تجمع حوامل ليبيا

[عيون زوجي]

وينكم يا مدامات؟

[عيون زوجي]

تعرفوا يا بنات فيه ناس عندهم مصايب يشيب منها الراس
ابتلاءات من رب العالمين ربي يصبرهم ويؤجرهم
والحمدلله الذي عافانا بما ابتلاهم به وفضلنا على كثير من خلقه بفضله تفضيلا
فيه وحدة مرات ولد خوي سلفتي جابت بنت فيها رجل وحدة بس ومهناش مكان الرجل التانيه ابدا
والبنت توا عمرها 4شهور كويسه وقنينه وبرجل وحدة وماليهاش حل
وعزوزتي مشت لوحدة قريبتها جايبه
حتى هي ابنيه رقبتها مسكرة تتنفس من فتحه في القصبه الهوائية وتتغدى من ابرة التغذيه
ربي يصبرهم ويعفينا................

[أم سعد]

أنا جيييييييييييييييت

من قاعد منكم؟؟

[عيون زوجي]

وينكم
خاصة البنات يلي متاع الليل
لولي انتي ديمه متواجدة وينك مهناش انشاءالله المانع خيررررررررر

[عيون زوجي]

سئلتكم من مدة عن احسن طريقه لمنع الحمل شن ناخد
او بالاصح كل وحدة تقولي شن تاخد وتنصحني شن ناخد
اندير لولب ولا ناخد حبوب
نبي حبوب ما يسمنوش
لان حبوب المنع زي الميكروجينون يسمنوا

[عيون زوجي]

[أم سعد]

كان بتستنيني لين نجرب تو نقولك

بس أنا اللولب مش مقتنعة بيه في اللي يقول حرام من ناحية شرعية

والحبوب مانحبهمش

والطبيعي مايمشي معانا

حتى أنا حايرة كيف بندير بعد الجياب

يصير خير

[ღॐ آية ღॐ]

عيون زوجي
والله قبل اليوم بنمشو للحايس لاكن ما سخرش ربي
ياريتك جيتي لي حنين ولا انا مشيت للحايس رانا تلاقينا
>>على اساس بيعرفو بعض ههههههههههه
....
وان شاء الله ربي ما يورينا هم
وربي يمتع صغوريتنا بصحة والعافية...

[ღॐ آية ღॐ]

هلا هلا ام سعد الحمد لله على سلامتك
بنقصقصك شن خديتي للبيبي؟؟

[ღॐ آية ღॐ]

المشاركة الأصلية كتبت بواسطة عيون زوجي

سئلتكم من مدة عن احسن طريقه لمنع الحمل شن ناخد
او بالاصح كل وحدة تقولي شن تاخد وتنصحني شن ناخد
اندير لولب ولا ناخد حبوب
نبي حبوب ما يسمنوش
لان حبوب المنع زي الميكروجينون يسمنوا

يا عيون في هدا المجال ماعنديش خبرة
اوكان نعرف راني توة منكركرش
لاني كنت نبي ناجل موضوع الحمل لا بعد مايتم البني ونحول
لاكن هدي قدرت الله
والحمد لله على كل حال
...
بس اكتر شي مضمون اللولب بشرط انك اتابعي كويس
والدكتورة نادية الي في مصحة نسرين ممتازة اختي وسلفتي مديرينه من سنين عندها
ومشاء الله اختي بعد ما نحت الولب حملت على طول