تجمع الحوامل الي بيولدون في شهر ذو القعده ^_^

[ريم ام لولو]

اي والله من جد يعني بتفرق هههههه

الله يوسع صدرك بالعافيه ياوخيتي


والله ماعندي استعداد اخذ من العاشر ولا يوم

[حاملة قيمي]

الله يبارك فيكم وفيما رزقكم
ويهون ع الباقيات عاااجلا غير اجل

[حاملة قيمي]

ريم ياعمري وسعي صدرك
وربي بتجي الولاده فجأه وكل شي ورى بعض وبتتسهل بأذن ربك
بس انتبهي من الحلتيت اول ما دخلت كل وحده تجي شوي تقول اهم شي ما استخدمتي حلتيت
امشي وكبببببببببببببري خطوتك يفتح الرحم بسرعه سبحان الله هذا اللي استمريت عليه انا والحمدالله
فتح ومع طلقهم تسهلت
الله يفرج لك على خير

[ريم ام لولو]

والله مافكرت استخدم اي شي
كل اللي اسويه اتحمم بمويه دافيه وامشي واشرب يانسون ابي بس يهدي اعصابي وارسترخي

انتي كيف جت ولادتك كان عندك علامات او بوادر

ولا طلعت عليك المويه ولا كيف


انا من يوم الخميس وهي تطلع معاي افرازات دم مع شي بني واتوقع انها سدادة الرحم. ولا فيه اي الم او طلق بس الم الدوره خفيف يروح وبعد 4 ساعات يجي *

[ريم ام لولو]

يارب يسر ولا تعسر

ورد القلوب شكلهم مسكوك وولدوك


انت اليوم وانا بكرا ان شاء الله

[ورد القلوب]

لا ريوم للاسف ما مسكوني

البارحة جا ألم قوي في ظهري ورجايلي يادوب امشي

واليوم الصباح نزلت السدادة

قلت خلاص ولادة

لميت عفشي واخذت شنطة المستشفى <<< بس خليتها في السيارة عن الفشيلة

بس للاسف الرحم كان مسكر

وسوت لي تخطيط كان عندي طلق قوي يوصل 85
بس مو منتظم

لاني من قربت الى المستشفى راااااح الالم

وسوت لي كشف مرة ثانية وقالت الرحم فاتح واحد ونص

وطلعوني قالوا لي بيعطوني فرصة الى يوم الثلاثاء اذا ما ولدت بيمسكوني وبيعطوني طلق صناعي

وقالت ننتظرك تكملي الاسبوع 41 ويومين

[عشيري2000]

يارب ياريم انهم بكره ينومونك من غير شر وتبشرينا بشوفه وليدك اللي يتغلى علينا وانتي

واياه بصحه وعافيه وكل البنات يارب

[%ريحانة الدنيا%]

ريم ياعمري هونيا
الله يصبر قلبك ان شاءالله
يارب نسمع اخبار حلوه عنك الليله مو بكرا حتى

[الصمت عشقي]

هلا بكم عنوني
حبيت ابشركم اني مازلت بكرشتي << ماولدت
المهم اخباركم يالغوالي

بنات ابي رايكم بشغله
يوم الربوع قالو لي ان اخر موعد للولاده يوم الاحد انا انصدمت وصار وجهي كذا
لان الدكتوره اللي بالصحي قالت لي اخر موعد الربوع
المهم قالت لي تعالي يوم الاحد ونشوف اذا فيك طلق او لا واذا مافي بينوموني واحتمال يعطوني طلق صناعي
وش رايكم اتنيم والا لا....؟

((طبعا يوم الربوع قالت لي الرحم فاتح 1 سم))

[ريم ام لولو]

هههههه وينك ياكرشه

يحبي لك والله اني استوحشت لحالي في التجمع

انا بكرا اخر موعد لي وبتوكل على الله مهما قالوا لي

انتي توكلي على الله

انا والده ببنتي طلق صناعي والحمد لله

بعض الحريم يفتح الرحم ومايجيهم طلق سبحان الله