تجمع اللي بيولدون في شهر ذو الحجه

عسله · 06-04-2011, 11:14 AM

هههههههههههههههههههههههههههههههههههههههههه ليا رجعه لان انا دحينا بروح افطر عند صب وي لازم اجيب استكانة شاي عشان امخمخ واتخيلكم مزبوووط هههههه

اجوان · 06-04-2011, 05:04 PM

كليجه فكرتك حلوه

اعجبتني تخيلاتكم لي هههههههههههههه مااحس نفسي هاديه بس احب اجلس مع نفسي كثير واتأمل واتخيل وبالمجالس استمع اكثر

يلا انا راح ابدأ:
كليجه:اتخيلك كلاسيكيه والجلسه معك توسع الصدر ..
فيونكه بلون الفراولة :احسك نعومه وهاديه وخجوله..
دادو : احسك عمليه ومثقفه..
عسله :من النوع اللي حركي ويعتمد عليه.. تذكريني باختي لول..
جوري : ممم بصراحه ماعرف مقدرت اتخيل..
صفاء قلب :اسم على مسمى واحسك رزينه..
ساره:هاديه ودايم مشغوله..
عطر المكان:احسك ام من جد وتحبي بيتك ومهتمه ..

اما انا عن نفسي,,
طولي 158 ووزني 63 :)
عمري 23 ,,
يشبهوني بهيفاء وهبي يعني يمكن شكل الوجه والعيون اكثر شي
مممم اهلي بالرياض وانا ساكنه في جده

وبس

عسله · 06-04-2011, 05:53 PM

بـــــــــــــ .,., ـــــــــــــــــــــــــاك ...

صفاء القلب .,.
احسها كلها حكم يعني لو نستشيرها في شي كلامها درر

عطر المكان ,.,
ست بيت وخبره في الاطفال

دادو .,.
احسها عصبيه / وعمليه

اجوان .,.

مررره طيبه وتحب الخياااااااااااااااااااااال يعني ممكن تكون جالسه في الحوش ولحالها وتطالع في السما والنجوم ويبدا الخيال معاها هههههه

فيونكه .,.
دمها خفيف

كليجه .,.

احسها فرفوشه تحب الفله

<< كيف بس احساسي مع الروقان هههههههههه

انا طولي 158
وزني قبل الحمل 48 اما دحينا

تبارك الرحمن 58
ايام الدوام كدا وحده تقولي اشبه نور
مع ان مافي ولا شي يشبهني فيها

بس يكفيني
ان بابا دايم يقولي انتي شبيه القمر ويناديني دايم كدا
الله يسعده يارب .,.

اجوان · 06-04-2011, 06:02 PM

عسله اهم شي الخيال ههههههههههههههههههههههه
طيب اسمعي على سالفة الخيال اقولك امس نزلت السوق ومالقيت ولا حاجه حلوه كلها اشياء معفنننننننننننننننه ولا تجيك قطن كانها بلوزة بجامه وجلست ادور فساتين ناعمه تجي لما نص الساق مالقيت حسيت بتجننن ,,
فقررت اني اصمم كم فستان وافصل بما اني اتخيل كثير و في بالي كذا موديل بس انشاءلله راح ارسمهم قريب ويارب يضبطووووا ويارب يفيدني الخيال هههههههه

بالنسبه لبناطيل الحمل اختي تقولي في مذركير وباباز ماماز وتقولي كمان بعض محلات الماركات يكون عندهم بس اساليهم وبصراحه لسا ماشريت مع انو مره احتاج احس البناطيل اللي عندي صار الخصر ضيق يضايقني خصوصا ااذا جلست فتره طويله..

Dado · 06-04-2011, 07:03 PM

نسيت عطر المكان
احسها اسم على مسمى وحبووووبه مره

نفسي افهم ليش الكل متخيلني عمليه لوووووووووووول
انا اكسل مخلوق على وجه الارض

بنات بالنسبه لبناطيل الحمل ترا مريحه جدا ماشالله عليكم كيف لحد الان مالبستوها
انا خلاص ودعت بناطيلي العاديه
قولولي لو بجده مافي شي حلو عشان اعمل حسابي قبل ما انزل

اجوان · 06-04-2011, 07:18 PM

اهلين بدادو الكسوله ههههه
شوفي بجده في ملابس فخمه حقت عزايم رسميه اوكي بس ادور حاجه عاديه يعني لو رحت لاهل زوجي كل اسبوع بس بجد مافي خصوصا بلايز ابد ماحصلت شي مناسب :(

عسله · 06-04-2011, 07:33 PM

دادو

المشكله بناطيل الحمل زوجي كااااااااارها يقول مو حلو موديلها من عند البطن اقولو مريحه سرت بس البسها لمن اروح السوق مع ان من اول شهر اشتريتها مره ماعندي وقت ههههه
كمانا احسها ماتنفع اخرج فيها جمعات كبيره يعني نفسي في فساتين القصيره شي نعومي

اجوان ماشالله الله يزيدك خيال
بالله اديني كم اسم محل اروح اقضي منه لان فقدت الامل الاقي شي حلو وبالنسبه ع قولتك ادا روحتي لاهل زوجك خليكي زي مالقيت شي روحت الطايف ومكه وربي ماااااااااااافي

عسله · 06-04-2011, 07:35 PM

قماري الله يسعدكم .,.
بالله مين تسويلي توقيع لان اللي دحينا موجود غلط مادخلت الخامس

Dado · 06-04-2011, 07:39 PM

الله يعين منجد حتى هنا البلايز مو مره واااو
اصلا رحت المحل وانا مررررره تعبانه بس زوجي اصر انو نشتري ملابس ليا حزن عليا
اول مادخلت المحل قلتلها سوي اللي تبغيييييييييه واللي جابتو اشتريتو دفعت اللي ورايا واللي قدامي وانا اضحك
وزوجي من النوع مايدقق عالمصاريف بس وعيت من الغثيان استوعبت وبدات اولول

بنات عندي سؤال مهههههههههم جدا
مين جربت تسافر بالطياره وهيا بالخامس او السابع .. عارفه اغلبكم بكريه بس قولولي لو تجارب ناس تانيين
حقلكم الوضع
حكون وقتها بالخامس ولما ارجع حكون بأخر السادس
انا حسافر من امريكا للسعوديه ولو الرحله متواصله حتكون 13 ساعه ونص
ولو رحله مو متواصله حوقف بألمانيا بعد رحله 9 ساعات وبعدها بتلات ساعات رح تكون الرحله من المانيا للسعوديه تقريبا 6 او 7 ساعات

ماني عارفه ايش الاحسن او الاريح مليييييييت وانا افكر وابغى احجز خلاص
وموعدي مع الدكتوره بعيد عشان اسألها

لاتقولولي لاتزلي لانو مستحييييييل لازم انزل

Dado · 06-04-2011, 07:44 PM

عسوله ليش مو عاجبو
البناطيل حقت الحمل اريح شي وتكون صح تحفه من جو بس البلوزه تغطيها ويكون شكلها شيك
حسب الموديل
في جينزات وفي قطن وفي كل الانواع زي البناطيل العاديه بالزبط بس من جوا شكلها غير

بالنسبه لشريط الحمل حطي تاريخ اخر دوره ورح يزبط معاكي ..طبعا بالميلادي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع الحوامل اللاتي سيلدن بشهر رجب 1432	يالبيه ياانا	إستفسارات مرحلة الولادة	13690	07-03-2011 03:39 AM
تجمع الحوامل اللاتي سيلدن بشهر محرم 1432	عاشقة الجنه	إستفسارات مرحلة الولادة	4013	01-09-2011 10:02 PM
تجمع الحوامل الاتي سيلدن في ذو الحجة	بيوني	إستفسارات مرحلة الولادة	3806	01-09-2011 10:00 PM
تجمع الحوامل الاتي سيلدن شهر 5 (صحبه طيبه )	مرمر احمد	إستفسارات حوامل من الشهر السابع إلى الشهر التاسع	1	11-29-2009 02:27 AM