تجمع سيدات ليبيا الغاليات..

[جوهرة ليبيا]

هدهد وينك ياغاليه تعالي طمنينا عليك

ويااااااااااااارب اتكونوا بخير وان شاء الله ماتقيسيش في غلاك لانه كبير وتشغلي فينا عليك


فروسه وشموسه واثوره وسوسو وام معاذ وينكم

جنوده وامول وام نوزه وام نرجوسه اختفااااااااااء تام

[هدية الخالق]

السلام عليكم ورحمة الله وبركاته
كيف حالكم ياغاليات ليكم وحشة
اليوم جتني الدورة عذاااب منموت من الالم وزايدتني علي حالي الانسة سما ماترقدش الابالشد فوق ونلف بيها ماشية جاية قسما بالله قبل شوية كنت نلود بيها ونبكي بدموعي نحس في ضهرس وبطني خلاااااص وهي سلامتها ارزينة هلكتني وتلات مرات ترقد ولما نحطها تنوض تعيط باعلي صوتها تبي طول فترة النوم تقضيها علي أكتافي بكل ثقه!!!
وهذا كله متحملته لاني نبيها ترقد مش نرقد معاها في الاخير مليت وتكسرت حطيتها قتلها قعمزي في الوطا تنازلت عا لنوم مانبيشي كان بترقدي بروحك باهي كان هذا تريحي وريحيني وا توا قعمزت شوية نكتبلكم جت تشح فيا وقلبت الدنيا بالعياط نضت بالسيف زي المراة الطيبةوخلاص ههههههههه توا اني شادتها ونعكز مش قادرة حتي نمشي زين وهي منسجمة اخر انسجام لا وزيادة تنتش فيا مر مرة ااااااااااه الصبر وبس

[هدية الخالق]

اهلين جيجي الله يسلمك وبارك الله فيك وفي كل البنات ماتقصرو ش
والله الا حاسبتكم زي خواتي واعز هذا ليش لمت عليكم وكان ماتعزوش عليا مادورتكم ولا لمتكم

[جوهرة ليبيا]

تصبحوا علي كل خير ياااااارب

ليلتكم اسعد من السعاده واحلي من الحلو

استودعكم بالله الذي لا تضيع ودائعه

[جوهرة ليبيا]

اهلين هدهد ربيي يعطيك صحيحتك ويصبرك حاولي تقري علي مواضع علي تصرفات الاطفال والتعامل مع سما ممكن تفيد والله اعلم

علي قد امورتي منحبها وحتي زهاء بنت وسونه بس راحتكم تهمني ربي يصبركم ويعينكم والف لاباس عليك

[هدية الخالق]

الله يسلمك جيجي امين ربي يصبرنا وخلاص والله ماينفع معاها حاجة كلا بنتي دلعها بوها وخدت عالدلع معاش قدرت نسيطر عليها اللي تبيه انفذوه واحني ساكتين وخلاص
امبارح بوها رقاله منها قالي خليها معاش ادوريها تسكت بروحها قتله شن الفايدة بعد علمتها توا جاي بتغيرها مايصيرش منها

[جوهرة ليبيا]

فعلا هدهد العيل علي شن تعود بس حاولي معاها بشوي شوي ومتأسيش خليك تحاول فتره خير ماتقعدي هكي

وربي يعينك حبوبه

[هدية الخالق]

تعرفوا صح كنت مانبيش نحمل ومش مخططين بكل لكن لما جت الدورة حسيت بشعور مش عارفة كيف امتاع خاطري وماخاطريش نحمل ههههههه
حتي راجلي قبل مايبيش لكن توا حسيته تعلق بالموضوع كأنه صار حقه مش مجرد شك

[هدية الخالق]

المشاركة الأصلية كتبت بواسطة جوهرة ليبيا

فعلا هدهد العيل علي شن تعود بس حاولي معاها بشوي شوي ومتأسيش خليك تحاول فتره خير ماتقعدي هكي

وربي يعينك حبوبه

إن شاء الله يا جيجي تو نحاول بارك الله فيك
الله يصبرني #ليها وبس

[جوهرة ليبيا]

الاموره الصغيرونه جمونتي رقدت ربي يحفظها

بنخش نرقد تعباانه انحس في روحي

بنحاول غدوه باذن الله انشوف دكتوره اديرلي كشف مع ان دكتورتي طمنتني علي رحمي بس غياب الدورة ومره مره نقطه وسودا مضايقني

مع ان في رنوده قعدت اتجيني الدورة وبانتظام وربي يسهل الامور


تصبحوا علي كل خير