تجمع حــوامل التوائم

[لغة الحب]

الف مبروووووووووووك ياريم ويتربون بعزززك


والحمد لله ع السلامة


نستى التفاصيييييييييييل

[الشيخه]

صباحكم فل وياسمين
مبروك لنونه العسوله وعقبال الباقين ..................

[زود الغلا]

صباح الخير عليكم
نونة العسولة اااااااااااااااااااااااااااااااااالف مبروك ويتربون بعزك يارب .
ريم ...........الحمدلله على السلامة ومبروك ماجبتي .
نبي قصص ولادتكم بالتفصيل .

[نونة العسولة]

صباح الخير يااحلى كروووشات

الله يبارك فيكم يالغاليات

ماعندي وقت ابدا والليل مانمته من الحلوين وااي الله يعين بس

مشتغلين اثنينهم علي ... الحين توني نومت جوان وليان بحضن ابوها ينومها

بقولكم مختصر عن ولادتي ماابي اطنش مثل اللي ولدوا خخخخخ

انا ولدت بالاسبوع ال 36 و4 ايام وروس البيبيات كان من اخر السادس تحت

وبالثامن تغيريت وضعيتهم بس ردوا باخر الثامن روسهم تحت

الطلق استمر 3 ايام اول يوم كان اقدر اتحمله بس ثاني يوم خلاص ماقدرت

ورحنا للمستشفى كنت مفتوحة 4 سانتي وقعدت اطلق واتالم ومافي بس 5 سانتي

فعطتني الممرضه طلق صناعي وهني بدا العوار اللي يمووووووت

بدوا يعطوني ابر مسكنة وكمام اكسجين وللساعه 11 ونص بالليل توسعت 10 سانتي

ونزل علي ماي واااايد وبديت اولد كان بالغرفة فريق طبي كامل لان حالتي خاصه

كان دكتورتين وممرضات ودكتور اطفال وريلي طبعا

بديت ادفع وطلعت اول شي حبيبة امها ليونة وبعدها ب 5 دقايق نزلت عمري جوانتي فديييييييييييتهم الله لا يحرم احد من هالشعور يارب طبعا خيطوني من تحت

والحمدلله وماشاء الله كان وزن ليان كيلوين و 700 غرام وجوان كانت كيلوين و 600 غرام

وطبعا نسسخخخخه عن بعض سبحان الله الخالق واثنينهم يشبهوني

الحين الحمدلله صحتنا زينة انا وهم صح عندي عوووار من تحت وحرقة بس الحمدلله من قبل ومن بعد ... بعد يومين ماما بتيي عندنا تقعد فترة لان مااقدر بروحي عليهم

كروشات انا ماكنت متوقعه اني اوصل التاسع او اولد طبيعي حتى ليوم الولاده وانا اقوللهم كل شوي ماابي طبيعي ودوني عمليات لان حيل عانيت من الطلق

وماكنت متوقعه اوزان بناتي توصل اكثر من كيلوين لكن رب العالمين سهلها

الله يرزقكم ولاده طبيعية ويرزق الاخوات اللي معانا بالتجمع ومنتظرين حملهم بالذرية الصالحه دعيتلهم دعوة خاصه بالولاده ...

يالله بروح لليان البطه تبجي

[حزن الزمان]

نارا حبيبتي انا نفسك عندي الام وبدت معاي من اليوم والله يستر ...
عسولة شكرا لانك ما طنشتينا يا قلبي والله يخليهم لك ...

[محجبه]

حمدلله على سلامتك نونه
ثاني مررررره ارد اسالكم ياحبوبات
بنااااات انتم مثلي انا معروفه ماشاء بغزاره شعري ويوم حملت ربي لايوريكم طااااح النص والله بدا يضيق صدري واخاف يصقع علي وماالقا له حل وش الحل

الشي الثاني اذا طولت شوي بالوقوف يصير مكان الي فوق ذاك 0000قاسي وش
السالفه ويطلع شوي افراز مثل الحليب ايش هو الله يعزكم

[عواطف السلمان]

مبروك مليون لنونة العسولة وريم ربي يتمم على الباقي من البنات يارب العالمين .

[متلهفة لحظوركم..]

اهليين محجبه..
ااه جبتيها على الجرح الشعر وماادراك مالشعر انااا شعري مرررررررره صار يطيح وتقصف وبهت اخبر الحامل يتعدل شعرهاا واانا انعدم بس يقولون بعد الولاده كل شي يرجع زي ماكان لاتشيلين هم ياقلبي..

[الذوق]

مشكوره اختنا عسووووله عشان ماطنشتينا وماشاءالله كانت ولادتك ميسره الله يسهل ويسر ولادتنا كلنا يارب
اختي محجبه مشكلة الشعر والله حتى انا اعاني منها وبالذات ببداية الحمل والافرازات كم يوم وانا مستغربتها زي ماتقولي مثل الحليب افكر اسال الدكتور يوم السبت عندي مراجعه واما حكاية الثقل من اسفل شي طبيعي كلنا نعاني منه وانتي واقفه تحسي واحد من البيبيات راح يخرج ارجع اجلس وارتاح شوي بعدين اقوم اكمل مشواري لانو اتوقع عشانهم اثنين متضايقين والله المستعان

[جاذبية الأرض]

السلام عليكم ورحمة الله وبركاته............
ألف حمدلله على سلامة اللي ولدوا من الأخوات .......... وعقبال الحوامل ربي ييسر حملهم وولادتهم .........
أنا يا حبايب أخت جديدة و أحتاج نصائحكم و خبرتكم في موضوع التوائم ..
عندي بنت وهذا حملي الثاني بتوأم إن شاء الله لي شهر ونص الحين , وزوجي خايف من حكاية التوأم
و أنا خايفة من الولادة والحمل .. لأنه في بنتي جاني نزيف لمدة أكثرمن شهر وتعبت كثير بالمستشفيات وجات البنت صغيرة كيلو وثمانمية غرام , وكنت مهددة بالاجهاض طوال فترة الحمل .
أتمنى نصائحكم وخبراتكم و دعواتكم لي إن ربي يحفظلي حملي .
وسلاااااااااااااامتكم .