تجمع الأمهات اللاتي سيلدن بشهر *ربيع الثاني* 1433

[::تفاؤل::]

هلا فيك ام عزوز

لاياقلبي انا ان شاء الله توزيعاتي حتكون مصاحف ..

وللاسف مااقدر اوريكم هيا لأني مااعرف احمل الصور من الايباد..

بس ماشاء الله تبارك الله طلعت روعه ..

وفي انتظار ردك بخصوص العطار واذا ماعليك كلفه تكتبلي كل شي كيف استخدمه ....


تصبحو على الف خير

[|| أم عزوز ||]

تفاؤل الي جبته من الاعشاب
( قشر قهوة - كمون - يانسون - شمر - حبة بركة - مرة - رشاد - بذرة الكتان - قرفة - بابونج - زنجبيل مطحون - قشر رمان )

قشر القهوة طريقته :
تحطيه بعلبة وتخلطي معاه ( يانسون حب - زنجبيل مطحون - قرفة مطحونة )
وتاخذي من الخلطة 3 ملاعق في موية مغلية وتخليهم يغلوا سوا 5 دقايق وتصفينهم وتحطيهم بترمس واشربي منها طول اليوم واستبدليها عن القهوة العادية


بذرة الكتان قريت انها كويسة للتنحيف وطريقتها : تاخذي ملعقة صغيرة وتغلينها مع حليب او موية بس
وتشربيها قبل الفطور
( انا ماجربتها ولا مرة وراح اسأل اذا ماكان فيها ضرر ع الرضاعة الطبيعية رح اشربها بالنفاس )


الرشاد مع التمر وتاكلي منه طول اليوم كويس مررررررة جربته ايام الدورة


قشر الرمان :
تاخذي مقدار كاس منه وتغسليه وتحطيه بترمس حافظ للحرارة وتصبي فوقه موية مغلية وتستخدميه كـ غسول طبعا بعد ماتشفى الغرز شوي
وانا ناوية استخدمه ان شاء الله اخر النفاس او اذا طاحت الخيوط

باقي الاعشاب يمكن اخلطهم سوا او كل واحد لوحده ماادري رح اخليها للوالدة

[|| أم عزوز ||]

التمر الي تحطي معاه رشاد شفت طريقه له ورح اجربها بالنفاس ان شاء الله

تحطي تمر منزوع النوى ع النار مع ملعقتين زيت زيتون ( مكتوب بالوصفة زبدة او سمن بس انا مااحبهم )
وتقلبيهم سوا لحد ماينعجن التمر وتطفي النار وتحطي الاعشاب هذي ( ملعقتين صغيرة رشاد حب مش مطحون - ملعقة كمون وملعقة شمر مخلوطين ومطحونين طحنة خفيفة - ملعقة حبة بركة - نص ملعقة فلفل اسود - نص ملعقة زنجبيل مطحون )

[|| أم عزوز ||]

انا كمان رايحة انام
تصبحوا ع ألف خير واحلام سعيدة
وان شاء الله نسمع اخبار حلوة

[سحـآب]

صبـآح الخير

كيفكم أن شاءالله طيبين

طبعا رحت موعدي امس والحمدالله كل شي تمام

بس قالت لي ننتظر الين السبت ألين اخر شي في التاسع يعني ونشوف واذا مافيه ولاده راح تسوي لي تحريض تقول :(

لمن قالت لي خفت شويه

لكن أملي بربي كبير اني أولد هـ اليومين يارب

طبعا ماكشفت لي ولا شي لكن اول كان الرحم مقفل


طبعا سالتها عن الراس قالت باقي له تكه ويكون في الحوض

أم عزوز خوفتيني من كلامك عن انو مانزل في الحوض

وشايله هم انو وزن البيبي يكبر وتصعب الولالاده :(

الله يسهل امورنا ويرزقنا ساعه طيبه مباركه






أستغفرك واتوب اليك اني كنت من الضـآلمين

[لموني]

جوود..البوفيدين تستخدميه بعد تقضي حاجتك بالحمام تنشفي مكان الغرز تمااام بعدين تاخذين قطنه او منديل وتحطي المطهر فيه من غير تخفيف وتوضعيه على الغرز وبس..

وبعد كم يوم تسوي منه مغطس دافئ وتخففي المطهر فيه وتجلسي عليه مده بسيطه وااااو ياهو مريح...

انا بولاداتي الثلاث ما استخدم لهالمنطقه الا كذا<<<<لا قشر رمان ولا مره ومراهم ابد ابدا


شهره ماشاء الله ذوووق صراحه بس التوزيعات مو قليله؟؟

عاااد انا لفت نظري الأبجوره مررره جووونااان <<<<حريم مالنا حل هههههه

[لموني]

[لموني]

اليوم شهرزاااد مالها حس!!!

يالله ياكريم تبشرنا اليوم...

[شهرزاااد]

صباح الخير على الحلوين
وجوده باقي المرة والزنجبيل وكذا تمام عليكي بس خلاص تقولي جبتيهم يعني خلصتي من العطار
والسرير خلي ابو العيال يجيبلك من جدة ويريحك منه
انا جبت لوتس ما بعد الولادة كذا مكتوب عليها من صيدلية النهدي

ام سهاد طمنينا على الموعد

ام جنى نعيما ما شاء الله عليكي يالله ان شاء الله تجيكي الولادة قريب

ملكة والله هذا مشروع خاص رهيب مستشفى ولادة داخل مبنى سوق ههههه تصدقي المشروع هذا حينجح 100%
وزوجك طبعا له نسبة من المشروع خخخخخخخخخخخ

شهرة ما شاء الله مرة حلوة يعطيكي العافية وما دامك بتحطين كل شي لوحدة حتكون احلى وواضحة



لموني وملكة والله حلوة لو تتقابلوا في الولادة

ام عزوز يعطيكي العافية على الرابط

[شهرزاااد]

لموني اختك شديدة ماسكة نفسي للأخير ههههه
والله لا طلق ولا اي اثر للولادة الحمد لله على كل حال