دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[في عيون زوجي]

يسعد صباحكم حوامل مكه ..
كيفكم يا بنات .. ؟؟
هلا موني الله يكون بعونك .. فيه رقم وحده اعتقد جاويه مسويه مكتب استقدام بمكه ..
تجيب لك .. بدور الرقم عند امي واجيبه لك .. بإذن الله ..

نلي كيف حالك ياقمر .. ان شاء الله طيبه ..
اليوم عشان امس طلعت احس اني مكسره تكسير .. وقربت الاجازه تخلص ..
عندي مشكله بعظام الحوض والظهر والافخاذ يعني المنطقه اللي من تحت السره الى اعلى الفخذين .. معصبه ومتشنجه كاني لاعبه رياضه ..
الله الله على ايام الرياضه .. التونسي اشتكى مني .. ..

هيا نتواعد هناك بعد الولاده ..
نبغا قروب لحوامل مكه ..

وفيه عرض عندي غريب مدري يابنات ..
الحر .. 24 ساعه حرانه .. والمجمعات ام التكيف العادي .. اتصبب عرق ..
ومافي نفس ..
واما غرفتي اعلى درجه بروده .. وعادي عندي يعني حلو مناسبني .. بس مو زي قبل كنت اكره البرد القوي ..

اعراض متقلبه وحالات غريبه .. الله يعينا واياكم ..

[في عيون زوجي]

بنات مكه عساكم العافيه ..
الصباح تقفلون ليه ..؟؟
خليكم فاتحين فيه ناس تطفش من الوحده ههههه

بنات احنا دايم نتكلم عن البيبي واغراضه ..
مع ان اغراضه سهله ومتوفره ..
وحتى لو ما جبنا له .. بتجيه هدايا لليل ..
يعني ممكن نطنشه .. هههه حبيبي مسكين ..

لا اللي اقصده .. يعني احنا طيب ..
قبل شوي اقرا عن ربط البطن للنفساء من اول يوم ولاده ..
طيب ..
انا سمعت ناس يقولون بالشماغ .. والا فيه مشدات اشتريها من الصيدليه ..
والا من وين ؟
وناس تقول من تنفسين لا تشربي بارد ..
وناس تقول لا تشربي حار ..
وناس تقول ضروري لف الشعر عشان الهوا لا يدخلك ..

والله انا ناسيه نفسي مره ..
كلو للبيبي .. مافكرت في عمري ابدا ..

[نلي خانم]

مساء الخير
موني
سلامتك ماتشوفي شر وأووف من الشغالات حتى أنا جالسه أدور وماحصلت غير تكرونيات وأنا مغثوثه منهم كلهم والله ماأبغى ولاشغاله بس الظروف تجبرنا
شوفي أختي تسوي طريقه ترسل زوجها على البقالات الأندنوسيه ويكلمو صاحب البقاله طبعا يكون أندنوسي وهو يدبر شغاله بمعرفته سوي مثلها
بس أنا عن نفسي أستحاله أجيب أندنوسيه أخاف منهم

في عيون زوجك
أي رياضه الله يخليك أنا مره نحفت مع الحمل وزني نقص في البدايه وألحين بديت أتختخ تبيني أروح نادي أستحاله بعدين أختفي وأصلا لاتقلقين مع الرضاعه راح تنحفين
والجو فعلا حار أنا حاسه أنو أحتر أو يمكن مع الحمل سخنا بس أنا مثلك ماكنت أحب البرد وألحين بس حرانه

وأهتمامك بنفسك لاتنسي وتطنشي عشان تخرجي من النفاس توب ومن المجنون اللي يقول أشربي بارد مو طيب أشربي بدرجة حرارة الغرفه وطبعا لازم تغطي راسك أصلا تحسي بصداع لو ماغطيتي راسك وأنا جربت هالشي بأجهاضي
ولازم ماتجوعي كمان وطول اليوم تشربي أشياء دافيه أشتري الأكواب اللي تحفظ الحراره وبغطا عارفتها وأطحني أعشاب تنظف الرحم وحطيها بعلبه وكل شوي خذي من الأعشاب وأغلي مويه وحطي عسل أو سكر وغطي الكاس وخليها تتنقع وأشربي .. أهتمي بنفسك ترى الرحم يكون مفتوح 10 سم ونازل مع الولاده ولو ماأهتميتي بنفسك بعد الولاده بتندمي لازم تنظفي رحمك قبل يقفل بعدين راح تعاني من الأوساخ وماتطهرين بدري ...
وكمان لاتفكري بالريجيم وتجوعي نفسك في فترة النفاس لأن رحمك مجهد طوال تسعه شهور لازم تنتبهي لنفسك خلال الأربعين .. الله يسعدك

[ام رانسي]

مساء الخير
كيفكم يا حلوات عساكم بخير
والله يبارك فيكم مشكورين على سوالكم عني انا بخير والحمد الله
نلى خانم ,وش اخبارك اسفه ما كتبت القصه الاكشن هههههههههههههه بس ان شاء الله راح اكتبها قريب
واسفه مره ثانية لاني ما مشية ما عاكم في نفس الطابور ههههههههههههه
وموضوع الالتهابات لا تتهوني فيه لاني انا كان عندي وهوه الي سبب ولاده مبكره
بنات مره وحشتوني
انشودة مطر .وثلجة .وكل البنات الي ولاد الف الحمد الله على اسلامه ومبروك الموليد الجدود وعقبال البقي

[ام رانسي]

تمارين الصباح للاطفال مع والدهم

http://www.youtube.com/watch_popup?v=dXR6sMcvQPs&NR=1

هههههههههههههههههههههههههههههههههههههههههههههههههه ههههههههه
خخخخخخخخخخخخخخخخخخخخخخخخخخخخخخخخخخ
كركركركركركركركركركركركركركركركر
ييييييييييييييييييييييييييييييييييييي
واهواهواهو
اههههههههههههههههههههههههههههههه
يا بطني

[نلي خانم]

هلا أم رانسي
وش أخبارك وكيف النونو أهم شي النونو كيف حاله
والله بالي مشغول عليكي وعليه
أنا ماهمني الأكشن كثر صحتكم
النونو أحتاج حضانه ؟ وفي الأسبوع الكم ولدتي من الحمل

أنا أنفجعت لما ولدتي بالثامن وأنا ألحين بالثامن وحاسه برعب بس موكلتها على الله وأحاول ماأتحرك ألين يعدي الشهر

[ام رانسي]

حبيبتي نلى خانم .تسال عنك العافيه واخبارك انا ىبخير والنون يبوسك ولدي قعد في الحضانه خمسه ايام بس الحمد الله قبل ما اولد ادوه ابر توسيع اشعب الهوايه من اسبوع قبل الولده لاني قعد اسبوع في المستشفي من يوم نزلة المويه وفي الاخير ولد عمليه

[ام رانسي]

انا اخذت من الثامن اسبوع ونص بس اذا حسه بالم روحي عند الدكتور
انا نزلة المويه يوم مراجعتي عند محمد خان بس سبحان الله مارحة عنده وداني زوجي مستشفى الولادة الله يقرفه بلافي اشكالهم عذبوني موت 5 \2وولد يوم 9\2

[نلي خانم]

أم رانسي
الحمدلله على سلامتك وخلاص لاتفتكري اللي صار معاك في مستشفى الولاده أصلا ياقمر لازم تروحي لحكومي مادام ولدتي قبل التاسع لأن المستشفيات الخاصه ماعندهم عنايه للأطفال اللي ولدوا قبل الموعد ..
أهم شي أنه بخير ماتصدقين كنت قلقانه عليك واليوم الظهر رحت للدكتور فكرت أسأل عنك بس أنا أعرف بس أسمك الأول قلت بينسى مع الحريم والله كنت أفكر فيك وأنا في العياده والحمدلله أنك دخلتي وطمنتينا عنك
وألف ألف مبرووووووووووووك

واليوم الدكتور قالي راح يفك الربط الموعد الجاي ورجعت البيت وأنا أبكي ماأدري بس حسيت بخوف وحسيت أن كل شي قرب
ياحليله عمي يقولي أعتبري نفسك بتروحي البقاله تجيبين لنا هديه قلت له هديه بألم أقصد له الولاده

دعواتك ياقمر

[نلي خانم]

آهـ آهـ آهـ
يابنات ماعاد صرت أنام
ارق مو طبيعي
أنام ثلاث او اربع ساعات باليوم الواحد
والله نفسي أنام وأرتاح مثل الناس ... الله المستعان مو قادره أوقف تفكير أبدا