رموز في الحلم بشرتك بحملك -2-

[إنسسكآب]

المشاركة الأصلية كتبت بواسطة أم الزين

مرحباااا انسكااب


شلووونج فديتج

حبيبتي في حلم تحلمت فيه قبل شهوور وتبين الصرااحه خاايفه منه واحس له تفسير بس شنو ماني عارفه



الحلم هوو


ان في بيت اهل زوجي والصاله الي هي مدخل البيت قدامها نفس الدرج وكاني قاعده اطالع فيه وهو كان قدامي بالحوش يعيني

وحواليه حريم واايد وكانو يهبلوون وكانه هو بالحلم يحرني فيهم يعني يغيضني
وكاني اطالعه وابتسم وبنفس الوقت خانقتني العبره ودخلت داخل الصاله وكانت ضلمه بس فتحت ليت تيلفوني وصعدت شقتي وبعدها بشوي نزلت ولقيته يسولف يضحك معاهن وكانه يقولهن يلا منو تبيني وكان كل الحريم طالعوه وانحااشو وكانه كان معاق يعني مايمشي


بس اخر الحلم جيت انا واخذته وصعدنا الدرج وانا ضويت طريقه بالمبه عشان كنت خايفه انه يطيح


للعلم علاقتنا الحمدلله مستقره وهو ليس معوق مافيه الا العافيه ولله الحمد
بس فيه نفسه قشرا احيانا وفيه شك مووو طبيعي

الحين من هو اللي معك زوجك
وكيف اموره بالحياه يعني اقصد تتيسر له والا دايم متعقده

[أم الزين]

اي زوجي


والله هو يشتكي يقوول دايما لمن ابي شي يتسكر بوجهي

فعشان جذي ما اعرف هو صادق مع او يكذب

[ديما الروح]

معذوره حبيبتي ...... الحلم هذا من ثلاث سنوات او يزيد اشوي واولاد عمي الي في الحلم اعيال عم لي اخر غير ابو زوجي انا متزوجه ولد عمي وهذا عم اخر وح مو اخوان لزوجي .وحالتهم الصحيه والماديه الي اشوفه زينه وابخير هم الكبير متزوج وعنده اولاد والثاني خاطب وزواجه قريب .... اما علاقتي بأم زوجي مو زينه ويبين عليها إنها ماتحبنا بس اعاملهم برسميه وما أخالطهم إلا في مناسبات وإذاجلست معهم احس بضيقه ......وبس وجزاك الله خير

[إنسسكآب]

المشاركة الأصلية كتبت بواسطة أم الزين

مرحباااا انسكااب


شلووونج فديتج

حبيبتي في حلم تحلمت فيه قبل شهوور وتبين الصرااحه خاايفه منه واحس له تفسير بس شنو ماني عارفه



الحلم هوو


ان في بيت اهل زوجي والصاله الي هي مدخل البيت قدامها نفس الدرج وكاني قاعده اطالع فيه وهو كان قدامي بالحوش يعيني

وحواليه حريم واايد وكانو يهبلوون وكانه هو بالحلم يحرني فيهم يعني يغيضني
وكاني اطالعه وابتسم وبنفس الوقت خانقتني العبره ودخلت داخل الصاله وكانت ضلمه بس فتحت ليت تيلفوني وصعدت شقتي وبعدها بشوي نزلت ولقيته يسولف يضحك معاهن وكانه يقولهن يلا منو تبيني وكان كل الحريم طالعوه وانحااشو وكانه كان معاق يعني مايمشي


بس اخر الحلم جيت انا واخذته وصعدنا الدرج وانا ضويت طريقه بالمبه عشان كنت خايفه انه يطيح


للعلم علاقتنا الحمدلله مستقره وهو ليس معوق مافيه الا العافيه ولله الحمد

بس فيه نفسه قشرا احيانا وفيه شك مووو طبيعي

خير ان شاء الله
يوجد تقصير من زوجك بالطاعات والعبادات ويوجد امور متعسره لديه
وممكن انتي من النوع اللي يساعده باشياء وممكن تنصحينه
واختي انتبهو لدينكم خصوصا الصلوات لاتفوتونه عن وقتها اذا كنتم ممن ياخرها
ويبين جانب من شخصيه زوجك وانتي
انتي تغارين عليه ووتكتمين في نفسك اشياء يسويه وتضايقك وتبين له العكس
وزوجك يوجد فيه شي من الدفاشه <--ماعرفت اعبرها
هذا والله اعلم

[أم الزين]

اي صح انسكاااب زوجي دفش هههههه

وانا اغاار بس كتوومه ما ابين له شي


الله يجزاااج خيير يالغلا

[إنسسكآب]

quote=ديما الروح;2497130]السلام عليكم .. اختي إنسكاب ارجو تفسير هذه الرؤيا مشغلتني من ثلاث سنوات ومالقيت من يفسره لي.... الروؤيا هي ..رايت اني امشي في بر وكان ربيع والجورهيب ومبسوطه وعلى يميني سيارة عمي ابو زوجي وكانت وحده من بناته جالسه وعليها عبايه بس كاشفة الوجه ماعليها غطاء وتناظر عيني وكانت امها تتمشى قريب منها وعلى يساري سياره لعمي اخر وكانت زوجت عمي تتمشى ومعها اثنين من اولادها الكبار وكان ولدها الكبير يحمل بندقيه على ظهره ويحدث اخيه بصوت عالي ويقول له اركض بسرعه يطلب منه احضارشيئ .. وذهبت اتمشي في ورايت حفره بالارض فيها عسل صافي واشقر فذهبت واخبرة مرت عمي ام زوجي وذهبت و واخبرت مرة عمي الاخر ام الاولادوطلبت منهن احضار إناء لاأعطيهن من العسل وذهبت ابحث لي عن إناء فلم اجد شيئا فوجدت علبة تانج مليئه بالتراب فاخذتها ونظفتها وبحثت عن اخرى فإدت الي حيث يوجد العسل فوجدت احدا سبقني واخذ تلإسل الصافي كله ووجدت زوجت عمي ام الاولاد فقلت من اخذ العسل فقالت عمتك إلي هي ام زوجي اخذته كله بطاسه وذهبت وانا غضبت كثيرا لاني انأ التي وجدت العسل وزوجت عمي الاخر كانت تنتظرني حتى اعطيها فأخذت فجانا وخذت من العسل ولاكنه لم يعد صافي في اسفل الحفره واصبحت الحفره تضيق م والعسل مخلوط بتراب فاخذت بالفنجال واضع في إلبة مرت عمي ولاكنه قليل واخذت اعبي علبتي التانج ولاكنه قليل ومخلوط بالتراب واخذت علبه ثالثه وعبيتها ولاكنه ايضا قليل وقلت هذا لأهلي ... وانتهى فما تفسيره هذه الرؤيا من ثلاث سنوات قبا عيد الاضحى ...[/quote]

ماشاء الله يبين الحلم والعلم عند الله في فتره انا مادري اذا تغيرت اوضاعهم الحين او متغيره للافضل لان الحلم له 3 سنوات
تحسسن باحوال اعمامكم الاثنين وزياده رزق لهم ماشاء الله
وابناء عمك الثاني الكبير ممكن بذيك الفتره رزق بطفل
ويبين رزق لك لكن كان هناك مشاركه من ام زوجك فيه مع ضيق في نفسك منهاويبين ان علاقتك مع اهل زوجك غير صافيه يعني فيها منغصات والله يصلح لكم الشان وممكن زوجه عمك الثاني اقرب لك ويبين انك اعطيتي اهلك شي يسر مع رغبتك بانه يكون اكثر
هذا والعلم عند الله انما اجيب بالظن

[إنسسكآب]

المشاركة الأصلية كتبت بواسطة أم الزين

اي صح انسكاااب زوجي دفش هههههه

وانا اغاار بس كتوومه ما ابين له شي


الله يجزاااج خيير يالغلا

هههههههههههه
الله يخليكم لبعضوياك حبيبتي

[إنسسكآب]

اخواتي
ربي يسسعدكم وينولكم اللي ببالكم
سبق وقلت الخاص ما افسر الا الشي الخاص او مو حابه احد يعرفه ترسل وتبين هذي النقطه غيره اعتذر ما راح ارد على احد بالخاص
مو منه بس مالحق ياليت تقدرون
وحابه اشكر من يرد علي اذا تحققت الرؤيا او اصبت بالتفسير ربي يسسعدهم
واللي حابه ايميلي ترسل لي خاص
وربي يحقق لكم احلامكم جميعا
ودعواتكم لي اليوم عندي تقديم لوظيفه يارب يرزقني <--تعاني من البطاله

[ســـرآب]

^^^



سك سك
ربي يوفقكك ويرزقك من وآسع فضله ..
ويفرح قلبكك


واذا تبين تتوظفين مديره اعمالي ماعندي مانع

[نسمه الليل]

السلام عليكم اختي
تحلمت قبل فتره اني انا وامي بنروح لمكه ورحنا ومرينا بيت خال امي ولقينا خالتي اخت امي موجوده عندهم سولفنا معاها بعدها قلت ياخاله حنا بنروح لمكه تروحين معانا فرحت وقامت وقبلت راسي اقبلنا علي الحرم وجو ناس يسالونا وش الطريق الاسهل اللي ينزلنا ع الحرم وهو فعلا نشوف الحرم قدامنا وفيه طريقين ينزلوا للحرم قلتلهم الطريق السهل قالوا فعلا انتي صادقه هو الطريق السهل