تجمع حوامل ليبيا

[ليبياقلبي]

نسرينا جبيتي والله حلمك مفسر ويارب خير
ولولي انا نحب النفش الاسمر وربي يخليها ليك بنوتك
ووووووووووميرنا ربي ينولك مافي بالك

[راجيه فرج ربها]

مشكوره حبيبتي تيمو على دعواتك الطيبه امين ويعطيك مافي خاطرك يارب العالمين مراحب بيك نسرينا وكل الغاليات نسرينا شدي الشهر هدا في الرقيه بزيت الزيتون وادهني بيها بطنك وحضانك وان شاء الله ربي يسخرلك الحمل العاجل يارب من تجارب اخوات بالرقيه شفت العجب العجاب وربي يسر لكن كلكن يارب

[تيمو ليبيا]

بوسي ربي يخليهالك يارب ويفرحك باخت ولا خوي معاها بنوتي علي جوها مرات ترقد ومرات لا وامس كله مرقدتش لليل وهيا تلعب وبس نسرينا انشالله كانه جاتك بنيا تسميها ملاك واحلا ملاك اتكون ام ردينه تيمو اسم دلع زعميتك

[أم ردينة]

مساء الخييير اني كيف نضت من الساعه 1ونص البارح لن الساعه 11 واني فايقه اني والصبي .. كيف حالكم جميعا

[أم سعد]

السلام عليكم

نسرينا ... إن شاء الله ربي يرزقك ببنت ولاااااااااااااازم تسميها ملاك ... هذا تفسير الشيخ

واحني الليبيين يفسرو في البنت على أنها رزق يدخل عليك

:)

[لوووورا]

الف الف الف مبرووووووووووك دخول السنه الجديده اللهم اجعلها سنوات علينا حب وموده ورحمه ورزق ورضاء فيها الرحمن يارب العالمين اللهم اجعلها علينا سنه مغفره وفرح يارب العالمين
اللهم لا تجعل في هذا السنه ذنب الاغفراته ولاهما الافرجته ودين الاسددته
ولامسكين الا الارزقته ولا محروم الا رزقته بذرريه الصالحه ولا فقير الاعطيته والاييتيم الا اويته ولا حامل الافرج كربتها ولا سال الاعطيته سواله
اللهم تقبل دعاءنا يارب العالمين اللهم هذا الدعاء وعليك الاجابه وهذا الجهد وعليك التكلان
دعوووواتكم لامي بالشفاء العاجل ودعوتكم لي بالولاده المسهله والطفله السليمه المتعافيه

[أم سعد]

اللهم آمين

[نسرينا]

السلام عليكم

اللهم امين

تقبل الله دعاؤكِ اخت لوووورا

الله يطمنكم كلكم ويسعد ايامكم ، فرحتوني بتفسير الحلم

مشكورة ام سعد ربي يتتملك على خير ويسهلك ولادتك ....
حتى اني قلت لبنت اختي ، لو ربي رزقني بنت حنسميها ملاك ، مع اني نموت نموت نموت في اسم سارة ...

كل عام وانتم بخير بمناسبة السنة الهجرية الجديدة ربي يحقق فيها كل امانيكم واحلامكم .

[نسرينا]

ياهوووووه


ها وين جماعة الليل وآخره
سورينام وعيون و لولي

[لولى2010]

نسرينا انا سجلت حضورى انت وينك امس هههههههههه
تعرفى حلمك قريب من حلم حلمته ليا بنت خالتى حلمت بيا ان خاشه عليهم برداء خضر وبعده اختى حلمت بيا جايبه بنت وكلهم قالولى الحمل فى الطريق وحملت وجبت سبحانه الله العقبالك