تجمع حــوامل التوائم

[أستاذة ذوق]

المشاركة الأصلية كتبت بواسطة نونة العسولة

صباح الخير كروشات

بليز ادعولي اولد بالسلامة

خلاص تعبت وملييييييييييييييييت

توني بجيت من العوار اللي يجيني ومن الثقل والمحاتاة والتفكير

خايفه يارب سهل علي

الله يسهل عليك ويقومك بالسلامه
والله حااااااااسه فيك كنت أعاني مثلك لين ولدت وارتحت
الحمدلله
الشهور الاخيره صعبه حيل الله يفرج عنكم

[زود الغلا]

صباح الخير عليكم
توامي مبروك طلعت بنتك من المستشفى والله يخليها لك
وباقي البنات شخباركم وشلونكم مع الثقل ..

[هجران]

وعليكم السلام ورحمة الله

الثقل الحمد لله رب العالمين نسحب نفسنا معه
أنا اثقل بعد ما أفطر واتعشى أصير مسكته ما أريد أحد يكلمني وإلا

توامي الف الحمد الله على سلامة بنيتك وربي يحفظهم من كل شر

أم فاطمه الف سلامه عليك ما تشوفي شر ديري بالك ع نفسك ربي يحفظك

أم البنين خوفتيني يعني بأول التاسع لسه التنفس يكون ما معتدل عند البيبات وإلا لسبب غير بناتك حطوهم بالحضانه ـ ربي يحفظهم

بنااااااااااااااااات بأي أسبوع ندخل الشهر التاسع 35 وإلا 36 مستعجله أحس أني أريد أدخل التاسع وارتاح ما شاء الله تعب

[محجبه]

سلااااام
شلونكم واخبار الثقل معكم
ام فاطمه سلامات الظاهر فيك شرخ يمكن عندك امساك انتبهي الامساك مو زين حاولي ماتاكلين كل شي نااااشف كثري سوايل وايدام اذا عندك امساك

[محجبه]

توامي
وشلون بنيتك مبروووووووك على طلعتا
شلون البنج ماتحسين بكتمه من البنج انا سويت قيصريه وقعدت ثمان شهور يالله وبالله اقدر اتنفس وانكتم مررررره ويقول الدكتور من البنج مادري وش اسوي هالمره

[نونة العسولة]

السلام عليكم كروووشات
اسفه مااقدر ارد عليكم وحده وحده
اللي سالتني شنو يزيد وزن البيبيات انا طول فترة حملي
اكل مكسراات وموز وايد مفيدين للاجنه واحنا بالعائله نييب اليهال كبار ومتان ماشاء الله فاظن بيبياتي ان شاء الله بيطلعون باوزان حلوة
خواتي من امس وانا اطلق ومن ساعتين الطلق صار يجي كل نص ساعه
عوار حييييل قوي اقعد اصرخ من وراه انا مجهزه روحي وناطره ريلي يوصل ويوديني المستشفى امس بالليل قبل مااحس بالطلق نزل علي شي طويل لونه شفاف يخرررع ومن بعده وانا احس بهالعوار ... بليييييييييز ادعولي اولد بالسلامة ومااتعب اكثر بالطلق يارب وماراح انساكم من الدعوات وسامحوني اذا بدر مني شي زعلكم ... استودعكم الله الذي لا تضيع ودائعه

[حنان الهاجري]

خواتي اذا كان نبض الجنينين مختلف هل هذا معناه ان واحد بنت والثاني ولد ؟؟؟
لاني انا بعدي ما تاكدت بالظبط شو جنس الاجنه ؟

[نـــــــارا]

حزن الزمان ومحجبة ولينا شكراً على الاهتمام والسؤال
وما زالت الحكة مستمرة إلى هذا اليوم وللحين مادري شقصة هالنتيجة

أمس كان عندي موعد وقالت لي الدكتورة لازم انتظر النتيجة عشان اتطمن
ووزن البيبيات كيلو كل وحدة والفرق كلش بسيط ما بينهم (الحمد لله)

ألف الحمد لله على سلامة أم البنين وأم أنس
ويا ريت نعرف قصصكم كلكم ونورة نايف بعد نبي نعرف قصتها

والحمد لله على سلامة نونوتج يا توأمي وتتهنين بحضنها يا رب

[حنان الهاجري]

اب اب منو بنرد على سؤالي يزاها الله الف خير

[حزن الزمان]

هلا كروشاااات الثقل يذبح وخصوصا وقت النوم ما قدر اتقلب من الثقل والم رجولي ...
فيه بنات خلاص طلعوووو من التجمع وربو والحمدلله
والباقي عليناااا ...
أم فاطمة هذي اعراض الشهر السابع أنا تعبت من الامساك والبواسير كبيرة عندي ... بس الدكتورة عطتني
تحاميل وكريم وشراب للأمساك ... سلامتك حبيبتي