دردشة حوامل مصر - دردشة بنات مصر - تجمع حوامل مصر ‏

somia · 05-31-2011, 11:49 AM

ايه عملتي ايه في الامتحان؟؟؟
دودي ازيك وازي الاستاذ عمر ؟؟ خير هتوديه للدكتور ليه يا بنتي؟؟؟

somia · 05-31-2011, 12:03 PM

إتنين طرش واقفين على محطة الأوتوبيس فدار بينهم هذا الحوار

-الأوتوبيس ده رايح مصر الجديدة ؟؟
-إيه ؟ على الحديدة ؟؟ليه إنت طالب إحسان ؟؟
-بذرة الكتان ؟تلاقيها عند العطار
-الجزار ! إنت عاوز لحمة ؟؟
-زحمة ؟! معلش أصل ده معاد خروج الموظفين
-نور الدين ؟! معرفوش
-متشربوش ؟؟ ليه كفا الله الشر
-راس البر ! دا مصيف هادي
-المعادي ؟؟ دى منطقة جميلة
-بليلة !!! إنت جعان
-عيان ؟؟ متروح للدكتور
-حنطور ؟!! دي مواصلة جميلة توصلك لحاد الباب
-هباب ! و أنا إلى كنت فاكرك محترم
-إتخرم ؟؟ هو مين ؟؟
-أسبرين ؟؟ ليه إنت عنك صداع ؟؟
-قراع ؟ دا مرض خطير
-فطير ؟؟ده تقيل على المعدة و تمنه غالي
-خالي ؟؟ إنت تعرفه ؟؟ دا كبير فى السن
-جن ؟!إنت راكبك عفريت !!!!
-كبريت ؟ عاوز تولع ؟؟
-أتدلع ؟؟؟؟!ليه مفيش حد غيرك أتدلع عليه
فمر بيهم راجل شرطة لقاهم بيتخانقوا فقالهم : واقفين هنا بتعملوا إيه ؟
قالولوا مستنيين الإوتوبيس
فقالهم : يانهاركم إسود . جواسيس ؟؟ طب تعالوا معايا على القسم

somia · 05-31-2011, 12:06 PM

انتوا رحتوا فيييييييييييييييييين؟؟؟

دودى اشرف · 05-31-2011, 12:08 PM

سمية .. لولو الحمدلله كويسة اه يا لولو والله وديته بليل لانى كنت قلقانة عليه والله وكحته يا حبيبى كانت وحشىة وكان بيخضنى وهو بيكح وفى كل مرة بيكح كان زى ما يكون شرقان كده فالحمدلله الدكتورة ادته اعشاب للكحة ونقط لمناخيره علشان الرشح وخافض حرارة والحمدلله لاقيت مفيش حرارة عنده تسلمى يا رب يا قمر على سؤال .. انتى حماده العسل عامل ايه ؟؟

حبيبتى سمية تسلمى عمر كان عنده برده يا روحى بقاله 3 ايام ووديته امبارح للدكتور لما لاقيته طول عليه والحمدلله هو نايم بس حاسة انه الحمدلله احسن انهارده تسلمى يارب يا قمر وانتى ازى الدكتورة عائشة ؟؟

دودى اشرف · 05-31-2011, 12:10 PM

هههههههههههههههههههههههههههههههههههههههههههههه حلوة اوى يا سمية دى

دودى اشرف · 05-31-2011, 12:11 PM

الوووووووووووووز .. اين انتم يا جوووووووم

dr.princess · 05-31-2011, 12:13 PM

الحمدلله يا دودى ان شاء الله يكمل شفائه على خير
انا حرمت خلاص لانى اتأخرت على ما كشفت على محمد علشان كده قلتلك روحى اكشفى عليه

محمد الحمدلله كويس
باباه جابله امبارح ناموسية لانه ياقلبى كان متبهدل من الناموس والذباب بيجوله مخصوص ويفضلوا يقرفوا فيه

dr.princess · 05-31-2011, 12:14 PM

هههههههههههههههههههههههه حلوة النكت دى يا سمية

دودى اشرف · 05-31-2011, 12:16 PM

يا حبيبى ... انا برضه كنت جايباه وانا بشترى الحاجة لانى عارفة الذباب بتاع مصر بقى يقرف .. فاكانت مريحانى جدا هناك بصراحة الشهرين دول وجبتها معايا وشلتها

somia · 05-31-2011, 12:21 PM

الانسة عائشة الحمد لله كويسة بس تعبت مني الصبح قوي بس الحمد لله تعالى الوقتي بقت أحسن

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تعالوا شوفوا ازواج منتدى حوامل جبتها لكم وانا قدهاا	فداك عمري يازوجي	ملتقى عضوات حوامل	22	10-19-2011 10:02 PM
مشدات حوامل,ازياء حوامل,احذية حوامل موضة 2010	ايلاف	الموضة و الجمال	12	05-19-2011 11:50 PM
لكل حوامل التوائم ضرووووووري تعالوا هنا	أم الحلوات	منتدى أنواع الحمل	8	12-01-2010 01:31 AM
حوامل الشهر التاسع تعالوا حبايبي	الأمل الساطع	إستفسارات حوامل من الشهر السابع إلى الشهر التاسع	1	09-22-2010 08:12 PM