تجمع حوامل سوريا-دردشة ورود سوريا-دردشة الغاليات

[ملكتني بهمسك]

ممكن يا الغاليات تدخلو موضوعي هذا وتستفيدو منه


http://forum.hwaml.com/t186660.html

[ميآر [ مهند حيآتي ]]

مسآ الخير يا حلوات ...

كيفكن ...

مشتااااائتلكن كتير كتير كتير

رح اقرا اللي راح عليي وبرجع بسلم عليكم :)

[ميآر [ مهند حيآتي ]]

المشاركة الأصلية كتبت بواسطة شذا حداد

صبايا ....مين نزلت عسوووريا هالصيفية أو مين منكن قاعدة بسوريا ؟؟....واالله حابة اسمع العالم كيف هنيك وشو عم يعملو ...زالله مرتين تلاتة كنت نازلة عسوريا ..بس كلما قررت يعص قلبي مشان البنوتة اللي ببطني ..اذا صار معي شي عالطريق و هنيك خطيتها برقبتي ...
وكمان كنت عم فكر روح اولد هنيك ..بس اهلي قالولي اوعاااا ....انسي الموضوع ...بأي مشفى بدك تخلفي ..؟؟..لاني من حمص ..وبعدين ما بتقدري تعملي للبنت جواز سفر ...أففففففف
ادعولي انشالله اقدر جيب الماما ....صبايا ..في شي وحدة منكن جابت امها عالسعودية مشان الولادة ؟؟؟....عم يقولولي نا عم يوافقو لحدا ...

اهلين حبيبتي شذا ...

اول شي منووورة التجمع .. واهلا وسهلا فيكي ونشالله بتقومي وبتشوفي الامورة كوكي بالسلامة

بعرفك بحالي : انا اسمي ميار وعندي ولد عمرو حوالي شهرين ونص ... مهند ... ^__^

ساكنة بحمص :) بالوعر تحديدا ...

عمري 24 سنة ....

تشرفت بمعرفتك ونشالله بنضل ع تواصل

ودي

[بسبوسة زوجها]

صباح الخير صبايا كيفكن
كتير اشتأتلكن
يالله هلأ حبيت سلم عليكن وهلأ اكيد لساتكن نايمين ماصحيتو وانا كمان رايحة نام لان عندي الساعة ١٠ ونص بالليل
بكرى انشاالله بألكن اخباري وبسمع اخباركن
ياالله سلام

[بسبوسة زوجها]

كيفكن صبايا
شو انا صحيت وانتو ماصحيتو هههه
وعملت كاسة مته و إبريق مي سخني واخدت هالاب توب بحضني مشان نأعد وندردش أعدي مرتبي تفضلو صبايا والله أعدي حلوي اشتهيتكن فيا
شذا سيدرة سروؤة ميار شام هديل شو وينكن ياكسولين هههههه
اهلين حبيبتي ندوش كيفك ياروحي انا حبيبتي مبارح الحمدلله دخلت بالرابع انا وانتي انشاالله منولد سوى الله يأومنا نحنا والبيبات بخير وسلامي
ندى كيف وحامك؟ وعندك شي من قريب موعد عند الدكتورة؟
انا عندي الاربعاء موعد وانشاالله ببين جنس البيبي
نسيت ألكن انو اهل زوجي راحو عبيت اخو زوجي الاحد الماضي لان عندن فحوصات عند الدكاترة وهنن بروحوا لعندن لان سلفتي هي يللي بتاخدهن عالمواعيد هي صرلا هون ١٨ سني وبتعرف تسوق وتحكي انكليزي بس عالاغلب راجعين لعندي بعد يومين
آخ واخ يابنات أديش ارتحت هالكام يوم بنام وبصحى عكيفي ومافي شغل بيت وحكيت مع اهلي الله يحميهن تلات مرات
شو طبختو اليوم انا اليوم ناويي اعمل صينيةكفتة بطحيني لان عندي رز وبدي اعمل شي جنبو
تفضلوا هالاكلتين كتير طيبين يممي

[sosolibya]

السلام عليكم ورحمة الله وبركاته

كيف حالكم يابنات

أتمنى منكم أن تزورو موضوعى هذا فورا

هل من الممكن أن أكون حامل

وشكرا

[بسبوسة زوجها]

شو وييينكوووووووووووووووون؟!

[jorri sham]

احمممممم
احممم

احمم


اناا هوووووووووووووووووووووووووووووووون
بنااات يالله شو شتقتلكن كتيرررررررررررر كتييييييييييييييييييييييييييييييييييير لا تفكرو نسيتكم بس ما عندي نت بالبيت انتزع بس بجوالي وجدا بطييئ

شتقت لقصصصكم كتير وللبيبياات تبعكم

كيفكم انتوو شو اخباركم ؟؟
اانا مننيحة كتير ويزوون منيح كتيير وبيسلم عليكن جميعا وبيبووس البيبياات الحلويين ((جوود مهند ابراهيم واحمد عبد السلام كررووم ورنووم لي مابعرف ازا اجت ولا لسه .. الخ ))


مياار .. هديل .. ام ملاك ... زهرة الحب .. وردة شام الهووا .. سيدرا .... سيلااا عبييير .ام عاائشة .. والكل ما تواخزووني ازا نسييت حدن بس الي زمان ما دخلت ..

انا اخبااري متل ما انا ما تغييرت ههههه
طالع ع دمام انشالله الخميسس ح عييد هنيك ان شاء الله

كل عاام وانتوو بالف الف خيرررررررر يارب................
بحببكم كتييير بتمنى ماتكونو نسيتووني ... لاني عنجد ما نسيت ولا وحدة فيكمم

حاجة كتبت جريده ههههههههههه

[hadeel al rouh]

صباحكون ومساكون
كيفكون يابنات ان شاء الله الجميع بخير وصحة وعافية

جد مابعرف شو صايرلنا كتير بارد صاير التجمع
شام الهوا وووووينك حبيبتي ان شاء الله اهلك بحير
وكيف اطفالك الحلوين وشو اخر طبخاتك اشتقنا لحضورك الراقي ياغالية


سيدرة كيفك وكيف القمور نزلي صور جديدة
كمان انتي غاطة مالك بالعادة

ندى الشام كيفك وكيفو الوحام ان شاء الله خف وكيفا ندوشة القمر يارب الله يسهلك وتقومي بالسلامة

جوري هلا معلش اذا هيك بس طلي كل فترة وطمنينا عنك ونحنا مانسيناكي كمان واكيد مانسينا يزونة الحلو
هايدي كيفك وكيف صارت نفسيتك هلأ وكيفو حبيب قلبي هالكربوج صهري مسند ضهري خخخخ الله يحميه يارب
صار الو زمان مادخل دردش مع رنوشة خخخ
رنوشة بتبوسو وبتبوسك كتير
خلصتي فحوصات ولا لسا؟؟الله يعينك ويوفقك وتتخرجي احلى دكتورة يااارب

شذا كيفك كيف البوبو القمورة كوكي ان شاء الله بتجي وبتنورلك حياتك ان شاء الله
ماقلتيلي انتي وين مقيمة بالسعودية؟؟انا مقيمة بالرياض متل اغلب بنات التجمع
الله يقومك بالسلامة وتشوفي كوكي باحسن صحة

بسبوسة زوجها كيفك شو اخبارك منيح ارتحتي شوية من بيت حماكي بتاخدي نفس هههه وبتنامي على كيفك
الله يهنيكي ويقومك بالسلامة يارب
حبيبتي انا من ريف ادلب الجنوبي بالتحديد من خان شيخون وانتي منين من ادلب؟؟
الله يفرجها على ادلب وعلى سوريا كلا والله تعبنا وتعبت الناس


البنات الغايبات يلي ماذكرت اسماؤون اسفة بس ماشاء الله كتار ماعاد اتذكر وخصوصي هلأ عقلي ماعبجمع كتير خخخخ
اسفة اذا نسيت حدا ان شاء الله تكونو كلكون بخير طلو طمنونا عنكون
بامان الله للجميع

[hadeel al rouh]

اما انا اخباري كالتالي
دخلت شهري من 3 ايام والحمد الله أول ماحملت كنت فكر انو الشهر التاسع لسا بعييييييييييييييد
ركدت الاياما رككككد والله ...سبحانك ربي
رنوشة صايرة حركاتا كتير بتووووجع وطبعا مافي نوم متل قبل اكتر من ساعتين متواصلات مابقدر لازم فيق وغير نومتي
كتير النوم متعب هلق صار والتقل هالكني وضهري ايام بحسو مابشيلني ..الحمد الله على كل حال
خلصت اغراض رنوشة بس لسا ماجبت المفرش والسرير
مابلشت مشي خايفة اولد هلق من اةل اسبوع قلت للاسبوع التاني ببلش
دعواتكون ونصايحكون لاتبخلو علي