دردشة حوامل أهل جدة - دردشة بنات جدة - تجمع حوامل مدينة جدة

ورده وسط شوك · 08-13-2011, 02:18 AM

هلا اميره والله معرفه زين انا كنت اراجع عند مصريه اسمها هدى زي العســــل..

ورده وسط شوك · 08-13-2011, 02:19 AM

هي دكتوره في سليمان فقيه بعد

اميرة الخيال · 08-13-2011, 09:40 PM

اهاااا ...هدى برضو سمعت عنها

انا رجعت عنده بس مرره اخلاق واضح من اسلوبه ممتاز
ومشاء الله زحمه عليه بس ابغى احد جرب الولاده عنده

أم ح ــنونـہ · 08-14-2011, 04:14 AM

انا ان شاء الله راح اولد في مستشفى الزهره
والدكتوره قالت لي احتمال قيصري :(
والقيصري عندهم بـ 6000 ريال
وقالت ممكن تعمل تخفيض
والله يكتب اللي فيه الخير

r4m · 08-14-2011, 10:47 PM

اخباركم بنات

سوسو
الله ييسرلك يارب ولادتك وتكون طبيعيه لاتحتاجي قيصري ولاعمليه ولا شي
اميرة
بالنسبة لسليمان فقيه اول مرة اسمع عن الدكتور دا
بس يااختي روحي لدكتورة افضل لانو العورة مغلظه لو ماحصلتي دكتورة ابدا بعدين روحي دكتور ... عموما استخيري قبل اي دكتورة ودكتور وربي يسهلك وقتها

انا كنت اسال مابين الدكتورة تيسير الكومي وخلود رستم في هاله بن لادن
بس محد رد عليا الا اتنين الله يعطيهم العافيه بس ابغي وحده مجربه قريب
الاتنين لسه حوامل ابغي وحده مجربه الخياطه وهل عندهم ليزر؟
لانو كاني سمعت خياطه تيسيرمو كويسة لانو يقولو خدي خلود عشان خياطتها

أم ح ــنونـہ · 08-15-2011, 04:17 AM

^^^

تسلمي يا قلبي
والله يسمع منك
والله يكتب اللي فيه الخير

متغليه لعيوني · 08-15-2011, 03:21 PM

سلام اخواتي انا رحت امس مستشفى هاله عند الدكتوره خلود وعلى اساس اني في اخر الثامن لما كشفت عليا با الجهاز تقولي الجهاز طالع عندي انك في التاسع وليكي عشر ايام وتقولي امشي ولما سالتها اني لو ولدت في العيد وطلبوكي قالتلي انها مو مستعده تترك عيالها وزوجها في العيد تخيلوا يابنات اتضايقت من كلامها وانا محتاره والله ايش اسوي والمستشفى مافيه غير دكتور وسالت هناك قالوا عادي يجيبولك دكتوره من المستوصف يعني شختك بختك والله العالم يطلع حضي مع مين با الله كيف ذااا الكلام صايره الولاده في المستشفيات والله غريبه سلفتي ولدت في فقيه يوم جمعه طلبوا دكتورتها جاتها دكتوره ثانيه واخت زوجي في الاطباء برضه صار معاها طلبت دكتورتها جاءتها ولدتها دكتوره ثانيه ايش العمل با الله بنات الله يخليكم ادعولي معاكم والله اتضايقت من كلامها بزات انها قالت ان الجهاز يبين ان ليا عشر ايام في التاسع وتقولي امشي واكلي تمر وقرفه الله يستر عليا ويسهل ولادتي يااااااااااااااااااااااااااااااااااااااااااااااااا اااارب ويسسر لها ويسهل للجميع يااااااااااااااااااااااااااااارب

أم عبدالرحمن السلفية · 08-15-2011, 04:03 PM

أختي متغلية لا تحطي أملك كله بالدكتورة .. الله الحافظ انتي امشي كثير هذي الفترة
وربنا يدبر الامور << ما تدري فين الخير لك ادعي الله انو يسهل ولادتك كثير هذي أيام فاضلة وتحري وقت الاستجابه الله يوفقك

ورده وسط شوك · 08-16-2011, 12:00 AM

سلام بنات اخباركــــم.. اليوم 15 رمضان كيف الحمل والصيام معكم الى الان.. عني الصرااحه تعبانه ودااايخه.. الله يعين انا في الرابــع ومليت نفسي انط لتاسع خخخخخخخخخخ
متغليه.. الله يسهل عليكي الولادهـ ..كثري دعاء في الشهر هذااا انا ولدة مرتين والله اتابع واتعب عند دكتوره واولد عند غيرها.. خخخخخخخ الله المستعان
المهم ان الله يوفقك ساعتها بوحده طيبه ونفسها هينه والباقي ربي بيسهله عليكي..
كثرررري تمر.. والله يهون عليكي

متغليه لعيوني · 08-16-2011, 12:30 AM

جزاكم الله خير وانا متوكله على الله وربي انشاء الله يسهل عليا ولادتي ويخرجني انا والي في بطني بصحه وسلامه ويعطيني ساعه طيبه ودعواتكم ليا وربي يسهل على الجميع ياااارب