دردشة حوامل أهل جدة - دردشة بنات جدة - تجمع حوامل مدينة جدة

[أم عبدالرحمن السلفية]

نور الله يرحم والدتك ويغفر لها ...
- غنوجة ,,, انتي زيي في الحمل لانو آخر دورة لي 4 صفر والدكتورة قال بتولدين في وسط ذو القعدة
يعني شدي حيلك وابدأي جهزي نفسك لانو ح يجي رمضان وزحمة العيد والفلوس ح تطير عليك ,,, الله يسهل علينا

[ظل القمر 22]

مساء الخير ..كيفكم يابنات
انا بكريه في نهاية الشهر الرابع ومعايا مغص يروح يجي موعدي اليوم مع الدكتوره كشفت على نبض الجنين الحمدلله سليم قالتلي لازم افحصك من تحت انا وقتها جاتني فجعه ومارضيت قالت يمكن الرحم عندك مفتوح ولا عندك تهديد ولادة مبكره لاني عندي التهاب في البول وسوت لي تحليل مزرعة بول
مره تحسفت اني ماخليتها تكشف عليا من تحت قلقت مره ياليت اللي تعرف شي او خلفيه عن ذا لموضوع ترد عليا ضروري الله يسعدكم ويسهل لكل حامل ولادتها ويفرج همها يارب

[حرم الشريف]

يامساء الراحة ياظل القمر ..
تمام ربي يطمنك ع حالك أكتر وأكتر ..
والله يا عسل انا بكرية ودوبي داخلة التاسع وماعندي خلفية بس اللي اشوفو انك تراجعي دكتورتك من تاني عشان تطمِني نفسك أكتر وربنا يكرمك بمثل دعواتك الطيّبة يا عسل .

[ظل القمر 22]

حرم الشريف الله يريح قلبك ويهون عليكي ساعة الولاده وتقومي بالف سلامه وتشوفي نونتك بصحه وعافي يارب....

[غنوجهـ]

ام عبد الرحمن ....
مشكوووره ,,بس انا الدكتور قالي الولاده على 2 الحج ..
انا توقعت انو زايدني عشره اياام.. بمعنى انو ماهو حاسبلي اي يوم من شهر صفر..

[ام رتيل]

هلابنات صباح الخير
ظل القمر احتمال الالم من الالتهاب انت بس حاولي ماتتحركي الا للظروره الله يتمم لك على خير

[Dndon love]

مراحب ياحلوووين
انا كمانمن جده ودي تاني مشاركه ليا
بس حابه استفسر
سويت البعد الرباعي مرتين عند د اسامه عبد الغني بعرفان
كل شي كويس والحمدلله
المره الاولى في الثالث وقالي انه نو مبين جنس المولود بس احتمال عروسه واكدلي في الشهر الخامس وقال ان شاءالله بنووته ١٠٠٪
بس حابه اعرف انه هل البعد الرباعي في احتمال الخطآ ولو في كم بالمئه عشان ان مرره متحمسه انها بنت
كل الي يجيبه ربنا خير واهم شي بيبي كامل ومتعافي
بس عشان عندي من زوجي الثاني ولدين وهو نفسه في بنت
وروحت لنفس الدكتور في ولدي الثاني لمن كنت حامل وقال ولد والحمدلله طلع ولد وبيبي كامل ومتعافي
وحابه اسآل اذا في شي تاني ممكن اسويه واتاكد انها بنت انا الى الان ماشتريت غير بس ٣ بربتوزات بناتي لاني خايفه اشتري
شي كمان انا ملاحظه انه بطني مرره صغيره كون اني في منتصف السادس
وماشالله البيبي حركته جدا نشطه رغم انه الين الخامس وماكنت احس بحركه غير في النادر جدا وكنت خايفه بس الدكتور طمآني يعني بس حابه اعرف ممكن البيبي يكوون حجمه صغير عن الطبيعي لان هذه اصغر بطن حملت بيها وانا عندي ٤ من قبل الله يحفظهم
اسفه ياحلوووين طولت عليكم

[أم عبدالرحمن السلفية]

غنوجة لا البكريه عادة بتولد وقد خلصت التاسع تماما .. لكن حسب التبويض عندك ,, يعني ايام الدورة ست وبعدها تبويض فيكون عمر الحمل من مسكت البويضه معاك . و يمكن التبويض عندك متأخر عني الله أعلم . في كل الحالات انا تقريبا الولادة وسط ذو القعدة لكن ما أقدر أجزم بأي يوم ,

دندون لوف :

اذا سويتي رباعي ان شاء الله النتيجه مضبوطة بنية ,,, وحكاية البطن الصغيرة حتى انا مو مبين وحدة قالت ليش انتي حامل ؟؟!!
المهم في الموضوع اني بكرية ,, ومافي بطن الحمد لله على كل شيء .

[أم عبدالرحمن السلفية]

صباح الخير الساعة 11 ومحد صاحي ؟ اش الكسل هذا

قوموا خلاص نوم عوافي ,
يلا نظفوا البيت و جهزوا الغداء قومو خميس اليوم استشوروا شعركم من بدري يمكن تنطفي الكهرباء كخخخخخ فاصلة من الصبح

[سيدة الجمال]

مساء الخير ..
كيفكم حبيباتي ...
انا كمان من جده حامل وبكريه وماعندي اي خلفيه عن الحمل والولاده سجلت امس بالمنتدى حتى ناخد خبره من اصحابها
حبيت اساال سؤال مره محيرني ؟؟
انا لي كم يوم داخله بالخامس واحس البيبي باسفل بطني بس وحتى لو تحرك يتحرك على الجوانب بس برضو اسفل
هذا طبيعي ولا في شي ؟؟؟؟
طمنوني يجزاكم الله الف خير