ديوانية البحرين - دردشة حوامل البحرين - البحرينيات

[فلونة]

صبااح الخيررر

شخبارركم بطاات؟؟

روز ،، انا استخدم نفس الحبوب الي تستخدمه شموس وبالعكس احسه وايد زين وما له مضاعفات واايد ،، اكلي زين بس لازم الحبوب تاخذينه

طفلي ... حتى وانا محد تعقرين علي هاا امس في بيت ابوي طول اليوم وما قدرت اطل عليكم .. الحمدلله اجوف امس ما شاء الله كنت زينة واستغربت من روحي.. بيت خالتي رايحين البر واتصلو فيني علشان اروح وما بغيت اروح بسبت سالفة الحمام الله يعزج ما لي غنى عنه وبيروحون يشوون بس بدون خيمة هلون قعدة بس..

بنت الاياويد،، شخبارج وشخبار الدراسة معااج .. امس كنت اسولف ويا اختي عن سالفة اسم بنتج وراعي محل الزينة

انا احين باصلي وباسوي غداي .. بعدين باروح ويا ريلي السعودية واذا تبوون شي اتصلو .. بس طفلو حتى لو تبين شي لا تعبين روحج وتقولين لانه ماباييب لج

[أحلام أم]

حبيبتي فلوونه تروحيين وتيين بالسلامة تحملي بروحش وبالنونو ولا ترهقيين روحش في الدوارة
نبي تيين بالسلامة هذا طلبنه

[أحلام أم]

المشاركة الأصلية كتبت بواسطة om khalil

ايه شكل الديوانية صاخه من زمان عنكم اقصوصه شخبارش شخبار حور

كنت مشغوله ياللي سالتوا عني فلونه وطفلي واحلام ام بمناسبة عندنا البارحه
صدق الفرح لاثنين والينون لالفين الحمدلله عسى الفرح دايم يالله بعدي متاثرة بالديجي ههههههههه تعالي احلام ام شدراش خطوبتنا البارحه؟

باقوم اروح بيت ابويي اشوفكم وقت ثاني

مبروووك أم خليل ووحشتينه وااايد
شدرانيي ها شكليي طلعت نسيبتش وبقووة ولاحد سمه عليش ههههههههه
ويش أخبار أمش بعدها تعبانه الله يفرج عنها ماعليها شر

[بنت الأياويد]

هلا فلونه ، زين تسوين روحي غيري جو انا شريت اغراض حق بنتي من الهرم وطابا خذيت لها بانيو وجم بدلة شتوية بس وناسة كان لان وديت مرت حماي واعيالها ويانا وتغدينا اهناك ،شفيه اسم بنتي ؟ واي محل زينة؟مافهمت ، حسافة انج طلعتي نبي نسولف وياج
فجورة وينها على الاقل اطمنا عليها ولا شكلها نستنا

[شمس الصباح]

سلااااااااااااام يا دبدوبات

فلونة تروحين وترجعين بالسلامة

احلام ام شخبار الحمال معاش

بنت الأياويد اني دخلت من الصبح بس الديوانية ما تشجع

معظم البنات ما تدخل وتخافين تذكرين وحده وتنسين الثانيه وتزعل اهم شي انهم يكون بخيررر

ام خليل وحشتينا والله يفرحش على طول يا رب ويجعل بيتكم عامر بالأفراح

صايره نفسيتي زفت امس اقول للدكتورة كل شي زين تقول اي اللي يبين عندي اوكي لكن الباقي ما ادري والله كانها طعنتي بسكين في صدري بكلمتها ما ادري شنو قصدها بس خفت حدي ابغي اولد اليوم قبل بكره احس فيني الصيحه صايره دمعتي على طريف وكل افكر شنو تقصد يعني بجيب بنت فيها شي ليش تقول جدي مع انها تأكد لي ان كل شي طبيعي وفي النهاية تخلي مسئوليتها

[اقصوصه]

هلا. والله ام خليل بخير الحمدلله حور زينه

شخبارج انتي عساج طيبه

[طفلي حياتي]

السلام عليكم
افااااااااااا فلونه مشيتين واني مو هنا ماعليه درب السلامه حبيبتي وتحملي بروحش زين مازين ومابغي شي منش بروحش يبغي لش عباله تشترين حاجه وتركضين الحمام مانبغي نزيدش
احلام ام هلا وغلا شخبارش؟ وشخبار الحمل وياش
بنت الاياويد وشخبارش عفر خاطرنا ندردش
ام خليل الحفله وخلصت يا الله امشي
شمس الصباح اذا على النفسيه اسكتي كل شي يعكرها تدرين امس من العصر الى نومتي والغبنه هالكتني ماني قادره اول شي متفقه ويى شغاله وقصت عليي ماجت وتعكر مزاجي من الجنون يادافع البلا واقوم لش اروح بيت خالتي الا هناك مرت ولد خالتي وتسولف عن السونار وعدد الاسابيع الا تقول اي هم ياخذون ويتأكدون عن التشوهات ومن قالت كلمة تشوهات تبغيني ماتلقيني في عالم اخر انقلبت نفسيتي قلالالالالالاب صرت شي غير ماعرف اني ويش الوسواس اشتغل على اصول والحين لايفوتش آثار الوسواس تقول ان الجنين ما يتحرك وبطني صار اصغر شوي
اف ياربي متى اولد واشوف الجنين سليم معافى ارجوك ياربي هذا حلم حياتي
باقي البنات شخباركم اي صدق مابغي انسى اقصوصه شخبارش؟
روزاتي وينش وشخبارش ويى التعب ان شاء الله صرتين اشوه؟
ماعليكم شر كلكم محفوظين بعين المولى واني وياكم

[طفلي حياتي]

على طاري السعوديه صديقتي ساكنه في الدمام وميته علي تبغيني اروح واني اتثاقل وخايبه حدي
المفروض هلسبوع اروح بس هالسبوع مشغووووووووووووووووووله عدل تجهيزات محرم الله يعودنا وياكم
ويمكن اسبوع الياي اروح يومين افتر جم فره في سوقهم واخذ لفرحتي اشياء ياخلف جبدي هالقمر مادري بنت لو ولد
اسكتو بتفائل ماقدر تعبت من الوسواس

[فلونة]

صدق او لا تصدق الساعة وحدة وبرز غداي ما شاء الله علي شاطرة اليوم

احلام ام ،، الله يسلمج وانا بروحي ماحب مشوار السعودية لانه يتعبني بس متمللة وابي اغير جو .. على فكرة من فترة ام عايشة دشت اهني وسألت عنج ما ادري اذا جفتي ردها او لا ..

بنت الاياويد ،، كاني رجعت
قصدي سالفة الفلبيني الي عباله من آل خليفة ،، وانا في بالي اروح طابا والهرم وفي محل يم الهرم قالت لي عنه بنت خالتي حق توزيعات اذا مداني وصار وقت وعرفت المحل باروح اجوف افكارهم ويمكن اخذ لي شي واشتغل عليه في البيت بدال قعدتي لاا شغل ولا دراسة

طفلي ،، ما يهياني قلبي امشي ولا اسلم عليج... هو انا اقدر
وان شاء الله ما اعتاز الحمام يا النحيسة بروحي ماشتهي ادش حمامات السعودية.. ولا تعورين راسج انتي ويا القيل والقال مب زين للياهل تررى .. والي الله كاتبه بيصير.. ومن توكل عليه من خااب .. الله يكتب لنا الخلقة التامة ويحفظ الجميع

شمووسة انا في بالي اقولج قصة دكتورتنه في الجامعة .. بس احين ماميش وقت تالي لين رديت ان شاء الله باقولج..

المهم بنات ،، اخلييكم احين بنتغدى وبنتيسر ان شاء الله .. اجوفكم على خيررر

[ملكة كبريائي]

شدعوه يابنات البحرين
اسألكم وماتجاوبوني
ماتوقعتها منكم ..ربي يسامحكم ..