تجمع حوامل الاشهر الأولى (الاول ,الثاني,الثالث)

[Bano0ota]

الواثقة بالله ذكرتيني بحملي الاول كنت قاعدة اسوي الغدى وانتظر زوجي اروح أحلل هههه ولما عرف بالنتيجة عفسهم دش المختبر وصور العينة كل ما قالو له ممنوع يا ريال وهو ولا على باله كل من جافه وده يحضنه ويسلم عليه . اياااام بس الله ماكتب للحمل يستمر والحمدلله. ربي عوضني عنه خير *

[faith-berry]

السلام عليكم
اخباركم يااحلى حوامل ان شاء الله بخيرات
الواثقه الف مبرووك والله يتمم حملك على خير يارب
بسالكم امس جاني مغص مره مره بشع
لان اول مره يصير جماع من اكثر من ثلاث اسابيع
وكمان ضيق في التنفس كنت احسن مافي هوا ولا اكسجين
هل طبيعي لانه اول حمل

[غلاج بقلبي]

هااااي صباايا
ياويلي هاليومين حيييل تعباانه حاله الغثيان احسها كل فترة تزيد
واذا كنت جيعانه واكلت شي خفيف يزيد الغثيان ودي اطلع كل شي اكلته
اما المغص ياااااااااااااسلام يروح ويرجع

[لمِيس]

المشاركة الأصلية كتبت بواسطة bano0ota

عبير ماعندي فكرة بس روحي المستوصف يمكن يعطونج شي مايضر الحمل ان شاء الله

أنا حبيت اخبركم باللي صار معاي امس واستشيركم بنفس الوقت . امس كان لي موعد سونار عشان تحدد لي الدكتورة جم اسبوع لي وموعد الولادة والحمدلله سويت السونار وشفت القووومر حبيب قلبي صغيرون وايد وجفت دقات قلبه وهو ينبض بعد عمري بغيت أصيح عالدكتورة خخخ الحمدلله رب العالمين وقالت لي الحمدلله حملج طبيعي وكل شي تمام . لما سألتها وقلت لها اني أخذ دوفاستون من اول ما حملت بس كانت الحسبة غلط وصرفو لي اياه شهر والحين لازم أخذه شهرين قالت لي هيا مو مع اللي تاخذ دوفاستون وحملها طبيعي يعني ماله داعي وخيرتني اني أواصل عليه او أقطعه بكيفي . شنو تتشورون علي اوقفه؟ مافي ضرر ان شاء الله ؟ بصراحه احسن لان يسبب لي لوعه بس ماعرف هذي اول مرة ..

أنا مثلك صار لي حمل سابق واجهاض

بحملي التاني ما وصفت لي الدكتورة مثبتات لانو وضع الحمل طبيعي

وان شاء الله ما بحتاج لها ويارب يثبت حملي وحملك ويتمم علينا بخير

وبما انو حملك طبيعي فانتي كمان مارح تحتاجيها بإذن الله

[اضواء القمر]

كيفكم يا بنات
والله انا امس واليوم بس بدا معي الغثيان وقبل ما كان ييجي ولا كاني حامل بس امس واليوم حسيت والله تعبانة مو قادرة اشتغل شغل بيتي والجو برررررررررررررررد

[Bano0ota]

مشكورة اختي لميس .
اضواء القمر الله يعينج ببدي معاج الوحام
انه كل يوم احسه يزيد حتى لو مر يوم ارتاح فيه يرجع اليوم الثاني
وأمس واليوم مبتدي معاي الترجيع الله يعزكم . وكله بأجره ان شاء الله

[ღ ٱم ديــــــٱلآ ღ]

المشاركة الأصلية كتبت بواسطة faith-berry

السلام عليكم
اخباركم يااحلى حوامل ان شاء الله بخيرات
الواثقه الف مبرووك والله يتمم حملك على خير يارب
بسالكم امس جاني مغص مره مره بشع
لان اول مره يصير جماع من اكثر من ثلاث اسابيع
وكمان ضيق في التنفس كنت احسن مافي هوا ولا اكسجين
هل طبيعي لانه اول حمل

انا بكري ونفس الي صار معي ياقلبي كانك تتكلمي عني المغص كان يجيني في الشهرين الاولى بس بمجرد مادخلت الثالث الحمدلله مافي لاتخافي طبيعي وضيق في التنفس مثلي دايم متضايقة ومكتومة وللحين الله يصبرنا يالغاليه ويفرحنا بشوفة اجنتنا ع خير يارب

[ღ ٱم ديــــــٱلآ ღ]

المشاركة الأصلية كتبت بواسطة غلاج بقلبي

هااااي صباايا
ياويلي هاليومين حيييل تعباانه حاله الغثيان احسها كل فترة تزيد
واذا كنت جيعانه واكلت شي خفيف يزيد الغثيان ودي اطلع كل شي اكلته
اما المغص ياااااااااااااسلام يروح ويرجع

فديتك طبيعي بس توصلي لثالث بترتاحي الله يثبت حملك وحملي وكل حامل يارب

[اضواء القمر]

انا طبيعتي ما استفرغ نهائيا يعني هذا الحمل الثالث بس غثيان قوي يا ريت استفرغ برتاح بس غثيان قوي دون استفراغ الله المستعان

[اضواء القمر]

شوفو بنتي سوار قولو ما شا الله