تجمع حوامل المدينة المنورة

[الاموره رغد]

اهلين مدام الهام كيفك وين هالغيبه بكره انشالله عندي موعد وراح تشوف نسبة الدم تغيرت اولا انشالله تكون مرتفعه او لا واشوف ايش راح تقولوعلى فكره هي زادة حبوب الحديد الا حبتين باليوم وانا مستمره على الزبيب اليمني والعسل الاسود والفواكه المفيده وانشالله اطلع بفايده 0000000اما الشغاله للحين والله جالسه الدور كلمة كذا وحده وراح يردولي خبر هاليومين مع اني مرررره محتاجتها وال مجنني اكثر الم اسناني بشكل لايطاااااااااق تخيلي الفجررر رحت المستشفى المواساة ابي حل ابره او مسكن او اي شي وتركة اولادي نايمين بالبيت بس نعمه انو بيتي قريب شوي من المستشفى المهم اعطوني بخاخ مخدر بس ريحني كثيرررررر 000000000 يارب تسهل علينا ونولد ونقوم بالسلامه ونرتااااح بعد هالتعب يااااااااااااااارب

[الاموره رغد]

بنااااااااااات ابي اسئلكم تحليل الدم لازم اروح لهم الصباح واكون صايمه ولا عادي باي وقت

[Ro0o0o0z]

اهليين خيتووو الاموره رغد الله يعينك على وجع اسنانك وكمان تعب الحمل الله يتمم على خير ويسهلك حبيبتي

با النسبه لتحليل الدم انا افضل اروووح الصباح صايمه ممكن ترووحي وانتي فاطره عاادي بس الاحسن والادق وانتي صايمه
انا ما اسوي تحليل لازم اكون صايمه مشان يكون التحليل ادق واحسن با النسبه لي
والله يوفق الجميييييع
تحياتي حبيبتي000

[الاموره رغد]

يسلمووووووووووووو يا roooooooooooooooz

[Ro0o0o0z]

اهلييين حبيباتي كروشاات المدينه

واخير راح انزل برنامج النفاس يلاه نبدا با العد التناااازلي
5

4

3

2

1
دعواتكم يا حلويييين

[Ro0o0o0z]

السلام عليكم ..

هذا جدول للنفاس مجرب و النتيجة مضمونة ..

الأغراض اللي تحتاجينها للنفاس مو كثيرة
و هذا سر النفاس الناجح ..
طبعا ما أنصح بقهوة النفاس اللي تاخذونها من العطارين و بعض الحريم اللي مو موثوق منهم لأنها تحوي الشبه و العفص و الصك و اللك اللي يزينك شوي و تخربين بعدين ..
أغراض نفاسك بتكون /

حلبة غير مطحونة و حلبة مطحونة (راح اقولك ليش) و أحسن حلبة حلبة القصيم لا تجيبون يمنية و مدري ويش بحكم ان ريحتها أخف ترا أحسن نوع هو حق القصيم ..

كمون حب .. يانسون حب .. مرة للشمم كسرة منقوعة بمويه .. زنجبيل .. رشاد حب .. دباغ ( أرطى ) أعواد من العطار لا تطحنينه و قشر رمان مجفف مطحون ( يفضل أنتي تنظفينه و تجففينه و تطحنينه أنظف من حق العطار المغبر )
بس ..
هذي الأغراض ..
طبعا أول عشرين يوم لازم تلهمين في هالحلبة سواء المطحونة ( تخلطينها بمرق لحم أو دجاج مع فلفل أسود ) و تشربينها و المرقة حارة تفيد العظام و تخيط الجرح ..
و الحلبة الغير مطحونة تحطين منها ملعقة كبيرة مسح ببيالة و تصبين عليها ماء مغلي لين نصف البيالة و تدخلينها بالثلاجة بعد تغطية البيالة بكلاد عشان لا تنتشر الريحة بالثلاجة و من بكرا الصبح تسوين لك مراصيع أو مصابيب ببصل و فلفل أسود و شوي سمن لا تكثرين و تطلعين البيالة حقت الحلبة تلقين مويتها راحت شربتها الحلبة و تحطين الحلبة بروحها بعد تصفيتها من باقي الماء بابريق مخصص لهالشغلة و تصبين عليه كاسة حليب و تغلينه مع الحلبة و تصفينه و تحلينه بملعقة كبيرة عسل .. و يمي على الطعم و الله حلو مرة و هالطريقة يسوونها أخواتنا السودانيات و تقضي على مرارة الحلبة بس مثل ما قلت لازم حلبة مطحونة مع مرق اللحم ( مالكم عنها غناة ) و كذلك مع الحليب ..

بالنسبة لشراب الكمون و الزنجبيل و اليانسون و القرفة هذي مرتين باليوم بعد الوجبات و القرفة وقت اللزوم اذا شفتي الدم انحبس خذيها لأنها تدر الدم ..
و الرشاد آخر عشرين يوم تسفين نصف فنجال و تتبعينه بمرق لحم عشان يلين البطن أو تعبطينه في تمر بس مع المرق أحسن لأنه يمنع الامساك باذن الله ..

و الرشاد ما ينوخذ ابد بأول عشرين يوم لأنه يزيد الدم فالطريقة الصح هي انك تاخذينه بعد العشرين الاولى يطلع البقايا المحتبسة ..
و الأكل كلي مرقوق بكوسة و فاصوليا فقط .. مع الحلبة و الفلفل الأسود و البصل .. هذا غداء ..
و مرق لحم أو دجاج هذا عشاء و سفي عليه الحلبة المطحونه أو اخلطيها به ..و عليك بالعافية اشربيه و هو حار ,,,
و القهوة سوي لك قهوة عادية بدون هيل و زعفران اطبخي القهوة و حطي بترمسك شوي يانسون مطحون و شوي كمون و شوي زنجبيل و صبي القهوة و تمتعي بالطعم و الله موب شينه و أحسن من الهيل ترا كثرته ماهي زينه للنفاس ..

ملاحظه؟؟؟
تجنبي الموز و البرتقال و الليمون و الباميه و القرع و الملوخية و الملوخية و الطماطم لأنها تسبب مويات و تخرب كل شغلك بنفاسك .. و لا تكثرين رز و شوفان كلي لكن لا تكثرين و لو اقتصرتي عالبر أحسن و عموما الطماطم حتى في أكلك إذا جيتي تطبخينه لا تحطين إلا شوي..

لا حد يرد000

[Ro0o0o0z]

يابناااات الحلبه الحلبه الحلبه مع الحلييييب جدا مفيد و مدرللحلييب للبيبي
طريقتها اغلي الماء بعد الغلي حطي فوقه الحليب اختي حطت 7ملاعق حليب بودره وغسلي الحلبه ماتكوون مطحووونه بكبارها وبس تغلي غليه بسيطه مو مرره تسيبوها تغلي ترووح الفااايده
بعدين صبيها في الثلاجه وخدي منها كوووب كل سااعه


معلومات عن الحلبه من كتاب الطب النبوى :-
اذا طبخت الحلبه بالماء ليّنت الحلق والصدر والبطن
وشرب ماؤها ازلق الامعاء
قال عنها الاطباء لو علم الناس منافعها
لاشتروها بوزنها ذهبا
وقال الرسول صلى الله عليه وسلم :-
((استشفوا بالحلبه)

وبعدين بعد ما الحلبه شربتيها با العاافيه عليكي
سويلك شراب منظف للرحم مكون من قشرالبن اللي هو القهوه في العطار ينبااع مع برش الزنجبيل الطازج مو البودره جدا كويس للرحم تنظفه
وهاادي كماان طريقه تاانيه لقهوة القشر
قهوه القشر المكونه من (قرفه + قشر + نخوه + يانسون _ زنجبيل )


اكلات النفاس
الفطووووووووووور0000
قبل الفطور سويلك كاسة حلبه من غيير اضافة حليب او أي شي حلبه سااده على الريق والله يابنات عن تجربه مدر للحليب ومنظف للرحم لا تقولي وزنك لحقه عليه بعد الاربعين المهم صحتك انتي والبيبي اووكي
كماان
البيض مع كاسة حليب با الحلبه وحطي فوق البيض رشة فلفل اسود
"عريكة بالسمن والعسل " عصيدة "
يقولو ممكن تاكلي المعصوب بس من غير موز
ايش تاااني امممممم
فطير على الصباح مع كاست حليب با الحلبه
ممكن سلطه بس ركزي على البقدونس لو تسوي تبوله لانها فيها نسبه كبيير من البقدونس وكماان مع الغداء سلطة تبوله
في الغداء000
راح تاكلي فلفل اسود والماش مرقة اللحم مع اضافة الفلفل الاسود المطحون وعن تجربه يابنات تحسينه سبحان الله ينزل دافي على صدرك ويدر الحليب وكمان يطرد الغازات وينظف الرحم
مرقوق ومرق دجاج او لحم مسلوق جنبه خضار
وممكن مطازيز مع اللحم جنبه صحن لوبياء
مقلقل لحم مع خبز بر
ممكن مشااوي خضار
جريش
واذا جعتي كلي ما تشتهي نفسك ألا الممنوعااااات
ركزي على اكل البر والشعبيات
العشاء000
سلطه –برتقال-اللوبياء الحمراء-المرقوق-هريسه-مشاوي اللحم-بيض مسلوق

المشروبات التي تهتم بها النفاس 000
القشر :السنوت :مشروب التمر الساخن :القرفة :الحليب بالزنجبيل : مشروب الحلبه
ومن الاشياء الهامه ايضا التمر على الفطووور والحليب المحلى بالعسل مع اقراص البر .

كمااان ممكن 00
نبداء صباحا بتمر مع رشاد وطريقة عمله
نضع زبده وتمر مفروم ونضع فوقه الرشادونحركه جيدا ككل ذلك على نار هاديه ثم نرفعه نكوره ثم نضع مقدار كل يوم لواحده والباقي نحتفظ به في الثلاجه لحين الحاجه هذا مع القهوه الصباحيه

الفريكه وهذى نستخدمه فطور
وهي خبزة بر نفركها بزبده وعسل ونضع عليه حلبه مطحونه وقليل من الرشاد
اهم شى العشرين يوم الاولى تكونين حريصه على الحلبه
الكمون لانستخدمه بكثره الا في اواخر الاربعين لنه يجفف
هدب الاثل نستخدمه لشمم وهي التهاب الجروح عند تعرضه لرائحة العطور
خشب الطلح وهوكبو تستخدمه النفاس كاقابض ويستعمل ليلا


عند الجوع جزر وبقدونس لان البقدونس ينزل الدم ولو سويتيه منقوع افضل والجزر مدر للحليب هو والبقدونس لو سوتيه سلطه او تاكليه من غير اضافاات كويس للحليب

واكثري من الورقيات لانها غنيه بالفيتامينات ومدره للحليب

مع الوجبات ضعي فلفل اسود بكميات مناسبه في كل اكلك لانه يدفي الصدر وكويس للرحم وممكن ماش مطحون اوتصلحينها شوربه ويفضل عدم الاكثار منه للي تخاف السمنه


باقي الغسول ..
من عاشر يوم من النفاس استخدمي غسول الأرطى مرة زين ..
طريقته تاخذين الأرطى ( مقدار قبضة يد من الأعواد ) و تحطينها بقدر و عليها لتر ماء و تغلينها مع شوي ملح خشن و ملعقة كبيرة مسح قشر رمان مطحون و بعد ما تغلي حطيها بالقيصرية طشت يوضع بالكرسي الافرنجي ( انتبهي لا تحطين الطشت بالأرض الجلوس عالأرض ممنوع لمدة شهر )
و خليه يدفى و تنقعي فيه لمدة عشر دقايق بس هاه ما أوصيك تنقعي فيه و هو دافي ترا البارد ما ينفعك يحوسك و يسبب لك بلاوي
با النسبه لي انا ماجربت الارطى جربت منقووع المر ممتااز


النظافة الشخصية لازم تغيير الفوط و بالنسبة للاستحمام لا تكثرين ترا يضرك و يحبس الدم .. أول ثلاث أيام خليك بس على غسل الجسم بشويش مجرد تمسيح و تشطيف على طول بعدين تروشي بالأسبوع مرتين و الاستشوار خليه بدورة المياه و ادهري في شعرك جففيه و تدفي قبل لا تطلعين و خلي لتروشك عشر دقايق بس شغل سريع و يؤدي الغرض مو تجلسين ساعة بالحمام و يلفحك الهواء و تبردين انتبهي ..
افضل فوووطه صحيه لما بعد الولاده لوتس وابعدي عن الاولويزات مو كويسه ابدا للولاده
ابتعدي عن الكلوتات النايلون وخدي الكلوتات الواسعه والقطنيه
والغسول الطبي ممكن سيتيال كويس

المره 00
تجهزين علبة مويه صغيره فيها محلول مره تشربين منه وانتي
في طريقك للمستشفى للولاده..واذا ولدتي تشربين منه علشان ريحة
العطور ممكن تسكر الرجم وتتعسر الولاده لاسمح الله والسبب هو الشمم..
لأنها تساعد بإذن الله في فتح الرحم بسرعه ويسر..والله الموفق.


ولا تنسي تربطي بطنك بقطعه من القماش القطني او با الشماغ زايد عندك عشااان الكروووشه وبعد الاربعين البسي مشد مع ريااضه بسيطه
طبع قبل لا تربطي بطنك ادهني بطنك با الفازلين اوي كريم طبي للتشققات

قبل النوم غسول البيتادين ثم مرهم البيتادين بعد كل غسله
با النسبه للغسول انا ما جربته ام المرهم فاختي جربت منه جدا كويس للمنطقه لانها مطهره ومعقمه للجرح لا تنسو اسم المرهم داه والله مرره كويس

نجي للبيبي 000
ممكن في تااني يوم تعطيه ينسون شوايه تحطيه با الرضاعه مع كسرة سكر نبات بسيط لا تكثري منه عشاان يتقبله ولو حسيته ممغوص وداه شي طبيعي راح يتمغص مغلى الكمون غسلي الكمون واغلي الماء وحطي الكمون على الماء المغلي وتركيه بس لا يبرد بس يسير دافي شواي اعطيه او ماء غريب بس مو مركز خففيه بشوية موايه
وطبع لا تنسي تدهني جسمه بزيت الزيتون كل 3 ايام مرخيه وبعد التمريخ راح ينام نومه ياسلام على النوومه بس بعد التمريخ لفيه با الكافوله عشاان يرتاح ويتلم جسمه
ولو طفلك معاه صفار عرضيه لاشعة الشمس الصباح جدا مفيداه وغير كداه مو بس للصفار كمان لعظامه كويس
وملاحظه جدا هامه؟؟؟
حبايبي لا تسمعي كلام الناس اللي تقووول لا تعطيه غير حليبك اكبر غلط داه الطفل في داه السن بطنه تحتاج تنظيف وكمان راح يتمغص بكتره واللي راح تريحو الاعشاب بس مو اي اعشاب اليانسون والكمون والبابونج
والكروايه المخفف لا تركزيه تجيبي اجل البيبي
لومعاه اسهال سواي الكراويه او الشمر واحد فيهم ولو معاه امساك اعطيه ينسون يلين البطن مع ملعقه صغير من العسل
والاهم والمهم الماء اعطيه في اليوم بس ملاعقتين صغيره من الماء
لا تهملو يابنات ولا تقولو لا (وجعلنا من الماء كل شي حي) صدق الله العظيم
دليل على اهمية الماء لكل كائن حي وطفلك كائن حي طبع اكيييد0 طيب ليش مانعطيه ونحرمه من نعمة الماء اللي ربنا ذاكرها في القران الكريم

وطبع اكلك لهو دوور مهم لطفلك لو اكلتي اكلات تنفخ بطنك راح ترووح للبيبي عن طريق الحليب ولو كترتي من العسل والملينات البطن كمان راح تسببلو اسهال او امساك على حسب نوع الاكل اللي بتاكليه
يعني خالي اكلك فيه توازن
وكل بعد 3ايام انتي والبيبي شمي منقوع المر عشان ريحة العطووور لو جاكي ضيوووف وكمان ممكن تحطي كسره بسيطه من المر مع القهوه

وبا النسبه للبرنامج النفاس انا ما جربت شي عنو انا نزلت بعض تجارب اللي اعرفهم وبعض الاشياء اللي سارت معايه ويوفق الجمييييييع
واي شي جديد راح انزله انشاء الله
ودعواتكم يابنات الله يرزقني با الولد الصالح السليم ويتمم حملي ويسهل ولادتي ويهدي بنتي وزووجي لا تنسوني من الدعاء

الله يسهل على كل وحدة حملها و ولادتها و نفاسها و يصلح لها ما عطاها و أنا معكم آمين يا رب العالمين ..

[فداك عمري يازوجي]

الله يعطيكي الغافيه

[مدام الهام]

الامورة رغد سلامتك ياقلبي انا الم اسناني بسبب ضرس العقل مو راضي يطلع الدكتورة تقولي مالة مكان لازم نخلعة بعملية بس انا مطنشة والمة يجيني من فترة لفترة وتحليل الدم ترى عادي مو لازم تكوني صايمة اصلا تدخوي لو تروحي صايمة ومعافاة يارب Roooooz شكرا للنضام النفاس

[الاموره رغد]

rooooooooooooz مشكووووووره ياقلبي على النظام والله يرزقك الي تتمنين ويسهل ولادتك ويهدي بنتك وزوجك ياااااااااارب