ديوانية البحرين - دردشة حوامل البحرين - البحرينيات

[بنت الأياويد]

السلام عليكم ، شكله في احد يتحلطم علي هههههههههههههههه ، انا ريلي يه على غفله وبسرعه بسرعه طلعت رحت سنتر بوينت خذيت مشبوك وقبعه ولحاف كلهم لونهم اصفر وخذيت فوطة واسعار الاسره على كيف كيفج كله على خمسين وسبعين وايد حلوين بكرى بروح اشوف لان اليوم الوقت كان متأخر ، ام حماني افتكيتي من الثقل وقطيتيه علينا

[حنين للماضي]

السلام عليكم

شخباركم حبايبي؟؟؟

شكراً لروز وشمس وفتاة وحروف وكل اللي سأل عني
فيكم الخير والله حبايبي
ربي يسهل عليكم وتقومون بالسلامة

هاليومين كنت مشغولة شوي ومامداني ادخل خير شر
والردي امس ما كان في نت بعد

قريت سوالفكم كاملة
قلت مابي يطوفني شيء

زوجي يوم الخميس بيرجع
متحمسة عدل اشتري اغراض البيبي بسرعة
رحت جمعت له جم دب وجم تحفة من اللي عندي في حجرة بيت ابوي ووديتهم شقتي
لأن ناوية آخذ الحجرة الصغيرة اللي في شقتي اسويها حجرة علاوي
حدي متحمسة اكملها بسرعة واصورها لكم

يلا حبايبي اخليكم الحين
اختي اجيب ولدها من الصبح واني اقعد اذا اجيبه مالي قلب اجوفه وياي في نفس الحجرة وماقوم اطالعه
هاي ولدي شكلي بقابله 24 ساعة

نراكم غداً بإذن الله
تصبحون على خير

[فجوره]

هههههههههههههههههه
بنت الاياويد اليوم انه خذت البدله الصفره
ليكون هذهيه؟
ماعليهم تخفيض من الكولكشن اليديييد

[أم حماني]

بنت الاياويد... يا ام دبه ... شخباااااااااااااااارج ؟؟؟؟ لج وحشه والله

[بنت الأياويد]

هلاااا والله حبيبتي ام حماني ، دبتي كبرت والسر طلع برع والحاله لله والمشيه مشية بطريق هههههههههه ، انتي اكثر فديت روحج شلونج مع الربى والسهر ؟صرت مادش اهني من قطعتينا انتي حتى كلهم يتحلطمون علي خخخخ، وعلى طاري البدله الصفرة خذيت الي فيها لماع على صوب مادري طلع علي كامل مع الفوطة ب11 دينار

[أم حماني]

على طاري أسرة اليهال ... من منكم راحت ايكيا ؟؟؟ انا رحت ايام كن حامل بس توني خذيت فكره وكان عندهم اسره حلوة وانا باخذ حق حماني من هناك ان شاء الله

[بنت الأياويد]

ايكيا رحت بس مارحت صوب الاسره اسعارهم شلون؟ مذركير اقولج عجبوني اسرتهم باجر بنروح نشوف والي فيهم زين ان مايتغيرون تقطين بيزاتج على شي يسوى

[أم حماني]

الله يعينج ... سرج طلع لانج ضعيفونه وعليه عليج ... وعلى طاري الربى ... الله يعين بس
والله تعب الحين انا بيت ابوي وامي واختي وايد يساعدوني وبعد تعبانه ... احاول ماعتمد عليهم اميه بالميه لانه مردي بصير بروحي وبعتمد على روحي .. على انه ريلي طاق الصدر يساعدني ولما اييني مايقصر حتى الحفاضات تعلم ماشاء الله عليه يبدلهم ههههههههههههه

[فجوره]

ايكيا اسمع واايد يمدحووونه
بس ماقط رحت
قالو لي اروح حق سرير الياهل
بس احس سنتر بوينت مايقصر

[بنت الأياويد]

اي تعلمي ام حماني على المسؤولية وخلي ريلج يعاونج مافيها شي تعب كلشي عليج، ماقلتي لي على جم اسرتهم ايكيا؟ في حدود جم انا ابي شي يدوم حق بنتي لين توصل توجيهي برقدها فيه ههههههههههه