تجمع حوامل ليبيا

[ام اسيل]

ماشاء الله ياام ايوب واسيل
ان شاء الله تشوفيها صحيحة بين ايديك وتلبسيها كسوتهايارب

والله دبش البيبي يسهف انا كل مانمشي للسوق كان نلقى نشري نقول اهو مرات نحمل نلقاه وراجلي يقولي بلا هبال

عقابلك ام سعد تقولينا شن شريتي

تعرفو الجو عندنا اليوم في طاعة الله عواصف وريح غير عادية


لولي وينك ياهرابة معش خشيتي خشي عليك الامان

[أم ردينة]

علاش الشخاشير النص والكامله توه البيبي مش ح يستفيد منهم قصدك بتلبسي شخاشيروالكامجوات كثرثي راهو البيبي فيسع يكبر يعني في اسبوعين يكبر عليهم

[حبل الوصل]

السلام عليكم فيه حد موجود هنى

[ღॐ آية ღॐ]

يا ام ردينه الكاميجوات نقصد بدله كامله
زي هادي

وشخشير كامل قطني يدفي لاني بنجيب نهاية شهر واحد بدايت شهر 2
وحتى ايوب زمان شريتله والحمد لله ما مرضش مني وكانو مدفينه وشاديلة جنابة
وشخاشير نص

مع قفاطين وكندرة يطلعو حلوات
..اوخيتك خبرة بنسبه للارقام خديت 0 وو1
وان شاء الله تقعد تلبسهم شهرين

[ღॐ آية ღॐ]

ام اسيل والله حوايج المواليد ديمة يسفهو فيا من الي كنت بنت..
تصدقي بعد ما شريت الحوايج استاحشت نشوفها مش غر انا حتى بوها
نستنى نجيبها بساعه والدقيقة تقول عليا بكرة هههههههههه

[ღॐ آية ღॐ]

المشاركة الأصلية كتبت بواسطة أم سعد

تو نوصل للحوش ونقولك شن شريت حتى أنا

ونفكرو بعضنا في الحاجات الناقصة

:)

اوك مطوليش نستنى فيك

[ღॐ آية ღॐ]

وعليكم السلام حبل
انا موجودة
انتي شن اخبارك؟؟

[ღॐ آية ღॐ]

ام سعد الداخليات خديتهم يشبهو لي هادم
وكلهم بي الاكمام

قطنيات وسعر الوحدة زوز دينار

[ღॐ آية ღॐ]

وينكم رقتو
؟؟؟؟؟؟؟؟؟؟؟؟؟؟؟؟؟؟؟؟؟

[عيون زوجي]

السلاااااااام عليكم
كيف حالكم توا......................
مبروك اعليك ما شريتي يا أيه..وعقبال ماتلبسي اسيل بالصحه والسلامه ليك وليها
ويارب اتجيك تامه الخلقه والخلق
انتي وليبيا قلبي وام سعد وحنين وعقبال الباقيات يارب
الشهر الجاي نسمعوا الخير على الكل
انا اليوم مشيت لمحل ماقريتش اسمه في نفس الشارع يلي فيه سوق العاشوري وسوق الحايس
محل حلو عالاخر
شريت منه كبوط لسارة وردي وفانيليات داخليه بالكلبسات لسارة ومحمد
وشريت صاكو احمر في اصفر لمحمد
لانه يا ناري يستعمل في صاكو سارة القديم