دردشة بنات العراق, دردشة حوامل العراق , تجمع بنات العراق

[**نورا**]

شكررررررررررررا حبي فلايه الله يعافيج ويتمم عليج وتجيبين بالسلامه
هوه انشالله هم اخذ بعد ام الطباكه هوه السوك كله عباره عن ام الطباكه ماكو غير شي
بس شكد ردت شي مال طلعه ماكو بس مال بنات عاااااااااابت ههههههههههه

[فوفو العراقية]

اي نورا
صدك السوك حتى هنا مليان مال بنات ملابس وكلهة تخبللل
بس مال الولد مو هالكد اكو وكلش ميعجبني
حماتي البارحة دزت الطرد من المانيا للبيبي مالتي خل نشوف اشدازة
واحنة دا نشد الكنتور مال البيبي وحضرنه شوية ملابس وبعد اشياء
بس من اكملهم اراويكم اياهن.

[ام نورهانه]

هههههههههههههههههههههههه هسه من اجهز بنوتي اجي اغوركم لكم صدك يخبلن ههههههههههههههه بس بصراحة اني اشوف الطفل بهذا العمر ميلبس لبس طلعه وكشخة هواي يعني اكثر شي اوفراااات احسن اله

ونورا اني انصحج اخذي اوفرااات اكو هواي مرتبه وحلوه ومال طلعة احسن اله وثاني شي على كوله سجاوي وج عمره 3 ايام تردين تلبسي تيشرت وجينز تلقحي ياضااااالمه ههههههههه بعده هو لحمه لا هو ياخذوا بالكماط وبهاي الجنطه مال الطفل ولازم تلبسي فانيله ام الطباكات لان اللقاح هيصير بالفخذ والكتف يعني شي اسهلج باللقاح وفوكاه كماط

[أم أيهومي]

هلووووووووووووو اخيرا جيت كان النت عد زوجي اشلووونكم وشخباركم

اولا نورا مبرووك حبي الجهاز ويارب يوم الي اتجهزين بعرسه يارب وتفرحين بيه ويجي بالسلامه واختيارج كلش نازك واوكي بس اكو شغلات هسه انبهج عليهن من جهزت لليموني فادتني كلش
مثلا عندج نقص البودره اخذيله جونسون البيضه (تالك ) وبعد يرادلج منشفه ناعمه اكو مالت اطفال ناعمه كلش ويرادلج خاولي للتشطيف (العفو ) اني اخذت لليموني منشفه وخاولي وبرنص
ولتاخذيله ملابس هوايه تره متعرفين حجمه والله اني مخليت مااخذت لايهم واكو شغلات ولالبسهة لانه ماشاء الله طلع وزنه اكبر من الملابس الي اشتريتهة

[قمر بغداد]

هلوووووووو بناااااااااااااااات شلونكم يمعودات شكد حاجيات بهاليومين اني جنت ماكو لان الواير ليس جان عاطل ونت مباشر كلش ضعيف
شلونكم شكو ماكو
اني جسمي مديشيلني احس نحول موطبيعي وجسمي ثكيل حيل حيل وبس اريد انام حته مابيه حيل احجي
شخبارجن حبيبات كلجن شللللللللللللللللللللللللللللللللللللللع

[قمر بغداد]

نجلاء بشري اتأكدي من الحمل لوبعدج مامحللة

[عسل بغداد]

صباح الخيرات والليرات على كل الحلوات
حبي فله اني الاشوق شلونج والبنوتات شلونهم

هباوي حياتي شخبارج قلب

اكلكم مدري شنو سالفه النحول والنعس يمكن من الحر لو اكو فايروس بالجو مال نوم هههههه اني ستوني كعدت بس غسلت واجيت اشوف شكوماكو

[White angel]

صباح الخير
شلونكم حبايب اخباركم
طبعا. لي هسه هبوط يصير عندي على غفله
الله يسلمكم حبايبي
وللعلم تره بنت الاوادم العبيديه مخلتني اشوف الملاعيب هههههه خاله رجل على رجل
سبحان الله أكول بعدها مااجت وماعرفتني شلون تسوي حركاتي تؤبرني
والدكتورة جانت عراقيه كرديه حاولت تتاكد بس مخلتها اهم شي تطمنت ع صحتها
وعرفت سر السونار بس امرض نفسي راسا يأخذون سونار حتى يتاكدون اروح الهم ب السابع واسوي نفسي مريضه وتبين أكيد بوقتها
بس اشو صاير عندي ثقل مو طبيعي يجوون اثنين يلزموني حتى اكوم اوكف هههههه حاسه نفسي دب

فوفو حياتي ماعندج الا العافيه وعادي تصير أني زوجة اخويه عندها سكر ولاملتزمه بصحة غذائيه ولاشي تاكل اي شي وهذا شهرها والله كريم
عيوني زينه ربي يقوم بنوتج بسلامه ويارب ماعندها غير العافيه
نورا كبد مبروك التجهيزات ويوم الي تقومين بسلامه ويوم الي اجهز بنوتي الابنج ههههههههه
عسوله قلب الله يعينج ع الأسنان أني أسنان العقل طالعات ع النص وواكفات بين فترة وفترة تاذيني ومدا تكتمل بعدني عنونيه هههههههههههه
فروحه عمري انتي والله نصيحه لاتفكرين ابد ب الطفل ويصير وحده أني جنت هيج ومناحه كل شهر بس اقسم بالله الشهر الي نسيته وزوجي من ينام افكر بشي ثاني جان تصير الفصعونه ربي يفرح قلبج حبي
تم ايهومي هاي شنو لي هسه محللتي دحللي بلكي تصير ليمونه هههههه شلونج حب اخبارج
قمووره شلونج كبد مشتاقين


فاصل اعلاني ونواصل ههههههههههههههه

[White angel]

ام نورهانه حياتو شلونها الوكيحه الي بطنج فداوي القلبها حبي سلامتج ديري بالج يمعووده لا تطلعين جو العراق يسطر الي ماينسطر
مو ه الدور حامل يمعوده لاتدعبلين بنص الشارع بعدين شيخلصج من ابو نورهانه يدعبل وراج هههههههههههههههههه سلامتج كبد

[عسل بغداد]

هلو زنوبه حبي