تجمع حوامل سوريا-دردشة ورود سوريا-دردشة الغاليات

[سرووءة]

سدورة وام يويو وهدولة وام ملاك
تسلمولي عيونكم الحلوة
والله يخليلكن هالقمامير يارب
وهدولة عقبال ماشوف رنوشة رفيقة بنتي

ام
ملاك
بعتلك رقمي عالخاص
وبتشرف فيكي طبعا ماعندي مانع ^^

[شام الهوى]

السلام عليكم ورحمة الله وبركاته

جمعة مباركة عليكم اخواتي الغاليات

سروءة تقبر قلبي هالجود ماشاء الله تبارك الرحمن شو حبيتها عنجد بتدخل القلب ضحكتها ياقلبي انا ربي لايحرمك منها يارب

اهلا بكل البنات الي انضموا النا مطرحكم ومكانكم ياغاليات
لاتنسوا سوريا من الدعاااااء فأخر ساعة منالجمعة الله يتقبل مننا لعلها تصادف ساعة اجابة


سلام عبور كيفك يالغلا وكيف العسل الامور الله يخليلك ياه

كيفك ام يويو شواخبارك واخبار الكتكوت سراق القلوب هههههه
وانتي هدول ليش ماحذفتي بعض الرسايل من رسايلك الخاصة اخ منك بدي عضك من كرشك ههههههه
وين جوريتنا وين غايبة بكرا موعد الوالدة بالولادة ما الله يقومها بسلامة يارب
ام عائشة الف مبروك الحمل هاد نعمة من ربي صدقيني في ناس يتمنوا الحمل بركي تكوني حامل بتوأم بنات وتخلصي خخخخخخخ
وينك سلولة وين هالغيبة
سلام لكل الغايبين اعذروني لو نسيت حدى والله انكم كلكم بقلبي احبكم بالله

[سرووءة]

شام الهوى
بعيد الشر عنك
تسلميلي يارب

وين البنات
بس فوت الكل بيختفي

[شام الهوى]

اشتقتلكم بنات وينكن

انا هون سروءة كيفك

[سرووءة]

ماشالله شام
هي بنتك
بتجنن
الله يحفظها يارب

[ميآر [ مهند حيآتي ]]

صباح الورد ع وردات سوريا ..

كيفكن حبيبات ئلبي


أنا ومهند بنبوسكن كتير كتير كتير


رح خلي هنودة يحكي بالاول لان حبكن وصار بدو يضل عم يتواصل معكن


ملحبااااا يا حلوين ...

كيفكن حبيباتي ..

أنا مثتئلكن كتير كتير كتير ...

هي ثورتي الجديدة ضليت نئ ع ميورة ( شو هي ماما ما ماما أنا بناديها ميورة هههه )

حتى تنزلي ثورتي الجديدة ..

ما تنثو تصلو ع النبي لأني طالع كتير حلو بالصورة خخخخ ...



رح ثلم ع رفئاتي وبخلي امي تثلم ع رفئاتا


يويو & يذونة & عبودة & حمودي & أحمد & ابراهيم & مالك & كرومة : كيفكن ثباب التذمع ...

مثتئلكن انا ... ايمت بدنا نطلع نلعب تابة .... صار عددنا منيح بنعمل فريقين خخخ

شايفين انا اليوم مزبط حالي عندي موعد مع بيت زدي ...

زود & ملوكة & رنوشتي & لجين : كيفكن يا صبايا دخيييل ربكن محليين التزمع ...

أمانة ما تعزبو حمواتي لأن قررت اتزوزكن كلكن ههههه

يلا بالاذن البابا عم يندهلي بدو يحتلي زل هههههه

بااااي


هههههه شايفين ع هالجيل ... ئال بدو يحط جل ئال هههههه

كيفكن حبيباتي ...

سروءة : يسعدلي صباحك .. مشالله لا حول ولا قوة الا بالله انا حبيتها لجود الامورة كتير كتير ..

أكيد طالعة حلوة للماما ... الله يخليكن لبعض ...

كيفك وشو أخبارك

****

جوري : لك شو ملك التجمع انا ابني امبراطور التجمع ههههه .... مشالله ع هاليزونة ...

كيفكن حبيبتي نشالله مبسوطين ... طمنيني عنك ...

شوفي هنودة عامل سبايكي هههه

طمنينا ولدت أمك ؟

****

شام الهوى : كيفك حبيبتي .. مشالله ع بنتك بتجنن أخ لو كان هنودة أكبر بشوي هههههه

***

هدولة : كيفك يا كروشة .... يمكن ما ضل غيرك انتي وندوشة وأم عائشة حوامل هههههه ...

والله مبارح ابو مهند ئللي ما بدو يخلي فرق كبير بين هنودة والبيبي اللي بعدو وانا حردانة هههه

ع الاقل بدي 3 سنين فرق ههههه

كيفا كنتي رنوشة هههه شفتي هالازعر اعد يلطش البنات ههههه

****

سيلا أم كرومة : كيفك حبيبتي .. وكيفو رفيق ابني .. بدنا صور جديدة لكرومة هااا ..

موووااااه ..

****
رنومة & مع الله & & وردة حلب & زهرة سورية & زهرة الحب & وردة سورية & عبورة & نيهال

وينكن حبيباتي طمنونا عنكن


***

أم مالك وملاك : كيفك يا روحي ...

شتئتلك كتير كتير ...

وين صور صهري مالك هههههههه

حجزت كل ولاد التجمع هههههه

مهند بيبعتلك بوسة الك خصوصا هههه

******

بسبوسة نورتي حبيبتي ...

أنا ميار عمري 24 وعندي ولد واحد عمرو 27 يوم ^^

اسمو مهند ... مقيمة بحمص حاليا ومتزوجة من حمصي

منووورة التجمع ...

أنا اسفة اذا نسيت حدا ... بس كلكن بالقلب

أخباري

الحمد لله طبت من الكريب بس والله دبحت ...

اليوم هنودة بدو يروح شي ساعة لعند بيت اهل زوجي مع ابوه

أنا شوي تعبانة رح ضل بالبيت ..

هنودة الحمد لله صار احسن وبطل بطنو يوجعو

مشالله عليه صاير بينام كتير منيح

وأمي يمكن تجي شي يومين تشوفو وترجع

دعولي تزبط لان طائئ ئلبي ع انو امي تشوف حفيدها ..


كريييت كتير سامحوني ^.^

[ندى الشام]

كيفكن بناات شو اخبارركن اسفة انو ماعد فتت كتير بس والله مشغولة بهالبيت وبماما وبتعرفو الحمل باولو عم دوخ كتير وتلعي نفسي على طول واخخخ حالة ادعولي الله يتمملي على خير كنت عند الدكتورة من كم يوم وشفنا النبض وطمنتي انو كلشي تمام والحمد لله اما اخبار ندى اوووووووووه شو صايرة عم تعزبني وعسرة اخخ منا هالبنت كل ماروح عالسوق بتفلت ايدي وبتهرب مني وحالة الله لايورجيكم هاد عدى عن النئ والسئ بالبيت بس قد ماعزبتني بموت عليها الله يخليلي ياها

[ندى الشام]

ام ملاااااااااك الف الف الف مبروك الحمد لله علسلامة انتي ومالك شفتي سبحان الله كيف اتوكلتي على الله وسهلك ياها الحمد لله وعقبال تشوفي عريس يا رب ويخليلك ملوكة هلئ رح ناديلك ام مالك الله يسلمه ويحميه

[ندى الشام]

سروءة كيفك شو هالامورة الحلوة ماشاالله حولا الله يحميا وتشوفيا دكتورة بسم الله حولها وحواليها

[ندى الشام]

مهند عمري كيفك يئبش قلبي هنودة الامير مايبلا بوسيلي ياه من خدودو يقبرني شو حليوه هالولد الله يحميه وماشاء الله حولو وحواليه كيفك طمنيني انشالله ماعم يعزبك ديرري بالك على حالك وانشالله تجي امك لعندك والله يفرح قلبك بشوفتاااا يا رب