تجمع حــوامل التوائم

[جومانا]

صباح الخير حلوات
اخر التغيرات عندي
بطني كبرت وظهري صاريالمني كثير
والوقفة مااقدر اوقف على طول ادوخ من غير التنميل باليد
حتى اذا كتبت بالكيبورد
رحت امس الدكتورة قالت اوزانهم 500 جرام ولي 10 ايام داخلة الخامس
مدري احس كلامها غلط حاسبة بالميلادي
اممممممم وكمان طمنتني على المشيمة تقول ارتفعت شوي
واحد منهم كان يمص اصباعة يضحك كان شكله
واحس حرقان كمااان
مين معي غير محجبة بالخامس

[زود الغلا]

صباح الخير عليكم يا رشيقات وخفيفات:)
يالله نبدي تمارين الصباح
ههههههههههههههه
صعبة تسونها والا مستحيييييييييييييييل
اما بالنسبة لي ان قعدت ماقمت وان قمت ماقدرت امشي يالله تعينا
رحت موعدي اليوم بس ماسويت سونار بعد اسبوع ان شا الله وتحاليلي نتايجها تضيق الخلق طلع عندي الكوليسترول مرتفع انصدمت وفيني التهاب بالبول الله يعزكم وانا ما حسيت بشي الله يعين يارب .

[زود الغلا]

جومانا حبيبتي الحمدلله تطمنتي على الحلوين مافهمتك وزنهم اثنينهم 500 والا الواحد فيهم 500 انا معاك بالخامس ........وشلون الحركة البيبيات معاك .

[هجران]

صباااااااااااااااح الورد للجميع

بالفعل أختي محجبه ما في تفاعل أبد صار
كأن كل وحده بس تدش ترد على صاحبتها إللي ذاكره إسمها وخلاص طيب كل وحده تكتب عن نفسها وأخر المستجدات عليها حتى يستفيد الكل بصراحه قبل رمضان كنت أتشوق أدش وأشوف الردود والحين مو كثير أحس صارخمول بالمنتدى

شـازل تسلمي حبيبتي على المعلومات القيمه وان شاء الله نطبقها

مشتاقة لتوأمي الوقت المناسب بالنسبة عن تواجدي أكون موجوده من 9 صباح إلى 2 ظهر هذا على حسب العمل بين ساعه أدش أتصفح وما أحصل إلا ردي الاخير

زود الغلا الف سلامه عليك ديري بالك على حالك وتغذيتك أنتي لسه بالخامس وبالاشهر الاخيره راح تحتاجي تغذيه أكثر عشان سوالف الدم واوزان البيبات عشان الالتهاب كثري شرب الماي تراه فضيع أنا صار لي بحملي الاول وبغيت أموت من التهاب البول لدرجة يطلع مع البول دم كنت أبكي من شده الالم وما أنام فانتبهي ربي يحفظك

أختي ريتاج يا هلا فيك حبيبتي أنا بالنسبة لحملي أخذت حبوب منشطه لأن البويضه كانت عندي ضعيفه وبعد السبب أن عندنا بالعائله وراثه الحمل بالتوام والعلم عند الله
فهو من يقول للشيء كن فيكون سبحانه وتعالى

البرنسيسه وعليكم السلام
وبعد يا هلا ومرحبا شو أخر أخبارك بس تكتبي كلمتين وتختفي طمنينا عليك

أم فاطمه وش حالك الحين عساك بخير وكيف الدم توقف عندك حاولي تشربي عصائر وكثري من الماء

جومانا الم الظهر تونا عليه لسه عندك الشهور الجايه الله يتمم لك على خير شو راح تسوي بس ديري بالك وحاولى ما توقفي كثير
وتغذي زين عشان أوزان البيبات

توامي فرحة عمري وجودك يشجعنا حبيبتي كوني متواجده نستفيدك من تجاربك كيف البنوتات يسهروا وإلا نيام وكيف البنوته عساها بدت ترضع ربي يحفظهم

والسموحه للي ما شفت ردها أو ما رديت عليها ربي يحفظكم جميع

بالنسبة لي في بداية هذا الاسبوع صار عندي أنتفاخ ما طبيعي برجلي ما أدري أيش السبب حتى بأيدي حد يقولي يمكن من الملح لكن أكلي ما فيه ملح كثير هاليومين بديت أكل كبد عشان الدم يزيد عندي

وعصير الشمندر بدى يسبب لي حموضه وانا صايمه أحس مثل النار بصدري ترتفع وتنزل إلين أفطر
بالسبت عندي موعد وعسى يارب تكون الامور طيبه

عندي أرق ما طبيعي أنام وما كأني نايمه داريه بكل إللي حولي نومي صاير 5 أو 4 ساعات وما أحس براحه أبد

أحس بالالم في الرحم والظهر تروح وترجع والله يتمم على خير


نونه العسوله أن شاء الله تكوني ولدتي بالسلامه ننتظر أخر أخبارك حبيبتي طمنينا عليك وعلى بيبياتك

والسموحه طولت عليكم

[محجبه]

شازل
الله بجزااااااك الجنه على النصااااائح وااااصلي اخيتي وحنا معك
ريتاااااج
الله يحيك انا عندي اولاد بحمد الله وهالمره اخذت حبوب منشطه بس شهر ماشاء بتشوف الدكتوره سبب تاخري بعدين قالت ماتاكلين علاجااات لانك سليمه وتاخر حملي سنه ونص بسبب زوجي والحمد لله على نعمه
ام فاطمه
البرنسيسه
هلا وعليكم السلااااااااااااااااام
جومااااانا
انا وانت ونواعم النعومه وزود الغلا وفيه ثلاث بس معذرع منهم نسيتهم
مشتاقه لتوامي
ياهلا بك ياعمري موشرط اننا نتواجد سواء بس الاهم اننا نستفيد وكل وحده تخش بالوقت المناسب توصف لنا حالتها او تجاوب اسئله المتعطشاااات والله يوفقها
بالنسبه للجلسه على الكمبيوتر متعبه وانا نفس حالتك لين صار عندي محمول
هجراااان
بالعكس ماطولتي علينا ولاشي دخولك علينا عسل ودخولك علينا يوونسنا ونستفيد من تجربتك
الله يعطيك العافيه

شكرا لكل البنااات اللي ولدو توامي فرحه عمري وام البنين ونونه العسوله بس تراها لسى ماولدت والله اننا كنا نستفيد منهم وخبرتهم القديمه وان كان نسيت احد المعذره
زود الغلا
الله يشفيك انا للحين ماحللت موعدي بعد العيد بس انتبهي لروحك من الكلسترول
والتغير اللي بي ثقل ولما اكل وجبه مااقدر اتنفس لين تخف من معدتي وبطني بطن اللي بالسابع اوالثامن
الم مفاصل وافراز الله يعزكم مثل الحليب مخوفني وعه شوي موكثير حكه

[محجبه]

المشاركة الأصلية كتبت بواسطة شازل

للحد من حدوث الولادة المبكرة
والتي تحدث في الكثير من الحالات قبل الاسبوع الـ37 من الحمل
وفي حدود الاسبوع الـ34 من الحمل !
- الراحة التامة بدء من الاسبوع الـ20 من الحمل
- الاكثار من شرب الماء
- تجنب عمل اي مجهود شاق
- تجنب السفر والتنقل
- قد يطلب منك ِاذا كنتي تعملين اخذ اجازة للراحة
- وقد تحتاج الحامل لعمل علية لتطويق عنق الرحم
- الراحة في الفراش
- مراقبة نشاط الرحم بالمنزل
- التوقف عن الجماع.
.

هذا يابناااات استفدت من قراءته من صفحااااات سابقه وضعته اختنا شازل ادعولها

[حسآآآسة حيل]

السلام عليكم /
كيفكم بنات ؟؟ اخباركم والحمل ؟؟
اخباري ومستجدات الحمل / انا الحمد لله في اخر الثامن ع حسابي وحساب الدورة بس المستشفى يقولون لا توهم صغار ع حساب السونار قلت وش علي من السونار يكبرون بارضهم !! الله يعين بس ويهونها يارب ،،
تعبااانه مرررة من الثقل صرت مااتحمل اجلس كثير ولا امشي كثير والنوم ياااالله ربي يسهل بس مافيه نوم براحه لازم احط وراي 3 مخدات وتحت بطني مخده وماقدر انسدح يتوقف التنفس احس مافيه اكسجين !! الله يصبرني بس ع الايام الجاية ويهونها ، والكررشه تتضاعف وتكبر بزياده ماشاء الله ، الله يسهل يارب ويعينا جميعا ....
يابنات لاتنسووون اننا برمضان عليكم بالدعاااااااااااااء وباذن الله ربي بيسهل امركم وامري ....

[لغة الحب]

اهلين يابنات

الله يسهل عالجميع يارب

ويفرح نظرتنا

انا الييوم دخلت التاسع وامس كان معاي ماء ولما رحت المستشفى قالت الرحم متقفل بس لو استمر الماء لازم تجين نخاف يكون من ماء الاجنة بسبب ضغطهم مع بعض

وقالت لوتحسين بمغص لو خفيف لازم ترجعين

الله يسهل علينا وعليكم يارب

[محجبه]

حساسه حيل
ربي يهون عليك والله انك بطله وعصاميه يارب نوصل لمواصيلك المهم انا اتابع كتابتك بعالم حواء
عااد ناويه الحين اسال عنك انتي ونااااراوحزن الزمان ومتلهفه لحضوركم
وشالسالفه من تدخل الثامن الوحده مانشوف لها اثر ربي يهون عليكم
ونوصل مثل ماوصلتو له يااااارب
لغه الحب
الف الف مبروووووووك التاسع وعقبالنا الله يهون عليك بس لاتنسين الاكشن ربي يهون عليك

[الذوق]

السلام عليكم ورحمة الله وبركاته
اخواتي كيفكم لكم وحشه بس النت عندي يتقطع موقادره اشاركم طمنوني عنكم كيف اللي ولدو مبروك لهم والحمدلله على سلامتهم وربي يحفظ ماجاهم وعقبالنا يارب قولوا امييييين
ايوه كذا ربي يسمع منكم
المهم التغيرات انا باقي لي 4ايام وادخل الثامن على حسابي اما حساب السوناربعد 11 يوم لكن ماعليا ابموت من التعب الم اسفل البطن والظهر يالطيييييييف احس كاني خلاص باولد ورحت حللت قبل كم يوم طلع عندي التهاب بالبول قال الدكتور يسبب التهاب البول للولاده المبكره وعطاني مضادحيوي اسمه هيموكس وللتنميل اليدين وقف الابروعطاني بدلهاحبوب والفروزللضعف اللي بالدم والماترنا والكالسيوم المهم كل يوم اخذ صيدليه ببطني مليت من كثرة الحبوب بس الحمدلله واما النوم حدث ولاحرج نمت على ظهري انكتمت ورحت على جنوبي اختنقت وكله النوم سويعات واما الكمبيوتر الله يخلي اللاب توب مره وانا منسدحه ولحظه وانا جالسه المهم مااصدق يومي يعدي واستبشر بيوم جديد عشان اطوي تعب يوم ورا يوم على فكره ياكروشات اكيدكلنا نعرف مشاكل حبوب الحديد الا وهي الامساك بس اوصيكم بالحليب كثروا من الحليب اي نوع من الحليب بكثره يخفف الامساك بس موقبل اوبعد جرعة الحديدمباشره عشان مايخرب مفعول الحبهسامحوني عاد طولت عليكم