ديوانية البحرين - دردشة حوامل البحرين - البحرينيات

[حبيبة حسوني]

سلام بنات شخبار عساكم بخير
بغيت اسلكم متى ادخل الثامن؟؟؟

[فلونة]

باقولج اذا تذكرتي ،، الدكاترة عقب الولادة يكون الروند مالهم الصبح على الساعة ثمان اتيي الدكتورة وتسألج عن مكان الخياطة واذا كل شي اوكي بس طلبي منها تكتب لج الجل وكريم ميبو لان في العادة ما يكتبون ومن الصيدلية موجود سعره 5 او 6 دينار على ماعتقد .. بس انتي قولي لها كتبي لي كريم ميبوو

انا وقت الي كنت عند اختي قلت لها كتبي لها الكريم الا تقول ما له داعي اذا ما تحس بحرقان وحرارة مكان الجراحة قلت لها تحتاجه،، جنهم دافعين شي من عندهم

وكتبت لها جل معقم وكريم ميبو وايد استفادت منه حتى ولدها استخدمته له وقت ختانه.. انتي اذا تذكرتي قولي لها ميبو ميبو

طفلي ،، انا حطيت دوبي ودوبج وتركت الغدى يولي علشان جذي اخترب
والشاي شلون ابلعه جذي ،، انا ماحب الشاب واهو مستوي الا جذي جني اكل نمل
والنشا باشتري لي بعديين وحتى موز ماميش عندي ماجلة البيت خلصت في الليل بنروح نشتري والله يعيني على المشي الا جان تتبرعين لي وتروحين بدالي
فري على البحرين حاطين بوومبو جان تسليج شووي

[بنت الأياويد]

زين قلتي لي فلونة ان شاءالله حزة الحزة اتذكره هههههههههههه

[فلونة]

وبعد شنو باقي لج حق الولادة ؟

[طفلي حياتي]

ويلي على بومبو اموت عليه
وبالنسبه لغداش اني من دخلت وانتين تقولين هو ماجهز مادري ويش بس يا الله عشان ما تتحججين فيني هالمره
الجاي يالطيبه فتحي الجيس وخلي محتواه في حلقش واشربي ماي مباشره عليه بروح داخل بلعومش والثاني مثل الشي
نجي لطريقة النشا ماعدش نشا؟؟ اذا عندش كستر مال رمضان اخذي قفشه مليانه وذوبيها في نص قلاص ماي واشربيه شربا هنيئا
بيوقف الاسهال
والحين اني صرت زينه مو تقولين اتحجج اكو اعالج اني

[حبيبة حسوني]

يووو محد رد عليي الله يسامحكم:(

[بنت الأياويد]

تقريبا خلصت كلشي الحمدلله بس باقي اجهز الشنطة ودلة ماخذيت حق الياهل ولا خذيت لي قطن حق الصدر وملابس داخلية الحمدلله اغراضي كلشي برزتهم من قبل بشهر بديت اتشرى من السابع فكيت عمري

[طفلي حياتي]

حبيبة حسوني هاش الجدول


الشهر الثامن 31اسبوع و1 يوم تدخلين الثامن

[حبيبة حسوني]

يعني هالجدول مضبوط ؟؟؟؟ سمعت يقولون انه غلط

[فلونة]

طفلي،،ما شاء الله عليج اخصائية تغذية وجهاز هضمي ،، وينهم عنج هالمستشفيات :P
باسوي لي كستر على قولتج انا الشااي ماحبه كلش والكافيين بروحه ينزل الدم وانا دمي كله قااصر تبين تذبحيني
عقب كل وجبة اروح الحمام الله يعزكم ،، ماظنتي يوصل شي حق هالبيبي
مشكوورة حبيبة البي ،، والبحرين كل يوم عقب الاخبار يحطون جازورا وبومبوو تابعيهم ززين ها

بنت الاياوويد،، انا ماخذيت دلة خذيت شي ماعرف شسمه نوع الغرشة تحفظ الماي صاخن ماعرف شيسمونه هالاختراع .. نفس الكوب الي يشربون فيه الكوفي بس على حجم عوود من مذركير