اهلا باهل الجود والكرم **اهلا بسيدات ليبيا**

[جوهرة ليبيا]

شكله حاجه حللللوه سلم ايدياتك

[جوهرة ليبيا]

نستاذن خوله بنوتي رقدت الغاليه بنمشي نرقد


تصبحوا علي الف خييييييييييييير

والسلام عليكم ورحمة الله وبركاته

[خوله 2014]

تسلمي يا جيجي وتصبحي علي الف خير

[sosolibya]

صبااااااااااح العسل ياعسولاااااااات بلادي الحلوات ,,

كيف حالكم ليكم وحششششششششة..


شن أخباركم


ألأيام الفاتت وصتني شموسة نسلم عليكم..

[sosolibya]

اليوم نايضة من الصبح نازلة في الظمان والقلب ,,

حمود مريض ترجيع وإسهااااااال لبسته شمال لأنه مرات معاش يلحق والبارح ناض مايدريش على روحه مسكين يرجع وخلاص

وتوا كلمني زوجي قاللي بالك ناقصتكم حاجة ,, قلتله والله للأسف مادرتش غداء مالحقتش قالي باهي حاضر توا نجيبلكم غداء..

بالرغم من أني نحب مرة مرة حاجة جاهزة لكن مايهونش عليا مانطيبش على خاطره.. يللا مرة مرة مش مشكلة,,

كيف حااااااااااالكم وأنا خاشة مندفعة نحكي حالة..

[sosolibya]

مممممممم شهة ياخولة تجننننن تقصدي العجينة جاهزة ولا كيف ,,

وتعالي ياحلوة شاركي بالصورة في صفحة الطبخ معتي عالفيس..

أوشي ممممممممممممممممممم رهييييييييييييييييييييييييييييييبة صورة البازين حاجة روعة بصدق وحتى هي نستنى أمتى تشاركي بيها في الصفحة ضروري خلي تفوح الصفحة بالحاجات الحلوة..


والبيتزا والصفيحة الباين لذيذااااااااااااااات بس با مزينتها البيتزا شكلها كاتشب صح

[sosolibya]

فروسة ياحلوة كيف حالك ياعسولة وخيرك ماتبيش تردي عليا وأنا نسأل عليك شن أخبارك ياحلوة وتوا نجربها طريقتك في البيتزا ونقك إن شاء الله,,


فروسة نبي نسألك وحدة في صفحة المطبخ تبي طريقة التشيز كيك عادي لو خدي طريقتك ونزلتها وأستعنت بصورك ردي عليا لو سمحت ..

لأان نبي نزل طريقة مضمونة

[اوشي]

السلام عليكم ورحمة الله


كيف حالكم اليوم.. ان شاء الله اموركم كلها تمام


ا

[اوشي]

انا اليوم ماشية لصديقتي من ايام الجامعة

تقريبا ليا مايقار 7 سنوات ماشفتهاش


القيتها يومتها راسلتي عالفايبر ان خالتها توفت

قلت خليني نمشيلها من نعزي امها ونتقابلو انا وياها

[اوشي]

سوسو ...

خوذي البازين واي حاجة انحطها .. لاني مرات ننسى

ماتقوليش اني انا مانبيكش تاخذي حاجاتي