تجمع حوامل ليبيا

[أم سعد]

ايه مابعدك المحوال صعب

ربي يكون في عونك

[تيمو ليبيا]

تعرفي هاده تلات حوش انحوله من جيت ماليزيا انقول ساهل معنديش كترت حوسه ولما بنحول يطلع شي ماهو شي حمدالله وخلاص انتي شني اخبارك قريتي كملتي ولا تزوجتي زي حالتي ومكاملتيش

[أم سعد]

لالا أنا قريت وخدمت وسقت ودرت كل شي في خاطري

وبعدين تزوجت

[أم ردينة]

مساء الخيير : علاش يا عيون مرضعتيش ولدك؟؟؟؟

[أم ردينة]

اني كل يوم نبي نعطيه الشيشه نبربز في الحليب ونبز فيه مباش يشد الشيشه بكل وحالف حتى الزلباحه وفديت من الرضاعه كل ساعه ونص وساعتين صدري طاب والحلمات قريب يتقطعو يوجو فيا .شنو الحل

[أم سعد]

أهلين أم ردينة ... فترة وتفوت تحمليها

[أم ردينة]

اهلا بام السعد شنو الاخبار .. وها الفتره هادي شنو بيعديها اليوم ليا 23 يوم بي جايبه وماااااازال الخير القدام .. ونبي نسألك نطهر ولدي في الاربعين عادي ولا مازال صغير ؟ شنو رايك

[أم سعد]

عااااااااااااادي .. كل ماكان صغير كل ما خير

ولد خوي طهرناه بعد 15 اليوم من ولادته

توكلي على الله وطهريه

[ღॐ آية ღॐ]

مساء الخيرات كيف الحال
عيون نورتي وربي يعاونك
...
كنت طالعهة نشري في حوايج للبيبي
جهزتلها شنطة المستشفى ومزال شنطي انا
بصراحة لفيت طرابلس كلها محل محل للمواليد
بس بلاخر شريت كل شي من محل حنين في زاوية الدهماني اسعارة حلوة وفيه كل شي
ننصحكم يا بنات طرابلس ماتخطوشي في تجهيزات المولود والله اسعارة حلوة ومناسبة

[أم سعد]

أهلا أهلا آية

وأخيرا شريتي ... يلا نبو بالتفصيل شن شريتي