تجمع حوامل ليبيا

[ليبياقلبي]

انا جاية لحوش اماليا وراجلي في طربلس وعندي طلعة في الليل معا ماما واختي الكبيرة المتزوجة والله كسدة علا النت وخلاص طبعا جاية هنا اختي الصغيرة بديرلي شعري وتمكيجني طبعا انا في المكياج صفر منعرفيش الا نحط الكحل بس مسكين راجلي محروم من المكياج في الحوش الا لما عندي طلعة والله شميتا علا قد ماحاولت نتعلم صفر وزيدوها في استشوار الشعر صفر

[ليبياقلبي]

يالا منو يخش يهدرز ويكسد معاي

[سيناتورة]

السلام عليكم

[تيمو ليبيا]

اهلين ليبيا كيف حالك وشني جو حمل المعاك ابدتي تتنفخي ولا مازال كتري من الميا هلبه باهيا للنفاخ

[تيمو ليبيا]

راجلي عنده رجاله مبردهم مبردهم ميبوش ايروحو حابسيني في دار وجيعانه موت نظام شقتي مفتوح علي بعضه والمطبخ مفتوح علي الصالون مكرت فيهم مبيتش انديرلهم شي نبيهم ايروحو وهما شي غني ياحليمه

[أم سعد]

أهلين بيكم كلكم بلا استثناء

شن الأجواء عندكم أنا في حوش اماليا ومكسدة

كلهم طالعين وأنا قبل عندي طلعة وبعد ماوتيت روحي ماصارش منها الطلعة

وانتو وينكم

[أم سعد]

تي وينكم ياعرب؟؟؟؟؟؟؟؟؟؟؟؟؟؟؟؟؟

[تيمو ليبيا]

اهلين ام سعد كيفك يوم انشالله تمام اني كل مانخش ونهدرز منلقا حد انهدرز بروحي وخلاص

[أم سعد]

أهو أنا قاعدة يا تيمو شن

أنا أموري تمام

وانتي كيف حالك؟؟ وشن تخبرينا؟

[تيمو ليبيا]

حمدالله تمام بنحولو منطقه تانيه انشالله نهاية الشهر ونخمم في ظمان وترتيب الحاجات معا بنتي انشالله نقدر ومستاحشه ليبيا موت كان نلقا نمشي ساعه ونرجع