تجمع حــوامل التوائم

[لمياء]

طيبتي اكبر عيوبي

ها وش سويتي حبيبتي

رحتي كشفتي ؟ عندك توأم؟

[طيبتي أكبر عيوبي]

لا والله حبيبتي لمياء قالتلي تعالي بداية الشهر ومنتظره الموعد بفارغ الصبر..انا الحين بداية الأسبوع السابع ان شاء الله خير

[نواعم النعومه]

مرحبا انا عضوه بصراااااحه اعجبني ها المنتدى لخصوصيته
الله يسعدكم انا حامل لاول مرة بعد 7 سنوات زواج ولله الحمد حامل بتؤام بعد عمليه حقن مجهري انا في بدايه الاسبوع السادس ..... سؤال الله يسعدكم احس بجنوبي توجعني ما ادري وش السبب وخمول ورغبة شديدة في النوم الم في ظهري واسفل بطني
الله يارب يتممه على خير وكل حامل امين
تكفون ردوا على لاتطنشوني ......

[لمياء]

حبيبتي نواعم

انا ماجربت حمل التوأم بس عندي طفلين

وهذا اللي عندك اعراض وحم طبيعي جدا

بما ان عندك توأم لابد ترتاحين لا ترهقين نفسك

الله يثبتهم ويقر عينك فيهم ويجعلهم سليمين صالحين بارين يارب

[حزن الزمان]

هلا كروشااات ... شخباركم ... يارب تكونون جميعا بخير ... برنسيسه متى كانت أخر دورة يمكن تكونين قبلنا أنا وناااارا ...

[كوثرية]

هلا بيج أختي نواعم ومبرووك عليج الحمل وعقبال ما نسمع خبر ولادتج


حبيبتي هذا كله طبيعي لا تحاتين
خصوصاً الخمول والرغبة في النوم، أنا الآن بالسباع وبعدني خاملة ونوامة

[حروف عاشقة]

السلام عليكم ورحمة الله

كيف حالكم حوامل سجلت في المنتدى من فترة وتمنيت اشارك بس الوحام دابحني ادخل واقراء تجاربكم واطلع بس بعد خبر حملي بالتوأم صدمني بين فرحة وخوف وقلت لازم اشاركم وحااااامي قاسي مرة اطريت ارقد بالمتشفى سبوع على المغديات وأبر الترجيع غير قلة النوم ما ادري متى يخلص الوحام ولا اعرف شنو اكل كل الاكل عندي مُر وماله طعم

[أستاذة ذوق]

هــلا اختي حروف عاشقة نورتي الصفحة
عادي الأعراض الي تحسينها الوحام يختلف من وحده لوحده
بعضهم يجيهم خفيف وبعضهم قاسي
بس حاولي تاكلين أي شي موشرط اشياء معينه يعني الي تتقبلينه كليه
لين يخف الوحام وبعدين بتعوضين وبتاكلين زين بس حاولي تغصبين نفسك على شرب الحليب وكلي فواكه
انا في وحامي والله ماكنت آكل إلا خبز وجبن

[نـــــــارا]

ألف مبروك نواعم وحروف عاشقة

زادوا التوائم عندنا

والله يعطي كل محروم إن شاء الله

حبيبتي نواعم... الآلام شي طبيعي وحاولي ترقدين قد ما تقدرين أنا تعبت في أول 3 أشهر كنت أرقد من الساعة 5 العصر إلى يوم ثاني الساعة 6.. وأحياناً ما أقدر أقوم أروح الشغل فأتغيب وأواصل نومي إلى 11... كانت فترة نوم مو طبيعية مع آلام في الضلوع والظهر ألحين الحمد لله أنا أفضل مع أني لازلت أرغب بالنوم

حبيبتي حروف عاشقة.. الله يعينك على الوحام بس حاولي قد ما تقدرين تغصبين على نفسك الأكل وكلي وجبات خفيفة كل كم ساعة لا تاكلين وجبات دسمة.. أنا مثل كوثرية أكثر شي فادني الخبز والجبن! مع أن حتى هذا الشي رجعته.. كل شي يدخل بطني كنت أرجعه وبالذات الفواكه وأنا عكسك كل شي عندي طعمه حامض وحلقي حامض وبالتالي ما اقدر على اي شي حامي أو فيه حموضة... ألحين خفيت من دخلت الرابع رغم أن للحين تجيني حموضة وحارق وأحس نفسي برجع بس أحاول اتغلب عليه

أنا خبروني أن ماء الهندباء أو الحندبان زين عن الوحام واللوعة.. أنا جربته وما فاد فيني بس غيري جربه واستفاد

أنا غير المرقدوش ما يخفف عني وبعد ما أشربه وايد يعني أحاول أتفاداه قد ما أقدر

[البرنسيسة..؟]

المشاركة الأصلية كتبت بواسطة حزن الزمان

هلا كروشااات ... شخباركم ... يارب تكونون جميعا بخير ... برنسيسه متى كانت أخر دورة يمكن تكونين قبلنا أنا وناااارا ...

هلا حزززززن مافي فرق بيني وبينج يمكن اسبوعين او اقل انا اخر دورة 14-1
وانتي متى كانت اخر دورة عندج..؟