دردشة حوامل أهل الكويت - دردشة بنات الكويت - تجمع حوامل الكويت

[hanaaa27]

هااي حبيباتي انا بعد وياكم كويتيه وحامل بالبيبي السادس قولوا ما شاءالله وميته خوف من الولاده والله العظيم وياريت اتابع وياكم ليم اولد بالسلامه وانا الحين بالاسبوع ال36 يعني اول التاسع واراجع عند دكتور زكريا ابو المعاطي بدار الشفا

[عواطف السلمان]

حبيباتي ..
انا بعد حامل بتوم ربي يحفظهم ويعوض صبري خير فيهم تعذبت والله عالم شكثر عانيت بس ربي ماقصر .
انا الحين بآخر السابع ادعولي يا كويتيات ربي يسهل امري واوصل فيهم للتاسع .
خايفة من الولادة المبكرة وصج الصباح مسويين فيني خرعة والله اني ماودي بولادتهم وخايفة من الولادة المبكرة ويصير مالي حل الا الصباح .
انا اراجع بالعرف . جدا راقين في التعامل والمستشفى روعة سويت عملية الربط عندهم صراحة كانت روعة . والتشخيص عندهم 100 % والله لو تدرون الصباح شسووا فيني ما لمتوني على الجفا اللي بيني وبين هالمستشفى .
الله يتمم على الكل ويسهل امر الكروشات بهالمنتدى ويوصلهم للتاسع بالسلامة يارب العالمين .

[أم ياسمين]

زود الغلا:انا بعد مفكره اخذ الصغير بس يكفي لي اي عمر تدرين؟
هانا:هلا فيج حياتي والله يقومج بالسلامه.
عواطف:انا بعد فيني توم بنت وولد وانتي شنو توأمج؟ بس ما فهمت تراجعين بأي مستشفى؟

[توأم روحي]

مساكم الله بالخير هلا بالكويتيات يا حلوكم و يا حلو الكويت
عواطف السلمان: نفس الشعور والله انا خايفة من الولاده المبكرة بس بغيت أعرف كم كيلو لازم يكون وزن البيبي عشان ما يحتاج حضانه؟
هنا 27: حياج الله حبيبتي والله يتمم عليج حملج.
أم ياسمين: انا شريت سريرين حجمهم مناسب مو كبير وايد ولا صغير وايد من مذركير كان سعره قبل الخصم 40 د.ك و صار ب 25 د.ك بعد الخصم الحلو فيه انه يصير هزاز و يصير ثابت بنفس الوقت بس باقيلي الماترس و الكفرات واذا كبروا انشالله عندي سرير بنتي يوم كانت صغيره شاريته من سنتر بوينت بس اشتري واحد ثاني نفسه و نصيحه لا تكثرون انا في بنتي ياتني شكثر هدايا من السلال الصغيرة حطيت واحد في بيت أهلي و واحد في بيت حمولتي و الباقي وزعتهم هدايا . و هذي صورة السرير الهزاز:

[بسبوسه]

شلونكم حبايبي؟؟؟

شوقتوني على اغراض البيبي بس تو الناس علي الله يسهل يارب ان شاء الله.

انصح للمولود السرير الصغير اللي جنه سله او اي نوع ثاني افضل من الكبير تو الناس عليه.

[حبيبه مشعل]

مرحبا بنات
شخباركم انشاءالله بخير
حبيت اسال متى تبدى خصومات مذركير وسنتر بوينت

[توأم روحي]

هلا والله حبيبة مشعل بالنسبة للخصومات ماعندي فكرة بس اهم على طول خصومات فترة الصيف كانت كلها خصومات و اتوقع بداية الشتاء يسون خصومات بعد.

[هايدي]

حبيت اسالكم ،،، اشلون اتعرفون اذا فيكم ولد و الا بنت ؟؟؟؟
من تجاربكم الشخصية :)

[أم ياسمين]

*نص رمضان كان فيه خصومات كل مكان فما افتكر يسوون خصومات ثانيه هالفتره يمكن اخر السنه.
*والله الصراحه انا ما عرفت نوع الجنين الا من السونار الحريم يقولون كلام وايد بس ما احس ان مضبوط.

[هايدي]

اييي اتصدقين في ناس يعرفون :)