¤ô§ô ~أحلى تجمع حوامل التوأم 2011~ ô§ô

ام جومانة · 02-13-2011, 09:18 PM

ايش رأيكم بهالاسمين
سيدرا & سراج

ام جومانة · 02-13-2011, 09:26 PM

كوفي كلر ... الله يسلمك ياقمر ان شاءالله نوصل للتاسع على خير .
وعن الافرازات مااعندي خلفية ان شاءالله البنات يفيدونك .
الله يقومك بالسلامة يارب وتشوفين عيالك بصحة وسلامة ياارب ويفرح قلبك فيهم يارب

kovi_colors · 02-13-2011, 09:47 PM

حلوين ها الاسماء كتير بس سيدرا اسم بنت او ولد؟

روعة ن · 02-13-2011, 09:52 PM

كوفي حبيبتي ممكن الافرازات لانو المشيمة ترتفع وتنزاح من مكانها فتنزل معها شوية دم ويختلط مع الافرازات الطبيعية فيصير لونها بني واسالك انت تاخدي تثبيت
ام جمانه انت كنت تاخذي تثبيت وايش الادوية الي عطوكي عشان الطلق

الياه · 02-13-2011, 10:06 PM

مساكم خير وسرور

أخباركم يا أحلى كروشات
وأخبار التوينز

اليوم في الدوام
حسيت بتعب وثقل كبير
وكل من شافني يدعيلي" لها الدرجه أكسر الخاطر

"
رديت وحطيت راسي 3:15م كنت حيل تعبانة وأبى أرقد
من الخاطر رقدت وحطيت المنبه 4:45م
على أساس أبى اسير افصل عباة
" كل عبي ضاقت من الرشاقة هههههه"
وآخذ أغراض من السوبرماركت
مادريت بالدنيا إلا الساعة 6:30م وكنت راقدة
على جهة اليمين وماتحركت أبد من التعب
ويوم ييت بنش حسيت بالتوينز متكورين ومتحجر بطني
وحسيت بشد فظيع جهة اليمين
حاولت أنش ماقدرت ومن قوة الألم دمعة عيني
انسدحت على ظهري وحاولت انجلب على جهة اليسار وأنش
وحسيت بالشد أكثر وصحت

وصحت

عقب انسدحت على ظهري وحاولت انش
مافي مجال!!!
دقيت على أختي وقلت لها تيي عندي
وقلت لها ساعديني بنش مب قادرة وسحبتني
ونفس الشد والألم وانسدحت وصحت
شو اسوي دلوووعة ههههههه
عقب راح الشد بس شعور فظيع الصراحه
الله يعين على الأيام اليايه
و
بس
منو أييها شد في بطنها بها الطريقة؟؟؟؟
وهل هذا شي عادي؟؟؟

والحين بخليكم وبقرى شو طافني من أحداث
في التجمع

الياه · 02-13-2011, 10:19 PM

باركولي يا حلوات
دخلت السادس

ام دحوم · 02-13-2011, 10:25 PM

ام جومانه
الحمدالله على سلامتك و ماتشوفين شر والله يتمم لك علي خير وتفرحين بشوفتهم بصحه وعافيه
الياه
ماتشوفين شر والله يهون عليك حملهم وولادتهم يارب وكل شي عند الله مايضيع ماقول الي الله يجعل والدينا في الجنه قد ايش تعبو علينا

متلهفه لضمته · 02-13-2011, 10:32 PM

مساء الخير على الجميع

مشكورات اللي سألن عني

انا ان شاء الله بخير

اختي روعة ن

مابعد يجي موعدي الاسبوع الجاي مثل هاليوم

بنااات بسألكن

انا اليوم من بعد المغرب طلعت (احوس) بالسياره على المحلات للبيت طبعا

ومن طلعت لين رجعت يمكن نزلت من السياره شي 5 مرات

وجيت وسويت العشا وكان متعب لاني ما جلست الا لما جيت باكل

لاني مستعجله وتأخرت في الطباخ عشان زوجي يبغى يلحق ينام

وانتو بكرامه نزلت مني افرازات صفراء

بسألكم هل خطر علي لون الافراز الاصفر ؟؟؟

وبشنو تنصحوني ؟؟؟

بصراحه خايفه على البيبي

متلهفه لضمته · 02-13-2011, 10:34 PM

اختي الياه ماتشوفين شر

واختي ام جمانه ماتشوفين شر

بالسلامه ان شاء الله للجميع

ومبروووك اختي الياه دخولك السادس وعقبال التاسع يارب

اول غرام · 02-13-2011, 10:48 PM

شكلي طافتني صفحات كثيره برجع اقراها

الياه
الف مبروك دخولك السادس وعقبال التاسع يارب..

متلهفه لضمته
يابنت قلنالك خففي من التعب والمشي والذي منوو
الافرازات اذا كان معها حكه او ريحه غريبه هذي التهابات يعطونك عليها علاج
مراجعتك الجايه مع الدكتوره ناقشيها بهالموضوع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أزياء حوامل 2011 , أفخم الموديلات و آخر موضة ملابس حوامل لعام 2011	ايلاف	الموضة و الجمال	13	10-06-2014 09:07 PM
أزياء حوامل 2011	غلا الشوق	الموضة و الجمال	4	02-08-2012 02:47 AM
ازياء حوامل 2011؟	الحبوبه	الموضة و الجمال	10	02-16-2011 04:07 AM
ازياء حوامل 2011 ملابس حوامل صور حوامل ملابس افضل الملابس للحامل	غلا الشوق	الموضة و الجمال	13	01-02-2011 10:02 PM
أحلى ملاااابس للحاااامل 2011	Mقمة البرااااائهM	الموضة و الجمال	4	04-24-2010 04:38 PM