفهم معاهم 3 عيال وغير كده احنا دلوقتى قطعنا مش بنكلم بعض بسبب سوء تفاهم بين جوزها وجوزى وكمان اللى معاه 3 عيال هيراعى واحدة والدة ازاى .. لو راعت هتراعى كام وخلاص .. لكن فى مصر هتلاقى كتييييييييير ماشاء الله يراعيكى ... فا بيبقى الموضوع ده مش مضمون .. ربنا يكملنا على خير يارب ويبعتلنا ساعة من عنده فى اى مكان يارب

[ايوشه]

والله انا ماكنتش مقرره كنت سايباها على ربنا بس لقيت جوزى عايزنى اولد فى شقتى وماما تجيلى وانا مش موافقه فقولت خلينى هنا احسن وهو كمان بعد ماكان عايزنى انزل رجع فى كلامه لانه مش هيعرف ينزل علشان هيبقه عنده جرد وميزانية فى الشغل فقولت اللى ربنا عايزه هيكون

[دودى اشرف]

اه فعلا يا ايوشه .. انا كمان اول لما جيت كنت رافضة فكرة الشغل .. لانى كنت بشتغل بقالى سنين وقلت اريح بقى ههههههههههههه .. بس بعد شهرين من الجواز قلت اشوف اى شغل بدل الزهق ده والقاعدة لوحدى لاقيت نفسى حامل وطبعا مينفعش .. ربنا معانا جميعا

[دودى اشرف]

اهم حاجة ان شاء الله تقومى بالف سلامة وربنا يسخرلك الطيبين من خلقه ان شاء الله يا حبيبتى