¤ô§ô ~أحلى تجمع حوامل التوأم 2011~ ô§ô

[متلهفه لضمته]

يا عمري كروشه عظم الله اجرك في عيالك

والله الضنا غالي

انا مريت بتجربه تعبت نفسيا قبل لا يصير شي

كان لي شهرين واسبوع ومافي نبض وعملت عمليه واجهضت البيبي

ياني بكيييييت ياني تعبت نفسيا خاصه اني ما حملت بسرعه

مرت 10 شهور كأنها سنتين علي

والله اني تعلقت بالحمل من اول ما عملت تحليل بالبيت

بس ما الله كتب لي انه يعيش بس والله كان عندي امل قوي بالله اني راح احمل مره ثانيه

وخاصه ان اللي حوالي شجعوني ان صار هالمره بيصير المره الثانيه

والحمد لله صار وحملت والله يتمم لي ولكم

ولا خبرت الا امي وابوي واختي واخوي الملقوف الصغير عرف بس الحمد لله انه ما ينشر الخبر

وبيت زوجي بما ان احنا قرايب خبرت ام زوجي وبناتها المتزوجات ثلاثه لانهم قراب مني كثير

وبس والباقي مالهم دخل

يارب احفظ جنيني من كل مكروه

[متلهفه لضمته]

بنات عندي لكم قصه حليوه عساها تعجبكم

حاصله معاي شخصيا

كانت قبل عيد الاضحى بثلاث ليالي

كان ام زوجي وبنتها في الجامعه رايحين الحج

وبنتها الكبيره على وشك تولد وما مشت الا متأكده ان بناتها الثنتين بيهتمون في اختهم

مع ان الكبيره في منطقه والثنين في منطقه وبيت اهل زوجي في منطقه والمشاوير صايره صعبه

المهم بما ان اجازة الحج والعيد كنا انا و زوجي موجودين عشان عنده اخوان صغار في المدارس

وابوه متوفي واهو الكبير

المهم ان قبل العيد بيومين ولد حماتي وطلعت قبل العيد بيوم

والكل مشغول بالعيد والمشتريات ومافي احد للبيت الا انا وزوجي

جهزنا البيت من ترتيب وتجهيز غرفة الوالد

وجات حماتي وجلست معاها مع اني ما عندي اي خبره في نفاس الوالد

الا الشي البسيط وقت نفاسي انا

والله وطبخت لها العيش الحساوي اللي يحبه قلب الوالد

والحلبه والثوم وكل انواع الخياس << ههههههههههههههههه

والمشروب حلبه مع الحليب

والعصيد بما اني ولا مره سويتها وبجربها عليها

في البدايه حمياتي يجون ويسونها ليومين او ثلاثه عشان اسخنها واخليها تاكلها الصباح اهي وعيالها لان عندها ثلاث

والصغيره بسبحها وانظفها من الحفاظات << تراها تكره شي اسمه حفاظات وناويه تجيب عيال جاهزين من دون حفاظات

ههههههه

وملابس النونو واللي في البيت

من جد حسيت ولأول مره اني مره < حلفي بس
ههههههههههههه

والله كنت مستمتعه اني اسوي واعرف وحركات وخرو عني

وقلت بجرب اسوي العصيده واليوم اللي بجربها كان ام زوجي جات من الحج

ومن الصباح وكان اسويها ويييييه الله لا يوريكم شكلها << استغفر الله

ياني تفشلت ماحد اكل منها وصرفناها

يلا اول مره

وبس في نفس اليوم بالليل مشيت رجعت شقتي

وبس خلصت الحتوته

بس تدرون تعلقت بالنونو ما اناديها الا بنتي لاني حتى المستوصف وديتها

والله كان شعور حلو

الله يحفظها من كل شر ياربي

[سآره]

المشاركة الأصلية كتبت بواسطة الفراشة الجميلة

سؤال خاص
لزود الغلا وبرفكشن وساره انتم اخذتوا ابرة الرئه متى في اي اسبوع وكم جرعه وكم مدة فاعليتها ويوم اخذتوها كان عندكم بوادرة للولادة مبكره لاني والله محتاره اخذها او لا انا ولله الحمد اموري كويسه بس اخاف سبحان الله المشكله الدكتورة الي في الخاص تقول خذيها والحكومي يقولون لا ماله داعي طالما مافيك ولادة مبكره تكفون ردوا علي بلييييييييييز

هلا الفراشه انا ماخذت ابرة الرئه لان ماكان عندي بوادر ولاده جاني الطلق في اخريوم في الثامن وولدت ثاني يوم التاسع وابرة الرئه تنوخذ قبل الاسبوع 34 يعني اذا دخلتي 34 اسبوع خلاص ماعادتحتاجينها

[نهى الشريف]

السلام عليكم جميعا كيفكم. انشاءالله أنتو والتوينز بأحسن حال والله يفرج لك وحده ع وشك الولاده ويتمم حمل الجميع يأرب وتجيبوهم بأحسن حال يأرب
أنا للآن ماولدت ولافيه بوادر ولاده يقلون البكر تتطول بس زمان قالت الدكتوره تولدين بأول أسبوع بالتاسع ولكن دخلت الاسبوع الثالث وماولدت الحمدالله ع كل حال المشكله هالاسبوع ايلي راح تغيبت عن دوامي وأنا تعاقد وماعندي أجازات والحين لازم اداوم لا يلغون عقدي ولأولدت عاد أغيب خمس أيام وأرجع أباشر عاد هذه تصاريف رب العالمين يمكن من هنا للولاده اترسم ويصير يمديني أخذ أمومه
إدعولي أولد طبيعي وبسهوله وربي مع الجميع

[ام سولي]

يارب ياحي ياقيوم تولدين بالسلامة يابنت الشريف وطبيعي سهل من عند الله لا تنسين ادعي لي بولادتك ان ربي يبارك لي ببنتي ويخلف علي بعيالي التوام

[الفراشة الجميلة]

مشكورة ساره الله يجزاك خير

[عذب]

السلام عليكم
شخباركم بنات؟

كرووشه كوول
الله يعوضك خير أن شاءالله
عن جد قصتك محزنه
أن شاءالله تجين تبشرينا بخبر حملك بتوأم

مها
لاتحاتين ولاشي[قل لن يصيبنا ألا ماكتب الله لنا]
أن شالله مافي ألا الخير

عشومه
أن شاءالله مافي ألا كل خير ولاتحاتين

غروم
الله يخلي لك كرشتك
شخبارك وشخبار كرشتك؟
أنا أبشرك كرشتي تسلم عليك وصارت تلمع مثل الجوهره

نهى الشريف
أن شاءالله تولدين بالسلامه
كثري مشي وجماع>>أستحيت

متلهفه
الله يتمم لك على خير وبعدي حطي تحت راسك قرآن وقت النوم

[ام سولي]

المشاركة الأصلية كتبت بواسطة أحلى توينز2011

مساء الخير

شحالكم جميعآ؟ وشحال البيبيات؟


كروشه كول

قصتج أحزنتنا الله يعوضج بالحمل السليم المعافى عاجل غير عاجل.

مها

مانتبهنا لردج اسمحينى وآن شاء الله تطمني ع بيبياتج ومافيهم الا العافية وطمنينا عنج


عشمانة

لا تخافي حبيبتي آن شاء الله خير والله يطمنكم ع بيبياتكم


زود الغلا

تقبل الله صالح الاعمال وعمرة مقبولة ان شاء الله


أم سولي

ليش بتتركينا لمدة أسبوع حصل خير ترى بنفتقدج حيييييييييل.

احلى تونيز ياليت كل الناس مثلك قلبك ابيض ويسع الكل ونعم والله فيك مهما زعلنا وعصبنا واخطينا واهم شي مهما قطعنا تظلين اخت للجميع واجزم كل من في التجمع عارف اخلاقك العالية ما شاء الله عليك الله يرزقك من حيث لا تحتسبي

[ام سولي]

المشاركة الأصلية كتبت بواسطة أم التواائم

أنا أعلمك السالفة
طنش تتعش تنتعش أسفهيه سوي له كذا

أنا الدكتورة قايلة لي ولادة مبكر ووحدة من صديقاتي قالت لي أبرك لك ترى التوائم ثقيل أحنا واحد شلون وأنتي جسمك خايس >>>عشاني نحيفة بقوة لا تسئلوني وش وزني بس
أنا متأكدة أن ربي أعلم بحالي والله يكتب لي ولك ولك من نحب الخير ويرضينا الله به

ام التوائم ما احد يدري متى تولدين الاربك
كلام الدكاترة تخمين وربك دكر الشي هدا بالقرآن ان مايعلم غيض الارحام وزيادتها الا الله وكل شي عنده بمقدار لوقت معلوم سيبيها على بس قال ولاده مبكرة قال هم بس اللي يرجون هالحوامل الضعيفات الوحدة براسها وسااااااااااااااااااااوس يجي دكتور يفلسف يكمل الناقص
الحمد لله كنت عند دكتورة قافلة فمها اجر الحكي منها وكله زين وانتظري ماندري لو عند هالي يخوفون ويرعبون قد ولدت بس انا رحت طورئ لمستشفى اليمامة مرة جت مصرية الله حسيبها روعتني اندارات اسقاط راح تولدي ارعبتني ويمكنها سبب بولادتي مبكر عقبها احتست بنات الدكتور الارهابي المفروض يحاكمونه ههههههههههههههه

[kovi_colors]

هلا كروشات اتوحشتكو كتير ايه اخبار الجميع وتوينزاتهم؟ الله يفظلنا توينزاتنا يارب
تدرون حتي الان اتوحم وانا في الشهر الخامس ما نمت طول الليل من الترجيع والتعب
وحرقان الزور من تقولي متي بخف ويروح ها الوحم ؟