تجمع حوامل ليبيا

أم ردينة · 12-11-2010, 10:08 PM

اهلا بام السعد شنو الاخبار .. وها الفتره هادي شنو بيعديها اليوم ليا 23 يوم بي جايبه وماااااازال الخير القدام .. ونبي نسألك نطهر ولدي في الاربعين عادي ولا مازال صغير ؟ شنو رايك

أم سعد · 12-11-2010, 10:14 PM

عااااااااااااادي .. كل ماكان صغير كل ما خير

ولد خوي طهرناه بعد 15 اليوم من ولادته

توكلي على الله وطهريه

ღॐ آية ღॐ · 12-11-2010, 10:45 PM

مساء الخيرات كيف الحال
عيون نورتي وربي يعاونك
...
كنت طالعهة نشري في حوايج للبيبي
جهزتلها شنطة المستشفى ومزال شنطي انا
بصراحة لفيت طرابلس كلها محل محل للمواليد
بس بلاخر شريت كل شي من محل حنين في زاوية الدهماني اسعارة حلوة وفيه كل شي
ننصحكم يا بنات طرابلس ماتخطوشي في تجهيزات المولود والله اسعارة حلوة ومناسبة

أم سعد · 12-11-2010, 10:48 PM

أهلا أهلا آية

وأخيرا شريتي ... يلا نبو بالتفصيل شن شريتي

أم سعد · 12-11-2010, 10:57 PM

تي هيا قبل مايجي راجلي ويروح بيا

كلمني قالي وتي روحك

أم ردينة · 12-11-2010, 11:11 PM

يا آيه المحل يبيع في لبس المواليد بس ولا حتى الاطفال بصفه عامه . وشني شريتي؟؟ هههههه

أم سعد · 12-11-2010, 11:14 PM

نستنى فيها .. مشت تستف في الحاجات وخلتنا

تو فرحانه بالحويجات تو نحصلو معاها طريق غير نعبو

تي تعالي احكيلنا وبعدين بري ستفيهم الحاجات

أنا راجلي على وصله

ღॐ آية ღॐ · 12-11-2010, 11:18 PM

ههههههههههههههههههه
والله ضحكتيني يا ام سعد
ستفتهم من الي روحت وكملت
ما نقدرش نصبر هههههههه
ام ردينة فيه ملابس اطفال من 0 الى عام
ويمكن فيه اكبر بس والله ما نتبهت ..
حاضر يا ام سعد حنقولك شن شريت بتفصيل الممل

ღॐ آية ღॐ · 12-11-2010, 11:22 PM

هادا ياحنه شريت ساكو لونه احمر وبيج حلو هلبا
وشريت شيشة شيكو وزلباحة شيكو
وشريت قطع داخلية بي اكمام عدد 5
وقاميجوات شتوية عدد5
وشخاشر نصف وكاملة عدد 4
وفوط وروب للاستحمام
وشراشيف لون زهري
وبطانية
وعود اودان
ومنتجات جنسون للاستحمام
وليفة ناااااااعمه
وكندرة زهرية
وطرمس زهري
وكولنيه ماركت شيكو للمواليد

أم سعد · 12-11-2010, 11:22 PM

لولولولولولولولولولللللللللللللللللللللللللللللللل لللي

ردت علينا

الراجل جي