¤ô§ô ~أحلى تجمع حوامل التوأم 2011~ ô§ô

ام سولي · 02-15-2011, 06:45 PM

وفي حبيبتي انا تعبت وطلبت من الدكتورة تعطيني شي يوخر الوحم خفت عالبيبي عطتني دواء اسمه نوفيديكسون اسمه بس وقف الوحم ونصحت اختي واخددته الحين وقف ما شاء الله خديه التوأم يحتاجو تاكلي كثير وتعوضي لأنهم يهدو الحيل
ربي معك

kovi_colors · 02-15-2011, 07:44 PM

الله يخليكي يا ام سولي وبكتب اسمه واسأل الدكتوره بس فعلا زهقت والله ما ادري منين يأكل توأمي وانا لا اكل من بدايه الشهر التاني الله يسهلها يارب بدعي ربنا يفرجها ويزيل عني الوحم حتي اكل يارب

ام سولي · 02-15-2011, 07:52 PM

كوفي بإدن الله بتشوفي العافية من الرحمن بعد ما تاكليها بتلاقي الوحم راح وبتأكلي وتأكلي وتأكلي بس لو سمنتي لا تدعي علي هههههههه

سآره · 02-15-2011, 08:24 PM

اقتباس:

المشاركة الأصلية كتبت بواسطة kovi_colors

هلا كروشات اتوحشتكو كتير ايه اخبار الجميع وتوينزاتهم؟ الله يفظلنا توينزاتنا يارب
تدرون حتي الان اتوحم وانا في الشهر الخامس ما نمت طول الليل من الترجيع والتعب
وحرقان الزور من تقولي متي بخف ويروح ها الوحم ؟

هلا كوفي انا بالنسبه لي الوحام طول فترة حملي يروح ويجي ماراح

قطرة ندى* · 02-15-2011, 08:35 PM

مساء الخيربنات شخباركم واخبار توينزاتكم
أنا اليوم بدأت العلاج أخذت حبة كلوميد بس من أخذتها مادري شصار لي
أحس بدوخة وغثيان وضيق في التنفس وزغللة في العين ورجفة في الجسم أحس كأن بيغمى علي وأحس كأني جالسة في مكان مظلم مع أن الأضاءة كلها شغالةياترى هل هذه أعراض بسبب الكلوميد مين استخدمته وصارلها نفس حالتي طمنوني الله يخليكم

اول غرام · 02-15-2011, 08:53 PM

قطرة ندى
ان شاء الله البنات يفيدونك .. ماعندي خلفيه
بس وحده من قريباتي كذا تحس مثل احساسك من اخذت المنشطات
والحمدلله الحين حامل بتوأم الله يتمم عليها ويرزقك يارب ..

كوفي كلر
يختلف وحم كل وحده ..
اعرف ناس حوامل بجنين واحد ومايوقف عندهم الوحم وبعضهم شهر ويروح وبعضهم يروح ويرجع لهم ..
انا بداية حملي دوخه ونوم بس الحمدلله بدون ترجيع ..
والدوخه ملازمتني من زمان للان ..والحين كرهت الحوامض على آخر شهر
الله يعين بس ...
انتي اسألي دكتورتك وتعطيك علاج يخفف اللوعه ..

ساره
اخبارك يالدوبه .. واخبار جرحك اليوم ..؟
تصدقين السونار قاهرني ابن الأيه
كان حاسبلي مضبوط نفس شريط الحمل تبعي الحين
اما المراجعات الاخيره صار يبلع اسبوعين..
يعني انا الحين بالاسبوع 32 و6 ايام وهو يقول اني بـ 30 و6ايام
الله لايوفقه ياشيخ << بشويش عليه ..
وانا اشوف الدكتوره مبسوطه ع الاوزان بتاعة البيبيات .. هههههههههه

متلهفه لضمته
انتي مثلنا حساويه ...؟! << مسويه ذكيه

قطرة ندى* · 02-15-2011, 09:04 PM

اقتباس:

المشاركة الأصلية كتبت بواسطة اول غرام

قطرة ندى
الحمدلله بخير .. والثقل كل ماله يزيد .. لان وزنهم ماشاء الله يزيد ..وخلاص شكلي بعد الولاده بركب ورك جديد ..
على فكره تراك مستحيل تقدرين تفارقين تجمعنا << واثقه
هذا التجمع انا عجزت افارقه واغلب البنات الي هنا بعد
نورتينا وعساك ماتقدرين تفارقين دووووم
وربي يكتب لك ان شاء الله الحمل وتفرحين وتبشرينا عما قريب

وبالنسبه للمراهم تبع الجراحه .. انا بعد مااغسل بموية دافيه وارطا احط عليه شويه من مرهم ميبو احس انه سريع في التئام الجروح.. بس انا الي دوخني الخيوط الي ماطاحت
الا يومني جلست بمويه دافيه مع ملح ومره ..

والله انك صادقة مستحيل اقدر افارق التجمع
تعودت عليكم وحسيتكم مثل خواتي
بالنسبة للملح والمرة سمعت كثير جربوها
بس أنا مامرة جربتها أخاف من الملح>>>خوافة حدها ههههه

قطرة ندى* · 02-15-2011, 09:08 PM

نهى الشريف
الله يهون عليك وتولدين بالسلامة ولاتستعجلين متى ماأذن لهم رب العالمين بيطلعون ان شاء الله

اول غرام · 02-15-2011, 09:11 PM

قطرة ندى
انا مثلك كنت اخاف ..
اللي خوفني اكثر .. انهم يقولون حطي ملح طبيعي مطحون مع مدري وشو هذا اخذته من وحده قصيميه.. خبره بطب الاعشاب
المهم اني سمعت الكلام وحطيتها داخل مره مره .. وماقدرت انام من الوجع والالم
لان الملح ينزل على الجرح والله لايوريك الم مب طبيعي ..لانها تنزل المويات يقولون الي داخل الرحم ..
عشان كذا قلت ماابي اجلس بالملح خفت اتوجع زياده
بس المويه الدافيه والملح الطبيعي يخدر المنطقه ماتحسين فيها .. وعلى طول جففي نفسك وحطي كريم ميبو ويخدر الالم
ا

قطرة ندى* · 02-15-2011, 09:12 PM

kovi_colors
بالنسبة للوحام عادي لاتحاتين أنا أظل اتوحم لين الشهر السادس
بعدين يخف لحاله حتى العلاج ماينفع معاي والله يهون عليك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أزياء حوامل 2011 , أفخم الموديلات و آخر موضة ملابس حوامل لعام 2011	ايلاف	الموضة و الجمال	13	10-06-2014 09:07 PM
أزياء حوامل 2011	غلا الشوق	الموضة و الجمال	4	02-08-2012 02:47 AM
ازياء حوامل 2011؟	الحبوبه	الموضة و الجمال	10	02-16-2011 04:07 AM
ازياء حوامل 2011 ملابس حوامل صور حوامل ملابس افضل الملابس للحامل	غلا الشوق	الموضة و الجمال	13	01-02-2011 10:02 PM
أحلى ملاااابس للحاااامل 2011	Mقمة البرااااائهM	الموضة و الجمال	4	04-24-2010 04:38 PM