دردشة بنات ليبيا , دردشة حوامل ليبيا , تجمع بنات ليبيا

[يقين]

ايوووووووووووووووووووته منووووووووره ليك وحشه وحشه وحشاني أوي كيف حالك وحال وليداتك وزوزك تما م ان شالله
اني الحمدلله تمام التمام والحمل ماشي ولله الحمد

[يقين]

سوسو شجو تو كيف حال وليدك رقد ولا
ام معاد منوره يا زعيمه وين الصغيويره رقدوا

[يقين]

ني نحس فروحي منتعشه تقول شاربه عصير ليمون بالنعناع في عز الصيف منتعشه عالاخر لان في وحده كاسرتلي رقبتي وناكل عليها في الشيش من ساعه سكرت منها تي ستفتلها كلام والله العظيم لين ضغطي هبط وحسيت روحي متريييييييييحه هزبتها وتعاركت معاها لانها غالطه فيا وتسحابني ساكتتلها بس لالا اليوم فشيت غلللللللللللللي
مش تقولوا مجرمه ولا واعره لالالا ربي قال الا من ظلم واني البنادمه اهيا ظلمتني والله ماني مسامحتها

[يقين]

كيف مخليني ندوي بروحي اه

[sosolibya]

احب اشكيلكم همى
انا بصراحة صرت اخمم هلبببببببة............
تعرفو حملى هدا احس انه مر بسرررررررعة رهيبة ........... يمكن لان فى الحرب ماحسناش بطعم شىء ................
وانا بصراحة مثل ماتعرفون اى وحدة تصير فى المرحلة يللى انا فيها تبدأ تحس بالقلق ............لانها تصير حاسة انها مو ملحقة على شىء
.................... وفعلا هدا يللى صاير
احنا بيتنا صغير شوى وتوا نبنو فى مخزن برا الحوش لان ماعندناش نخزن وطبعا بعد ماجينا هنا
قعد على حاله ............ ونبى اندير جلسة فى وحدة من ديارى ولتوا مادرناش حتى حاجة فى هدا الموضوع
لانى نبى نكمل المخزن قبل باش نحط كل البضاعة يللى فيها فيه لانها هى حاليا بمحل المخزن \
.... وتوا بنروح بنلهى فى العرس وخلاص يعنى بعدين معادش عندى وقت بكل
بس يللا كل شىء يصير بادن الله
اللهم انى اتوكل عليك

كترت عليكم بس مالى غيركم

[يقين]

هي تصبحوا علي خير بنوض نرقد لان فروتي رقدت
ليلتكم هنيه بانوار النبي ممليه

[يقين]

سوسو توكلي علي الله تو اتيسر الامور وتمي امورك قبل جيابك وتستريحي

[يقين]

غدوه ان شالله شدوا مكاناتكم وردوا بالكم من ارواحكم اييييييييييييييوه وقد اعذر من انذر
غدوه يوم الزحف غدوه يوم التحرير غدوه يوم الانتصار او الموت غدوه اليوم العالمي غدوه اليوم التاريخي اما للامجاد والعلي او لمزبله التاريخ غدوه الحسم غدوه المجد او الدل غدوه سوف يبان السروال السروال من القفطان غدوه سوف ننال الغايه ويتضح الجلباب من العبايه غدا يوم التحرير وسوف يبان القوانتي من الشخشير
غدوه بندير كيكه اسفنجيه

[ام وسونة]

ايوتة كيف حالك وربي يعاونك وصحة الحنة لاسولة

لكن ماقولتيش عيدميلاد مني اليوم؟؟؟؟؟

[يقين]

مع اني نتكلم مع روحي بس الجو حلو ويهبل ومستمتعه مع روحي مانسحابش روحي اجتماعيه هكي ربي يحفظني
بالسليمه