دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[انشودةمطر]

تبغون القصه الاكشن واو بنات كان ايه اسبوع احس بالام زي الدوره تزيد وتقل ويوم الاربعا اللي هوه ولادتي حسيت بمغص من الظهر ولان ولدي الاول نزلت المويه وعرفت انه ولاده في هذا ماكنت عارفه شي كانه اول مره وسبحان الله كنت ادخل الحمام واشوف بطني نازل وبدايته من تحت الصدر سبحا ن الله زي البالونه منفوخ مافي شي اثاريه نازل الساعه خمسه العصر خلا ص صرت ابكي مو قادره من الالم رحت المستشفى على طول كشفوا قالو مفتوح اربعه سانتي ولبسوني الملابس وصرت ابكي واقولهم ابغى ابرة الظهر اللي بدون الم واخذوا التحاليل ووقعت عليها ووكل شويه يقولو انتظري دكتور التخدير ويطلعون لاختي ويقولو ما عاد تنفع الرحم انفتح 8 وانا يسكتوني في الغرفه وبعدها دخلوني الكشك وانا لسى ابكي واصرخ ابغى الابره واقرى في سورة الزلزله واخويه مع اختي برى من كثر ما اصرخ يقول والله مستحي اطالع في الناس احسهم عارفين انك اختي ههههههه والحمدلله تمت على خير قد ماكنت خايفه هانت
نصيحه
من تدخلين التاسع اقري سورة مريم ويس في كل وقت وبالذات بعد صلاة الفجر وفي الليل وادعي بعدها ان الله يسخر لك الايادي الرحيمه من القابلات والله كنت دايما ادعي ربي يسخرهم ليه لان في ولدي الاول ماكانوا قد كذل وسبحان الله سخرهم ربي ليه وكثري قراءة سورة الزلزله والله يسخر لكم كلكم الساعه الهينه اللينه

[انشودةمطر]

ان شالله لي رجعه

[نلي خانم]

هلا أنشوده
ألف مبروووووووووك والحمدلله على السلامه ياقمر
كيفك وكيف النونو
ماقلتي وش سميتي النونه

وااااااااو بنات شوقتوني للأكشن حقي متى أدخل وأحكيكم الله يسهلي وأجي أحكيكم مررررررررررره مشتاقه لنونتي

[كروزه]

كيفكم ؟؟؟؟؟؟

مبرووووووووووووك الف مبروك انشوده

يله بسرعه نسمع قصه ولادتك لاتتاخري علينا

[& أمــــــل &]

هلا بكل الحلوات
الف مبروك انشوده الحمدلله على سلامتك ايش سميتي العريس
نلي *
حبيبتي لاتشترين القميص ابو طبقتين لانه مره يعذبك اشتري قميص قطعه وحده
ام يزن*
ياحلوه قمصان الرضاعه بالاشكال والالوان في باوارث انا اشتريت خمسه قمصان طقمها طرح وشراريب وستيانات الرضاعه كلها ماكلفتني 300واثنين منها كانت مره فخمه وفيها زي التل والحركات الحلوه الناعمه عشان اذا كان عندي ناس والكل يقول كن شكلك رغم الحزن والقهر مرتب وانيق رغم اني كنت في حاله الله االعالم بها بس الحمدلله وزوجت اخوي طلبتني اقضيلها زيي رغم انها ولدة عند امي بالجبيل

[نلي خانم]

سلام بنات
كيفكم


أموله
مشكوره حبيبتي على النصيحه وراح أروح باوارث أشوف الأقمصه اللي عندهم والله مو عارفه شي أحس اني تايهه مو عارفه شي بس أم زوجي معايه بتساعدني ماانحرم منها يارب

[ام يسوري]

السلام عليكم كيفكم بناااااااااااااااااااااااااااات لكم وحشه
الحمدلله على سلامتك يا انشوده وعقبالي الاسبوع الجاي ادخل التاسع
وايش اخباركم مين ولدت من زمان عنكم الله يسلمكم ادعيلكم في ظهر الغيب
انا عند اهلي زياره وقلت خليني اشوف اخبار البنات عشان مارجع النت عندي وشكله مطول لكن ابشروا اذا ولدت حا اكون عند اهلي وابشركم بس ادعووووووووووووووووووولي

[doodi]

مبرروك والحمدلله عالسلاامه انشوودة

يلا عقبال مانسمع الاكشن حقي


يب باواراث فيه اشياء بيبي مره حلوة وكرسي الترويش حق الاطفال

[ام ميسومة]

مبروك لانشودة المطر ولام رانسي عقبالي
بنات انا للحين ماولدت ومادري متى افقص
امس رحت للمستشفى قالوا استنى لما الجمعه او السبت لوماولدت طلق صناعي
وانا ماودي بالطلق يكسر الظهر والتنويم يهلك الوحدة
دعواتكم لي ان ربي يسهل علي وينفتح الرحم بدون تحريض
ابغى اشرب خروع بس ماقدر اغامر اشربه والرحم مقفل يخلي البيبي يتبرز في الرحم وذا خطير
ماخليت شي ماسويته ومافي نتيجة
نصيحة من مجربه عيشوا حياتكم وناموا وارتحوا ووفروا على نفسكم هم الخلطات وتعب المشي
وادعوا الله بالتسهيل احسن وافضل ومافي مولود الا يجي وقت مايكتب له الله

[ام ميسومة]

خخخخخخخخخ تدرون وين النكتة بالموضوع
اني صلحت توازيع لبنتي وانكسر ظهري وانا اغلفها لي شهرين وانا اسويها على اساس لبنتي وولد اختي
وارسلتها مع اختي عشان توزعها في زواج اخوي
هيا بالله كيف تتوزع الهدايا والاخت ماشرفت موبالله قهر
مااحد مستفيد الا اختي وولدها
تهو تهو تهو