دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[& أمــــــل &]

هلا حبايبي
شكرا من كل قلبي والله انكم صادقين شكل فينا عين او حسد مريت بفتره ما ادري ايش اسميها حتى زوجي حس بفتور وطفش مو طبيعي رغم انا مانوضح حبنا وتفاهمنا قدام احد ومن فتره يمكن قبل شهرين تحلمت ان البحر يحاول يهيج ويبتلعني وبنات زوجي يصيرون بيني وبين البحر فيتراجع البحرخفت كثير ولما سألة زوجي اذا زعلان مني او شايف غلط في تعاملي مع البنات وانا منهاره ابكي قال والله ماعليك ولا شي ولا اقدر اتخيل اني عاد اعيش بدونك مهما صار بس الناس مايتركون احد في حاله والله من اول ما انخطبت وهم يقولون ياهني ( )دخلت امل حياته بيعيش في جنة الدنيا ولما كنت حامل قالو لو جا ولد كيف بيصير الام امل والابو فلان والحمدلله رااااااااااح
رغم اني مره انا وزوجي مشددين على الاذكار وهو كمان راقي من فتره لفتره يرقيني الحمدلله حتى احاول اروح لاهلي يقول احس انك مابترجعين لي

[ثلجه فوشيه]

كيفكم بنات وحشتوووني
اممماش اخباركم واش مسوين أنا ولله الحمد بخير
أمل الله يشفيك يارب ولا تحاولي تحكي لأحد عن تعاملك مع البنات وحبك لهم ترى هذا مدخل ممكن الحساد يدخلو لك منه انتبهي ..

انشوده أخبارك اش مسويه ؟؟
أنا خلاص بخلص الأربعين ولا فكرت ايش راح آخد مانع طيب اللولب متى يتركب ؟
ولو ركبتو مافي اضرار جانبيه له ؟ افرازات زايده روايح بصراحه مابدي ولا شي من هذا كلو
وكمان خايفه احمل فوق اللولب راح اتجنن لو صارت وأنا ورايه سفر اخاف اتورط هناك
غير كذا اخاف مايعرفو يفكوه هناك لو بدي افكو والا لو صار شي لا سمح الله
انتي ايش رايك ؟ وكيف لما ركبتيه تحسي بشي جوتك والا يضايقك ؟




اللي سألت عن مستشفى باشراحي أنا ولدت فيها الحمد لله اقدر اقول اهتمامهم ونظافتهم كويسه
انا الحمد لله ارتحت فيهااا لأن دكتورتي كانت متفهمه جدا اهم شي اختري الدكتوره الي ترتاحي لهاوالله يسهل لك يارب

باقي البنات كيف حالكم نلي وموني ؟؟

والبنات الجدد اللي يحييكم ان شاء الله تفيدو وتستفيدوو

[انشودةمطر]

هاااااااااااااااااااااااااااااي وحشتوني حوسه ولدين النوم مافي اشتاق القى وقت اقعد مع نفسي تهي تهي
امول الله يشفيك ياقلبي
ثلوجه استخيري والله انا استخدمت الولب بعد ما استخدمت ياسمين 7 شهور جنتني تساقط نفسيه زفت واستخرت في الولب وربي يسر تركيبه كنت خايفه من تركيبه ماياخذ دقيقه وخزه خفيفه عاد تعرفين انا خوافه بس ما افكر اجلس على الحبوب واذا بيصير حمل اذا ربي مقدر الحمل لو حتى تنسي حبه بالغلط وما كنت احس فيه الحمدلله اهم شي ما تشيلي ثقيل يتعب الظهر

[كوكب زحل]

كيفكم ياحوامل
امل الله يشفيك ان شالله
انا زيك اقول يمكن في عين او حسد لانى زيك متزوجة واحد مطلق اطفاله مع امهم بس قريبن منا اي وقت يتصلون يروح لهم يجون ينامون عادي الموضوع عندي يقولون انتي صغيرة لية تتزوجين واحد مطلق الحمدالله
غير كذا انا اتخرجت بس كم شهر التوظف الحمدالله قريب من بيتي الناس جلست كيف التوظفة سين وجيم
انا اقولك وش رايك تسوين حجامة في مركزة الحجامة في الستين الرسول وصى فيها مرررة تحسين براحة تروح وتقولين لهم كل شئ عنك هم يحددون لك

كمان في وحدة داية ممتازة رحت لها الشهر الماضي اعطتني اعشاب وتحاميل علشان رحمي ضعيف
الى الحين الدورة اتاخرت موعدها 18 الى الحين ماجات حللت بول مافي شئ الحمدالله انا راح انسي موضوع الحمل علشان نفسيتي ربك كريم

[ثلجه فوشيه]

كوكب وأمل ربي يرزقكم من واسع فضله

[ثلجه فوشيه]

أنشوده هوا اللولب انواع ؟؟

وانتي ايش ركبتي ؟

[توت برى]

السلام عليكم ورحمة الله وبركاته
كيفكم عسولات عساكم بخير
الله يشفى كل مريض ومريضه شفاء لايغادره سقم
ثلجه انا ركبت لولب عند الصاعدى عند دكتوره ايمان ممتازه انا واختى وخالاتى عندها خالتى 5 سنوات ماشاء الله تبارك الله ثابت وتمام وانا سنه ونص واختى سنتين مافى لاإفرازات ولا شى بس لاتشيلى ثقيل ولا تلبسى كعب فتره طويله 5-6 ساعات نوعه الفضى واختى المعدنى او النحاسى والله ناسيه استخيرى والله الموفق

[امذياب]

هلا حبايبي وانا كمان انبسطت بالتجمع بس انا ولدت بالاول بالولادة والثاني مادري وين اولد بس مولذا الدرجة مو حلو وحرا يقولون موزي اول مايمدحونة والسلام وينة

[فتاه الثلج]

خخخخخخخخخ وحشتوووني يااحلى تجمع في العالم <<<< من جنبها ليش ماتمري عليه دايم

ثلوووجه انا زيك محتااره في اللولب والحبوب كووونت مرتاحه بلعزل بس ابو الشباب طفش ويقوولي اخر شي بطيرك من البلكونه انتي وعزلك هههههههههههههههههه
بكم اللولب اممممم بس اخاف يوجعني واخاف اججلس اتوجع واتحرك وما تزبطه ليا <<<< ياخوافه

[ثلجه فوشيه]

توت بري مشكوره حبيبتي على الرد
امممم انتي رحتي مستوصف الصاعدي اي واحد فيهم ؟؟
لأنو في واحد بالنزهه والثاني بملقيه ؟ اي واحد اللي فيه الدكتوره ؟


فتآهـ اهلا اهلا ياقديمه < مسويه ماتشوفها بالقروب خخخخ
بس والله زمآن عنك ماتجي هنا تطلي علينا :(