تجمع حوامل ليبيا

[أم سعد]

نسيتيني لكن يلا عادي

:)

[حنين88]

اهلين ابنات منورين الشاشة

يابنات حتى انتو اول عيل على الام يعني امي هيا تتكفل بكل شي

وياريت تقولولي زي شن امي توتيه ؟؟؟؟؟ معقولة ياناري امي كله بديره امالا الراجل شن بيصرف شي شوره ؟؟؟

[حنين88]

لولي اني ننابع عند دكتورة اسمها سامية في برج الصفاء كبورية شوية

بالله كل ماتفكر روحي في مصر يزيد الوحام تصدقو ماحبيتهاش بكل هالمصر نبي نروح ليبيا ياناااااااااس

تعرفو اليوم من فطوري الصبح كابتشبنو وشكلاتى معاد كليت حاجة وكبدي دارها وريقي مر زي العلقم
اااااهههه الحمد لله على كل حال
اللهم هون حملي وثبته ويسير ولادتي يارب

تعرفو يابنات كان مش منكم مش عارفة شن صاير فيا منوسيني الحق

[حنين88]

ستياناتي بدو يجوني ضيقات والحكاية بزعة من فوق من لوطا زعما نمشي نشري حجم اكبر ولا كيف ؟؟؟

[حنين88]

تعرفو يابنات حتى الكوجينة كرهتها لما نخشلا نرجع ياربي ساعدني

اليوم اتصلت براجلي قتله مش حنقدر انطيب غدي تغدى برا ولا جيب غدي وماتحسبنيش لانه ماخاطري حتى في العسل يدره الكبد

[حنين88]

اللي يبنو (((اية وام سعد)) ربي يكمل على خير وتخشو حياشكم بالخير ان شاء الله

[حنين88]

تي وينكم ولا طلعتو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[عيون زوجي]

حنين كيف حالك وحال التوامه
ويارب ايخفف اعليك الثقل والوحم
وتكملي حملك بالسلامه

[عيون زوجي]

غريبه..ياحنين كيف وزنك ايزيد
نعرف ان النساوين يلي يتوحموا يضعفوا يولوا زي العود
توا انا نسمن في حملي
لاني مانعرفش حاجه اسمها وحم ولله الحمد
في حملي الاتنين عمري ما رجعت ولا مرة
ولا كرهت ماكله ولا شي
بالعكس الشهيه تنفتح عالاخر
والوحم نسمع بيه بس...........

[عيون زوجي]

حتى انتي طلعتي وخليتيني...
باهي باهي
انا راجلي هرب مني
قال طالع بيدير سوفت وير للريسيفر
قتله نطلع معاك ماننزلش قال لا
صقع عالصغار // سبله
امس طلعت مشيت لعبت سارة
في سوق الثلاثاء
وشريت قضيه للحوش وشوية مكياج ليا
نبي وحدة منكم تعلمني
كيف نرسم العين بالاي لاينر السائل
انا نعرف نرسمه بالاي لاينر متاع القلم
بس انحسه مش دكن وحلو زي متاع الريشه
والاي لاينر متاع الريشه
ديمة تتطلعي الرسمه عين بعين مش زي بعض
علموني...بليز