تجمع حوامل ليبيا

[لولى2010]

حبل الوصل كيف حالك وحال اختك شن صار فى العمليه امتاعه

[لولى2010]

ايه حتى انا عشان هكى لان فرح سلفى فى 9 انت قاعده تحكى هى عطينى الوصفه وانت كم وزنك تو وقبل الحمل يا مربربه ههههههههههههه

[عيون زوجي]

هلا حبل الوصل كيف حالك
احنا زعلانين منك
لو خشت ام اسيل او ميرنا
طول تخشي وتكتبي مشاركتك
واحنا مش معدله اعلينا بكل
باهي باهي

[عيون زوجي]

هههههههههههههههههههههههههههههههه
ههههههههههههههههههه
انا مربرة
وجوي مش عادي في القن قن
بس لازم ننقص اشويه باش يطلع السواريه حلوووووو
ام الروبات والعربي صقع اعليك
ميه ميه

[عيون زوجي]

بنسئلك لولي
والسؤال للجميع

[عيون زوجي]

شن احسن مانع انديره
لاني لليوم مش مدايرة شي
والطبيعي لا اثق فيه بتاتا
ناخد حبوب ولا ندير لولب

[لولى2010]

ايه تفضلى بس جوبي ع الوزن هههههههههههههههه

[لولى2010]

انا والله ناخد فى حبوب منع حمل للرضاعه اسمهن سيرزات ايه الطبيعى مش مضمون وراجلك ممكن مايوافقش وما يسير شي من الوجبه ع قول نسرينا ههههههههههههههههههههههههههههههههههههههههههه

[حبل الوصل]

انا كويسة الله يسلمكم واختى حالها باهى توة دارت عملية استئصال للرحم حشاكم ومازال عملية الرجل بس حالها احسن الحمد لله وصغار اختى توة ماشاءالله عليهم وان شاءالله الاسبوع الجاي يروحو من طرابلس عيون والله مش هكى الحكاية انى نخش ونحكى ومانلقاش حد متفاعل معاي معادش نحكى وبعدين انا كنت في طرابلس الايام اللي فاتو وروحت يوم السبت وخشيت قبل ماتخش ام اسيل والله ماعندى فضوة زى قبل مش عارفة ليش ومن يوم مرضت معادش نشطت زى قبل ادعولى بالشفاء والله حتى الراجل قالى وليتى نكدية وتغيرتى واجد والناس كلهم ملاحضين كنت مفرفشة وبشوشة وتوة مش زى قبل الله غالب ربي يجيب الشفاء

[حبل الوصل]

بالنسبة ليا انى المانع جربتهم كلهم ركبت اللولب في مصر ومامشاش معاى لانى رفعت الرزن وتحول من مكانه حتى الراجل قلق منه ههههههههه بدى ينخص فيه وبعدها حولته وحملت بعمر وجربت الحبوب وبعدها معادش حملت خديت حبوب ديان مايعصبوش بس ينفخو في الجسم