دردشة حوامل أهل جدة - دردشة بنات جدة - تجمع حوامل مدينة جدة

hudhodh · 07-09-2011, 06:01 PM

مشاء الله تبارك الله الله يتمم لك ياسوسو وتفرحي بالقموره
انا بصراحه اعاني من مشكله طبعا بكريه (( وعلى قوله ام سوسو احنا مانعرف نشتري للنونو )) وساكنه بعيد عن امي واخواتي :( لحالي في جده واول سنه اسكن جده
يعني ما اعرف شي في جده
ونزلت السوق اكثر من مليون مره وكل مره ادخل محلات واقول بشتري وبشتري وبشتري في النهايه احس نفسي مو عارفه اقوم اخلي الاغراض واطلع
مو عارفه ايش اسوي بصراحه

أم ح ــنونـہ · 07-09-2011, 11:05 PM

^^^

قلبي انتي تسلمي
والله يعينك فعلا الوحده من غير امها ما تعرف شو تسوي
الله يحفظهم ويخليهم ويطول اعمارهم

شوفي حبيبتي انتي ادخلي جوجل واكتبي كل ما تحتاجه الام الجديده
وان شاء الله تلاقي مواقع تفيدك ^^

مـــلامح رقيقة · 07-09-2011, 11:08 PM

مساء الخير على الكروشات القمورات

اخباركم واخبار البيبيات

انا كروشة لسا بالابتدائية ههههههههههههه
توني في الشهر الثاني الاسبوع السابع
بس على العيد ان شاء الله ادخل الرابع

وعندي سؤال صغنن
خاطري اشري للعيد ورمضان الجلابية الميدي
وين الاقيها

بليييييييز بنات اتوحم عليها >>>> هع

مؤمنه بربي · 07-10-2011, 04:58 AM

السلام عليكم
رحبو فيني توي حامل اول شهر الله يثبته ويثبتلكم احمالكم على خير وسهاله يارب

بنت صقر العروبة · 07-10-2011, 08:03 AM

هاي بنوووتات.....
كيفكم...
ابغى ملابس للاطفال تكون حلوه ورخيصه من فين اروح بالله اللي تعرف تقول لي...

ام رتيل · 07-10-2011, 12:01 PM

هلا بنات صباح الخير
ملابس الاطفال في الهرم اللي في المحمديه مرررررره حلوه واسعارها تمام كمان عندك السعر المنافس

r4m · 07-10-2011, 12:59 PM

اخباركم حوامل ^^ ؟

مبروك للي حملو الان والله يتمملكم حملكم علي خير
بس ايشبو القروب ؟ كل وحده في وادي والي تسال محد يرد عليها
والله عيب كدا مافيها شي لو ردينا علي بعض واستفسارات بعض اقلها اقلها الوحده ماتحس انو الكل طنشها

بالنسبة لملابس الطفل انا تنوعت مابين سنتربوينت ومذركير لانو عامل تخفيض الان
ومابين محلات الاطفال في باب شريف بمركز الحبيب لانو الجمله هناك
ومابين سوق الخيمه
اكتر شي اخدته كان من سنتربوينت

بالنسبة للي بكريه انا كمان بكرية بس اخدت نصايح اخواتي + تجربتي مع اطفالهم كنت اجرب فيهم خخخ

اول فترة للطفل بالزات شهرين احلي شي تلبسيه بربتوزات عشان سهله ومريحه وناعمه له
بس الافضل تاخد الي بدون رجول عشان ماتضايق انا اغلب الي اخدتها رجول ومانتهبت الا بعدين وخدي عليها شراريب

خديلك مسلا 6 قطع لاول مقاس يعني من 0 لحتي 3 او سمول<حسب الشركة ايش تكتب
وخديلك 10 لعمر من 3 ل 6 او مديم
النيوبورن خدي كم قطعه بالعدد امكن طفلك يطلع طويل ومايلبسهم اصلا زي ولد اختي
وممكن يلبسهم لمن يقطعهم ويطلع صغنون زي ما حصل لاخويا
يعني لاتكتري هادي القطع للضرورة
وعن نفسي اخدت مجموعه 4 قطع تقريبا ل 6 الي 9 شهور في حاله طلع البيبي طويل يسير يكون عندي شي الين اقدر انزل السوق براحتي لاني مادري متي وكيف وقتها انزل السوق

الكوفلات علي حسبما انتي تشوفي بس مابين 4 الي 6 ماتزيدي كتير
انا اخدت وحده للطلعه فخمه ووالبقيه عاديه اتنين منهم جات مع اطقمها وتلاته عاديه وساده

كفوف اليد والرجل اخدت تلاته واحد ملون وابيض وبيج وبيكفو كدا ان شاء الله لو احتجت يسير السوق مو بعيد
الشراريب اخدت بس 4 مع اللبس الي محتاج واخدتها الي تيجي فرري سايز يعني تمطمط بس تمشي يادوب ل6 شهور مو اكتر
لانو ولادتي علي بدايه تغيير الجو وبعدها البرد

اللوشن والشغلات دي خديلك مقاس عادي لاتاخدي الكبير او كميه كبيرة
ممكن الطفل ماتناسبه او يتحسس منها
بعض الاطفال يتحسسو من كريمات او بودرة او شي من شركة معينه
ولد اختي يتحسس من كريم جونسن فسرنا نستخدمله كريم شركة تانية اما اللوشن وكريم الحفاظ من جونسن والبودرة من نونو خخخ يعني مشكل علي حسب طبيعته وايش يناسب بشرته

اهم شي
جيبو السرير عن نفسي باخد الكبير الي يكفي لكم سنه قدام مرة وحده وافتك من كبر شقتي اخد سرير نفاس وبعدها اشتري سرير تاني خخخ
وجيبو مفرش السرير ومفرش الام
مفرش الام انا اخدته يناسب غرفتي اهم شي ماركزت يكون طقم ونفاس لازم لا
.. ركزت استفيد منو ويكون قطني ومريح ليا بس فخم علي انه كان غالي بصراحه

جيبو ادوات الاستحمام لو حابين من اسفنجه + مغطس مدري بانيو الاطفال
وعندكم النوع الي يجي طاولة فيها طاولة تغيير البيبي +بانيو الاستحمام مرة روعه من سنتربوينت او الضبا مول او نبيل العيسائي شفتهم عند هدول واكبر تشكيلة في سنتربوينت

جيبو الحاجات الي ماتتوقعوها هدايا او تبغوا انتو فيها شروط يعني الملابس انا احب القطن ميه بالمية فماعتمدت عالهدايا اشتريت لطفلي ملابسه من الان
نفس الشي بالنسبة لللبطانيه اخدت بطانيه صغيره تكفيه لحد 3 شهور كدا علي اساس امكن ماتيجي بطانيه عدله في الهدايا ولو جات بطانيه كويسة يسير خلاص وزي كدا

انا لسه استني احد يجاوبني علي حكايه الخياطه بالليزر بعد الولاده
ومين تتابع عند تيسير في هاله بن لادن ؟ ابغي اروحلها بس ماقدر الفتره دي
متي اجازتها او كيف هيا؟ وكم الكشفيه وكدا؟

بنت صقر العروبة · 07-10-2011, 06:56 PM

شكرا حبيبتي ام رتيل...
وانتي يا قلبي r4m....
الله يعطيكي الف عافيه ياقلبي...
وترى انا هدي تاني بزره مو اول واحد...
بس كنت بشوف في ارخص الاسعار...
ويليت البنات يسمعو كلامك من جد لحد ياخد ملابس صغيره كتيره وحتى اللي برجول..
انا جربتها في ولدي الاول واتورطت فيها...خخخ

جووووود · 07-10-2011, 08:49 PM

تسسلمون والله يقويكم

عندي سسؤال

انا لي 3 اسابيع حامل

ورحت اليوم وسويت اشعه تلفزيونيه

وقالت لي ماظهر كيس الحمل

ومااحس بأي اعراض غير مغص مثل حق الدوره

واحيان احس بألم في ظهري لو ظولت الجلسه

وبدوخه بين فترات متباعده وبس

أم عبدالرحمن السلفية · 07-10-2011, 09:24 PM

جوووود استني كمان شهر وروحي أعملي سونار .. يمكن يبان أكثر .
أم رتيل و ار 4 ام مشكورات ,, بالنسبة للهرم الأقمشة قطنية وإلا عادي لانو الملابس شكلها حلو بس كيف جودتها