دردشة بنات فلسطين , دردشة حوامل فلسطين , تجمع بنات فلسطين

حواء مثالية · 06-14-2013, 10:31 AM

الله يسعد صباحكم يا رب

اه حلا انا وام عبدالله بعدك عطول الله يتمملنا على خير

احساس منورة

احساس أنثى · 06-14-2013, 10:33 AM

هلا حلااااا

والله من مبلرح بالليل سبت الحِمل كلو ع حماتي
الله يعطيها الصحه اخدت زوزو ونيمتو وكل شوي كانت تطل عليا عشان السخونه
واليوم هيني متل ماانا مرميه دوووخه وجسمي مكسر حاسه حالي مش قادره اقف ع رجليا

يعني ماعندي مشاريع تعبااانه ومخنوقه زي حلاتك :)

احساس أنثى · 06-14-2013, 10:54 AM

نورك حواء
كيفك انتي خفيتي !! ان شالله

حواء مثالية · 06-14-2013, 11:07 AM

اهون شوي مو كثير بس بعدني بعاني

الله يخفف عنك يا احساس روحي على الدكتور مو كويس عشان حملك

حلا الماس · 06-14-2013, 11:11 AM

إحساس
حبيبتي سلامتك يا رب ... السخونة مش منيحة عشانك وعشان البيبي كمان
أزا فيكي تروحي عالطوارئ تأكدي إبرة أو دوا بلكي بتخفي وبتتحسني ... سلامتك

ااااااااااااه انا من مبارح مش عارفة مالي بس بدي أضل اعيط مع انو مش زعلانة من اشي ولا في شي مدايقني :( ... حاسة ضلاعي بتوجعني وصدري كمان وفي شي كاتم على نفسي أخ يا بنات حاسة بحالة اكتئاب صايبتني من الملل شكلو بس بدي أضل لحالي وأعيط يترك ولادي لحالهم وبروح على غرفتي وصايرة مش متحملة حالي ... :(

احساس أنثى · 06-14-2013, 11:16 AM

الله يسلمكم صباياً
اخدت حبة اكامول تحسنت عليها شوي باقي وجع اللوز

حلااااا
يمكن مع الحمل احيانا بتجيه الواحد هيك نوبات :)

حواء
الحمد لله انك احسن وبرلنت كيفها طلعت سنوناتها ؟

احساس أنثى · 06-14-2013, 01:21 PM

تحممت وانا قاعده ع البانييييو خايفه اقع من طولي :)

خلص سيبوكو من سيرة التعب
شو طاااااابخين !

احنا عاملين صينية دجاج بالخضار
تفضلو

حواء مثالية · 06-14-2013, 02:07 PM

نحنا عاملين مفتووووووول

اي احساس برلنت طلعت السن الخامس والسادس على الطريق ما شاءالله الله يعينها على هالفترة

احساس أنثى · 06-14-2013, 03:04 PM

صحتييييين حواااااء
زاكي المفتول ابعتيلي صحن :) بس يكون عليه قرع وبندوره هههههههه
شحاد وبتشرط / احنا بنفضلو بايام الشتا اكتر لانو بيشرب الواحد بعدو ميه ليوم الميه

ماشالله عليها برلنت اكيد هادول النياب بقولو بتعبو زوزو لسى 4 اسنان

جااااااااره
تعي طمنينا عنك شو قلك الدكتور يمكن من اللوز لانو انا كمان جسمس مكسر

عيون المها
اكيد نسيتنا مع قري الاهل الله يبسطك

ام جودي
شكلها بتقدم امتحانات موققه ياري

حيفاااااا
وينك غايبه عنا عسى المانع خير

بيبو
اين انتي كل هاد ابنك ملهيكي ربي يخليلك اياه طلع سنوناتو !

عسوله
تعي طمنينا عن حملك كم سارلك ياحلوه

ام عبد الله
مست علينا ميارح ومارجعت !!

هبوووش
كمان عندك امتحانات وبعدها بحث تخرج ربي يوفقك

ام عزمي
نسيتنا خالص يلي وعدتنا تضلها تطل علينا

بينك روز
شو اخبارك سكنتي بيتك الجديد !! ان شالله تشوفي ع وشو الخير يارب

لولو الفلسطينيه/ وام مروان / دودو
شكلكم ولدتو بالسلامه تعو طمنونا

لولو حماده
عملتو فيس ومابتطلي علينا هون !!

دموع الليل
يسعد مساكي وين ماكنتي

ونبض قلب
اعتقد زمان خلصو الاسلاميه امتحانات !! لانو نظامهم زي المدارس

فوفوووو
مابينتي اليوم مش عوايدك!

حلا
تطمنا عليكي بس بدي اسالك خلصت دهان ! يمكن محنوقه من الريحه

غموووووووض
كيفك ان شالله الوحام خف !

انبثاااااقه
شو اخبارك ياغايب عنا ماتسأل ......... تعالي كمليها :)

ان شالله مااكون نسيت حد
بحببببببكم في الله من كل قلبي يااحلى خوات :)

حواء مثالية · 06-14-2013, 03:09 PM

حبيبتي اساس برلنت هدول اول سنين من فوق لانه الاربعة طلعتهم من تحت

بدي اخد دش وارجعلكم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات فلسطين, دردشة حوامل فلسطين, تجمع بنات فلسطين	سماسم	إستفسارات حوامل من الشهر السابع إلى الشهر التاسع	22928	03-27-2013 08:07 PM
السياحة في فلسطين قمة من الجمال 2012 , صور من مدينة نابلس في فلسطين الرائعة 2013	خليجية وافتخر	المـنـتـدى الـعـام	0	06-10-2012 07:46 PM
فلسطين الحبيبة نابلس المتميزة 2013 - صور سياحية من فلسطين 2012 - السياحة فى فلسطين 20	خليجية وافتخر	المـنـتـدى الـعـام	0	06-04-2012 06:17 PM
فلسطين الجميلة 2013 - صور فلسطين الحبيبة 2012 - معالم سياحية فى فلسطين الحبيبة 2013	خليجية وافتخر	المـنـتـدى الـعـام	0	06-01-2012 09:00 PM
دردشة حوامل اهل فلسطين الغاليات ^_^	* ام لؤي *	إستفسارات حوامل من الشهر السابع إلى الشهر التاسع	2433	01-02-2012 09:14 PM