.·¤ تجمع الحوامل اللي ولادتهم في محرم¤·.

[Marawy]

بنت تبوك ،،
حي هالطله ،، ربي يعطيج الصحه والعافيه ولا تطولين علينا ،،


غايتي الجنه ،،
ربي يسهل علينا الولاده ومانحتاج ابرة الظهر ولا القيصري ،، من شوي اسولف مع بنت خالتي اخذتها بولادتها تقول مافي اي اعراض لها ولا تحس بشي ،، بنتها الحين عمرها فوق ال 7 سنوات تقريبا ،،

[Marawy]

ام اسكندر ،،
فعلا ابرة الظهر نفسها ابرة القيصري لانها تنعطى بنفس الموضع ،، لو المستشفى اللي اولد فيه يعطوني الابره راح استخير ان شاء الله ،، وربي يعين اي حامل على وجه ولاده ،، كلهم اجرهم واحد سواء طبيعي او قيصري ،،
وربي يرزقج الولاده الطبيعيه هالمره وتجين تبشريننا بولادتج طبيعي ،، بدون عمليه ولا هم يحزنون ،،

[Marawy]

مشاعل ،،
هذي دوالي اللي طالعه لج ،، ادهني جسمج بخل التفاح ينفع للدوالي ،، ويقولون تروح بعد الولاده ،، في بالصيدليه جوارب خاصه للدوالي عشان تخففها ،، وحاولي ترفعين رجولج كل بين فتره والثانيه حتى بعد الولاده عشان يمشي الدم بجسمج بدل ما يتكدس وتطلع لج الدوالي ،،

[Marawy]

ام نور وحمود ،،
ماعليه شر ولدج ربي يحفظه ان شاء الله اجر وعافيه ،، كثري له من الموز سواء فاكهه او عصير ،،

[Marawy]

بنت الهيلا ،،
ربي يحفظ لج ولدج ،، وصج شعور حلو ،، مدري شنو يكون شعوري لما بس مجرد افكر بالولاده وافكر بهاللحظه ،، واوقات اقول شكله ما راح يجيني نوم من الوناسه هههههه وكأني طفل وشاريين له لعبه ،، ربي لا يحرمنا من هاللحظه ونشوف نونواتنا وهم يصيحون في طلعتهم ونسمع اصوات النيرسات يقولون لنا مبروك مبروك ،، ،، يالله شي حلو ،،

[جنان الورد]

مراوي
واني مثلك مشتاقه للحطة اللي يجي ولدي للدنيا واشوفه بعد انتظار 6 سنين مع المعاناة ويملي حياتي وحياة ابوة بالسعادة وينور لنا بيتنا بالفرح والبهجة والضحكة اخ متى بس احسب اليوم بيوم باقي 3 شهور و3 اسابيع على موعد ولادتي

[روعة النسيان]

اللهم إني أسالك بعزتك وقدرتك وعظيم سلطانك أن تقر عيني وأعين أخواتي برؤيت أطفالنا سليمين معافين من كل شر وتعيننا على حسن تربيتهم وترزقنا صلاحهم وبرهم وأجعلهم سببا لدخولنا الجنه
أمييييييين يارب العالمين

[Mishael]

امييين يارب العالمييين تفرح قلوبنا يارب ،،مشكوره مراوي ماقصرتي فديتك ،
بنات بسألكم جد لما الوحده تتوحم على شي ومايحقق لها يطلع لنونو شامه جدتي قالتلي وخفت
وعلى فكره تقولي احرصي عالجرجير يجمل الطفل وينعم بشرتك وماتسمرين وقت الحمل ماادري صدق او لا

[روعة النسيان]

هلا مشاعل ماتوقع أنه فعلا اذا توحمتي على شي يطلع في النونو
بس من ناحيت الجرجير هو مفيد للحرمه بقوة اقري بس فوايدة
ممكن يساعد انك ماتسمرين

[ام اسكندر]

لو تعلم المرأة فوائد الجرجير لزرعته تحت السرير


بس يقولو هالمثل له معنى اخر
لان الجرجير مقوي للرجل من ناحية ..... ^_^