تجمع حوامل ليبيا

[نسرينا]

اهلين تيمو الغالية
اني الحمد لله بخير
وبالنسبة للصقع تعرف مش هداكا الصقع متع زمان ولا مطر ولا شيء يعني الصبح الجو بارد شوية ، بس الظهر والعشية الجو عادي تقول يوم صيف بارد ..
تعرفي والله تقلقنا من لبس الصيف ،، يا حسرة علي ايام الشتي والصقع والبالطوات .

[تيمو ليبيا]

ايه والهي صدقتي اني نموت في لبس الشتي انزك واحلا شتي بصفه عامه انحبه نبدا نستنا فيه وشوفي حظ جت عيشتي في بلاد متعرفش الشتي بكل مطر طول السنه ومن غير صقع حمدالله شني بندير ال يبي الورد ياحنا هههه

[نسرينا]

هههههههههههههه
عندك حق لبس الشتي روووعة بس الثلاثة سنوات الاخيرة سبحان الله لا شتي ولا مطر ، تعرفي اني في الحوش في الظهر مصيفة وفي الليل مشتية هههههههه راجلي يضحك عليا ، يقولي خيرك توا تمرضي ...
المهم قوليلي ، اماليك وين يسكنوا ؟؟؟ وقداش عندك خوات وخوت ؟؟؟؟


.

[تيمو ليبيا]

هههه عنده الحق اني اماليا في السراج يسكنو حوش بابا واحني زوز بنات وزرز ولاد اني تانيه خوي اكبر مني متزوج وعنده بنت و ولد وانتو حوشكم وين تقريبا بحداكم هما جيران قلتي وقداش وخيا و وخي انتو

[ام اسيل]

صباح الخيرات

نسرينا شكله الشركة متاعك زايطةتخشي وتهدرزي(وحدة تنق) كان بكرة لقيتي شغل لفوق راسك معناهامن ام اسيل وقولينا شن شغلك في الشركة
يابنات شن رايكن كل وحدة تقول من ايش متخرجة

تيمو ليبيا كيف حالك عندك حق احلى حاجة الشتا ولبس الشتا

ليبيا قلبي وينك يابنتي مش باينة

صابرة
ميرنا
اميسر
طمنونا عليكم

عيون ان شاء الله حمادي مش مريض طمنينا عليك

[تيمو ليبيا]

صباح الورد ام اسيل شني جو المدرسه واكيد تروحي اخر وحده ولا تزرقي قبلهم هههه

[ღॐ آية ღॐ]

بارك الله فيك نسرينا على الدعوات الحلوة وربي يتقبل منك
وينولك الي في بالك يا كريم...

[نسرينا]

مراحب بالغاليات

حرام عليك يا ام اسيل ليه عليك ، قل اعوذ برب الفلق ...
واني نشتغل في الادارة ادارية يعني .

تيمو

احني نسكنو في عين زاره ، طبعا حوشي وحس اماليا جنب بعض ..
احني 4 اولاد و 3 بنات
زوز اولاد متزوجين واحد عنده بنت و واحد عنده وليد وبنت
وزوز بنات اني واختي اختي عندها بنت و3 اولاد

ربي يحفظهم اجمعين

.

[عيون زوجي]

السلاااام عليكم
كيف حالكم يا شمايتيات
مشمتات في دورتي
مش مهم احنا نقدروا ناكلوا من فوق لفوق
مش لازم التخمه زيكم
احنا نبوا الرشاااااااااااقه
هههههههههههههههههههههههههههههههه
كيف حالكم يا غاليات
انا دورتي غدوة تكمل انشاءالله

[عيون زوجي]

ام اسيل ..نسرينا...ايه..لولي..تيمو..ليبيا قلبي
كيف حالكم وشن الاجواء عندكم
حبل الوصل لاباس على اوخيتك
ايه..يارب تكملي شهرك بلا زياده ولانقصان
راجيه..يارب نسمعوا اعليك الاخبار الزينه
ميمونه..غطستي نسرينا معاها حق شكلك سمعتي بالماكله يا كليتي الراجل يا كلاك
ههههههههههه ربي يعطيك الحمل العاجل يارب
سورينام حبيبه قلبي...وينك انشاءالله المانع خير
والا شكله راجلك دارها حق وسكر الاشتراك متاع النت
وانتي سكرتي راسك وطلعتي من الحوش
هههههههههه // تفسيرات جاهزة
نسرينا...تو انحرش فيك مديرك تستعملي في النت خارج نطاق العمل
حي اعليك وتي روحك للتكشيخ هههههههههههه
بنق زي ام اسيل
تيمو ...افتكيتي من الصقع
الصقع متعب يلي عندهم صغار
شوفيني نطلع اشويه حتى لحوش عزوزتي اصغاري يمرضوا
الصيف والنو احسن شي للصغار
ام الصبيان وبوسي الله سهفتوني تحكوا على باريس
محط انظار العالم وحلمي ازورها
لما كنت في المانيا سكنت في بون مسافه ساعتين على فرنسا بالقطار
كان زوجي مواعدني نمشوا اسبوع لفرنسا
بس الحمل والرزن منعني
الله غالب انضحوا من حد الصغار في بطونا
ام سعد وايه ما حكيتوش...
وين تبنوا؟
وقداش مساحة الحوش؟
وقداش دار؟
وكم كلفكم؟
وقداش اخدي من وقت؟
وايهم احسن تعطي الحوش لشركة وهي تسلمه في موعد معين ولا الواحد يبني ويشرف بروحه عالمقاولين
هيا جاوبوا..........