تجمع حوامل ليبيا

[الهندية]

انا امس جنى صبايا فى حوش امى ومش غابية امشيت من الصبح نوتى الموالح والعشاء واولامس مشيت عزيت وزى مقتيلى خليت سلامى حار والامور تمام وملقيش لاعمتى ولاحماوتى غادى ربك سترنى
تو موش عارفة الواحد شنو يدير فى الحمو الغذاء نقعد نفكر شنو مطيبة اليوم

[عيون زوجي]

السلام عليكم ورحمة الله
هلا بالغوالي
هلا بميرنا الحلوة ربي يحليك ويخليك دوم حلوة ورشيقه ويرزقك بالذرية الصالحه
خلاص انا عبيت اعليك في احكاية الرشاقة واول ما نولد تاني يوم ديريلي برنامج خاص نمشي اعليه نبي في 3شهور انولي 60كيلو بس
هنديه ما اديري شي في بالك وخليك حلوة من داخل ساد
انا مش هامني الناس بس حكايه اللبس مضايقتي كل شي حلو رقمه من 38 الى 42 والكبير مش حلو
وخاصة هنا في المانيا ارقامهم تبدا من 34تخيلي واكبر رقم في اللبس الشيك 44 اما قسم المقاسات الكبيرة يحشم كل الناس عملاقه وتخوف نتحشم نخشله مع راجلي مكتوب عليه الاسمxxxxl

[الهندية]

مساء الانوار عيون زوجى وربى يكملك على خير فعلا مشكلة اللبس ...لكن انقولك حاجة مرات هرمونات مش مأكلة ولازم ممارسة الرياضة ونحس فيها صعبة مع أنى لما كنت بنت نتلايض تو مداير برنامج نفتح المسجل ونرقص 10 دقايق فى اليوم ..
وفيه مشروب انقصت عليه كيلوين وفى نفس الوقت مدر للحليب
ماء مغلى فى ملعقة صغير شمر + فلية + كمون حلو + سكر نبات فى المساء وبيهدى الاعصاب ,,,

[الهندية]

وينك ياميرنا ؟؟

[الهندية]

وينكم اليوم نخش ونطلع مفيش حد كساد

[لولى2010]

كيف حالك عيون زوجى وشن دايره فيك الغربه خلينا نتلاقو ونهدرزو ع الغربه

[لولى2010]

ميرنا كيف حالك ضحكتينى تو نلبسهم ماعليك ايه صدقتى الهدريز هنا يمشي الوقت وتفتكى من القرمه وع فكرة الحمل ماتفكري فيه بكل تو يجى هو صعب انك ماتفكريش فيه بس حاولى تلهى روحك باى حاجه وربي يسهل عليك وعلى كل وحده خاطرها فى بيبي وعليك بالاستغفار والصلاه ع سيدنا محمد عليه الصلاه والسلام لانه سبب الاستجابه

[الهندية]

لولى 2010 كيف حالك شكله مفيش حد الا انا وياك انظر وين اليوم ام اسيل وميرنا

[ميرنا]

صباح الخير اليوم الجمعة وراجال كلهم قاعدين مانوصيكنش لى توعة منكن اتعدى للمكياج ولبسة الخفيفة واقصيره والله الله فى اشعر وديرن فطور سمح وخلى لبتسمة لعند الوذان نين يمشى فكنكن من المشاكل ولى فى عقلها خرابت سوق تزمطها نين ايعدى وطلعن على الجلبية البيضة والفرملة السمحة وحديها وركن تنسنا اليوم خوذن القصاصة وانتنا لى قصن اظافرهم وراكن تنسن السبابطيط بدون تلميع ولى تقدر اتعطيه على راس قبل ماينوض من افراش ماتقصرش هو متسبح متسبح انتقمن منهم وانا اولكم طالعة شورة يااااااااااااااا ويله منى ههههههههههههههههه

[ام اسيل]

خير يابنات وحشتني مووووووت اناالنت متاعي اسمه واي ماكس كان له يومين خارب والله وحشتوني انا الدورة مازالت ماجت ودرت تحليل امس وطلع سالب واليوم 31 من الدورة مش عارفة سبب عدم نزولها توا نبي ننزل نتغدى مع عمتي وفي العشية عازمتكم على قهوة راكن تغيبن