ديوانية البحرين - دردشة حوامل البحرين - البحرينيات

طفلي حياتي · 12-01-2010, 02:16 PM

يا الله خلف جبداتي بقوم
مع اني مشتاقه للسوالف وياش فلونه
بس خلها لمره ثانيه نلتقي على خير وسلام ان شاء الله
باااااااااااي

فلونة · 12-01-2010, 02:17 PM

لا تحاتين طفلو ،، ربج ما يخيب عبده اذا دعاه .. وان شاء الله نفرح بجوفتهم بصحة وعافية

انزين للحين ما شريتي شي حق فرحان على قولتج

فلونة · 12-01-2010, 02:19 PM

خلتني اسولف بروحي ،، اراويج يا النحيسة طفلوو

بنت الاياويد ،، تغديتي والله لسه ... هاليومين اطبخ سمج والشقة كل ماحط بخوور وابطل الدرايش بس ريحة السمج لاصقة في كل مكان

بنت الأياويد · 12-01-2010, 02:21 PM

للحين ماتغدينا غدانا شيلاني وصالونة دياي ، اذا تبين تروح الريحة يقولج اخذي روتي سليس وحطيه على الطابي خليه يحترق يودي الريحة او شكر حرقيه ، حلو الشعور يوم برزت سرير البيبي والستاند مال التوزيعات الله يفرحني ويفرحكم بشوفة ظناكم يارب العالمين

خجول وردي · 12-01-2010, 02:23 PM

الله يسمع منكم يارب و يثبت حملنا أجمعين
و يقومكم بالسلامة ،
انا اليوم تريقت من 7 عشان آخذ الفولك أسيد من مبكر شوي ، اشوف وش يصير مفعوله ..
بس صايرة احس نفسي عطشانة خخخ و حلقي مادري شلون صاير
الله يعين بس ، يلاا بقوم اتغدى .. نوكل البيبي p=

فلونة · 12-01-2010, 02:29 PM

باجرب الشكر .. علشان يصير سكر اسمر :p
اول مرة جفت الميلس مال بيتنا عقب ما جهزناه حق اختي استانست حددي .. وعقب ما رجعت البيت وكل شي ازرق في ازرق .. وحشني علاوووي
خذينا زينة وبالونات بيضة وزرقة وسوت لهاا على الباب عبارات بورق ولكم علاووي

بنت الأياويد · 12-01-2010, 02:30 PM

الفال لج ان شاء الله تسوين حق ولدج او بنتج ، انا حجزت بس حق المستشفى واوردي عندي الستاند مال مرت حماي حق بيت ابوي اما الايجار ديكور حق الباب وستاند حق المستشفى بس واختي بعد سوت توزيعات واجرت ستاند حق المستشفى ماقصرت

فلونة · 12-01-2010, 02:34 PM

الله يسمع منج .. سرير الياهل المفروض في شقتج وتاخذين لج سلة صغيرة اسهل لج
تصدقين عاد ،، اختي كملت شهر ورجعت شفتها .. اول ليلة ما رقد وتم كله يصيح لانه متعود يرقد في السلة .. تقول اختي يرقد في حظني اول ماحطه في سريرة يصيح من قمة راسه .. تعود يرقد في سلته ما يبي السرير

بنت الأياويد · 12-01-2010, 02:39 PM

اي اقصد السله في بيت ابوي ، السرير الي شريته من مذركير سيدة يابوه شقتي مايبته اهني مافيني شده اشقل اغراض ، اي حياتي متعود على مكانه الله يحفظه

فلونة · 12-01-2010, 02:45 PM

انا ابي اشتري سرير بس خالتي تقول لي توا الناس .. اخذي لج عقب الولادة ولا تسبقين على الله ومن هالحجي وريلي يقول لي بس لي بعدين ..
بجم خذتيه من مذركير.. انا عجبوني الي في الانوار بس شكلهم جييب وبسرعة يختربون

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
توزيعات وهدايا وستاندات _ في البحرين	بنت البحرين	منتدى السوق التجاري	4	10-07-2010 11:45 PM
ديوانية حوامل البحرين	أم _ أحمد	إستفسارات حوامل من الشهر السابع إلى الشهر التاسع	3129	09-19-2010 11:26 PM
نداء الى حوامل البحرين	اشراع الهوى	إستفسارات حوامل من الشهر السابع إلى الشهر التاسع	0	06-18-2010 12:47 AM
ام البدرين الله يعطيك العافيه	عاشقة طيور الجنه	منتدى علاج العقم و تأخر الحمل	9	06-13-2010 04:37 PM
عين عذاري ( اهل البحرين )	الشوق عطري	المـنـتـدى الـعـام	2	08-18-2009 12:16 AM